عفشة بروتون جين 2

**karim_hassan** · 27-05-2012 03:19 PM

السلام عليكم

يا جماعه انا عربيتى بروتون جين 2 2007 انا اتعقدت بسبب مساعدين بروتون بقالى حوالى 3 شهور بدور على مساعدين امامى لعربيتى مش لاقيهم خالص لا kyb ولا hwl لاقيت استيراد و بس بس انا قلقان انى اجيب مساعدين استيراد وحاولت اعرف لو فى بديل محدش افادنى خالص امبارح كلمت واحد قالى ان موجود عنده المساعدين الاصليين الى بتنزل بيهم العربيه وبيبيعهم ب 1400 انا شايف ان السعر عالى قوى فكرت انى اركب عفشه كامله كونى واريح دماغى كلمت ارابكوم وكيل كونى فمصر بيقولى ان كونى منزلتش عفشه للبروتون جين 2 بس حد عنده اى حل للمشكله دى؟

**eng.m7md.ali** · 27-05-2012 07:39 PM

الله يخربيت ده توكيل زفت
يعني مفيش اتيال فرامل ولا مساعدين ولا في اي حاجة
امال فاتحين ليه يعني حسبي الله ونعم الوكيل فيهم

**karim_hassan** · 27-05-2012 08:15 PM

لو انت عاوز تيل فرامل اشرف منصور عنده

**mado208** · 28-05-2012 12:46 AM

فى مساعدين نزله جديده مترقمه كل رقم بيشتغل على مجموعه من العربيات وفى لبروتون بس مش عارف رقمو انا عرفت كده من مهندس سيارات

**mado208** · 28-05-2012 12:58 AM

هعرفلك منو رقمو

**eng.m7md.ali** · 28-05-2012 01:14 AM

انا عارف ان الاتيال في كل حتة
بس لما توكيل ميبقاش عنده تيل يبقى ده اسمه ايه ؟؟
على العموم برشحلك عفشة كوني وتقريبا هيا بتاعت اللانسر بوما
روح لعادل وجدي او حمادة غزي واسأل على ايه اللي يمشي على الجين2 من العفشات التانية

**mido_soliman** · 28-05-2012 07:01 AM

مفيش عفشة كونى فعلا لبروتون جين2
بس عموما العفشة طبق الاضل عفشة الكريستالة الانسر 98
يعنى كل اللى انت محتاجة انك تروح للعفشجى وتخلية يشيل مساعد بايظ تاخدة وتطلع على بتاع الانسر تجيب اخوة حتلاقية بتاع الكريستالة
او انك تروح بنفس المساعد تجيب اخوة كونى او ابيكس او اى نوع رياضى
هوة فعلا كلمة بروتون جين2 توحيلك بانك بتكلم البائع او التاجر عن كائن فضائى رغم ان البديل موجود فعلا وبكثرة لكن غالبا محدش بيشتغل فى العربية اساسا من الصنايعية لاعتماديتها :)))

**karim_hassan** · 29-05-2012 11:26 AM

تسلم ياباشا عالمعلومه دى انا بجد كنت هتجنن واعرف بديل للمساعدين دى انا ان شاء الله هروح افكهم واجيب بدالهم علشان انا لاقيت الموضوع هيفتح عند عادل وجدى عنده ال 4 مساعدين d2 بيبدأوا من 6000 جنيه

**yousefsemsem** · 30-05-2012 10:18 PM

بص ياباشا خد الرقم ده وكلمه لعلا وعسا يكون عنده وباذن الله يكون عنده
01098801966
اسمه خالد نصار اساله وباذن الله احتمال كبير اوي تلاقيه عنده
ولو مالقتش فعلا زي ماقالو لك الاخوه الافاضل فكه وشوف زيه هتلاقي البديل اكيد
لان مصانع العربيات مش هتخترع مساعدين لازم يكون في حاجات متشابهه وربنا يوفقك في حل مشكلتك