استهلاك الجين 2 للبنزين اقل مع الشد و الحرق !!!!!!!!!!!!

**tamerosman** · 18-06-2012 11:17 PM

انا عايش فى اسكندرية و من بعد الثورة الزحمة عندنا بقت شنيعة ،،،،،

استهلاك البنزين عندى جوه البلد مع الزحمة الشديدة و الوقوف كتير فى الاشارات و مشاوير قصيرة حوالى 150 كم / صفيحة ( بدون تشغيل التكييف ) ،،جين 2 -2011 -اتوماتيك ،،،، و الموضوع ده كان قاهرنى

كنت طالع الساحل الويك اند الى فات ،،، ،،،،،، فولت العربية من موبيل و صفرت العداد و طلعت مارينا و طول الطريق مشغل التكييف مع متوسط سرعة من 120 الى 140 كم و حرق و شد ( كنت لسا مرصص و باجرب نتيجة الترصيص علشان كان عندى رجة بعد 120 و الحمد لله راحت بعد مارصصت فى موبيل سموحة )

المهم وصلت من اسكنرية لمارينا و لفيت جوه مارينا و تانى يوم و انا راجع على اسكندرية فولت من محطة شيل الى قدام مارينا 4 ،،،،،،،،،،،، العربية اخدت 17 لتر و العداد كان عامل 190 كم ،،، تبقى الحسبة كده 223 كم فى الصفيحة ( تشغيل تكييف و حرق لغاية 140 كم /ساعة ) و الغريب انى لما كنت باحرق و بعدين اشيل رجلى من على البنزين كومبيوتر الاستهلاك كان بينزل ( نزل من 9.4 الى 7.7)

الخلاصة :

الجين 2 ماتنفعش للزحمة و مش مصممة للسواقة داخل المدن بس ممتازة فى السفر !!!!

**eng.m7md.ali** · 19-06-2012 01:28 AM

طب تيجي ازاااي؟؟
ناس تقول العربية بتعمل اكتر من 200 كيلو في الزحمة والتكييف
وناس تقول بتعمل 180 كيلو بالتكييف وبردو في الزحمة
واحد زي حالاتي بتعمل 120 كيلو من غير تكييف وفي الزحمة و 180-190 كيلو على سرعة 140 كيلو بالتكييف
وحضرتك 150 كيلو في الزحمة من غير تكييف و 17 لتر في ال190 كيلو حرق وشد وتكييف
طب كدة المشكلة في ايه؟

**mech.power.eng** · 20-06-2012 03:41 PM

وانا مبقتش عارف اشتريها ولا لا خوفتونى منها
:(

**windofchange** · 20-06-2012 11:48 PM

انتم يارجالة اكيد عارفين ان زيت الموتور بيساهم في خفض استهلاك البنزين....اهم شيء تحط اللزوجة المنصح بها من كتالوج العربية والاكثر توافقا مع طقس مصر

**ahmedsiyam** · 21-06-2012 12:03 AM

العربية بتاكل بنزين و ده شيئ معروف جدا للعربية الـ 1600 و بالذات الجين 2 فى استهلاك البنزين شرهة جدا و الاعتماد على كومبيوتر السيارة غير صحيح و القراءات غلط
لكن فى الاخر العربية ادائها حلو جدا على طرق السفر و استهلاكها طبيعى