Braking fault !!!!!!!

**figoo2001010** · 31-07-2012 12:44 PM

شباب أنا ظهرلى المسج دية 3 مرات لحد دلوقتى وأختفت Braking fault !!!!!!!!!! يقصد بيها أية فى الفرامل

**figoo2001010** · 31-07-2012 05:44 PM

اية مفيش حد ظهرلوا الموضوع دة والا اية

**Ahmed Selim** · 31-07-2012 11:34 PM

إن شاء الله بسيطة

غالباً هيكون حاجة أسمها صباع المرشيدير........و ده اللى بيبقى مسؤول عن الأحساس بدوسة الفرامل و العربية واقفة علشان يسمحلك تنقل من ال p لل d مثلاً.

و فى حالتك أنت بتقول أنها ظهرت و أختفت 3 مرات.........يعنى ممكن يكون محتاج يتثبت بس أو محتاج يتنضف.

عموماً أنا فاكر أنى كنت غيرته مرة فى الميكانيكون العرب و كان فى رمضان برضه بس من كذا سنة :)

كان فى حدود 150 أو أقل كمان........و مش بياخد أكتر من نص ساعة شغل.

**WALEEDELGINADY** · 01-08-2012 12:03 PM

أنا حصل معايا ن حوالى إسبوعين الرسالة كانت break system fault ولمبة ال abs نورت هى ولمية فرامل اليد و الباور راح من الدركسيون و عداد السرعة عطل و فى الأخر غيرت ال abs بواحد إستيراد ب 350 جنيه
بس واضح إن عندك الموضوع إن شاء الله يكون أبسط كتير

**figoo2001010** · 21-08-2012 12:09 PM

أنهاء للموضوع لأفادة البحثون عن المشكلة ........ روحت التوكيل وكنت بعمل كدة كدة صيانة الخمسيين .... وقالى التيل مش هيكمل معاك 5 الف كيلو ... أمامى وخلفى فغيروتهم وكانت تكلفة الصيانة بتغير الاثنين تيل ب 1700ج :-( ,,,,,, بس هل الانذار عشان نقص زيت الفرامل والا عشان التيل خلص...... أنا برجح الاختيار اول .... بسبب أن الانذار بيطلعى لما أخد مطب بسرعة فمستوى الزيت يتهز فيدينى أنذار ويروح تانى........ وكل سنة وانتو طيبين.

التيل غالى جدا فى التوكيل بس أداء الفرامل أختلف كليا ...... السوال لو انا كنت غيرتة بالنوع الاسبانى (170ج) المشهور فى المنتدى كان هيبقى نفس الاداء !!!!!!!!!!!!!!!!

**Ahmed Selim** · 21-08-2012 02:46 PM

المشاركة الأصلية كتبت بواسطة figoo2001010

أنهاء للموضوع لأفادة البحثون عن المشكلة ........ روحت التوكيل وكنت بعمل كدة كدة صيانة الخمسيين .... وقالى التيل مش هيكمل معاك 5 الف كيلو ... أمامى وخلفى فغيروتهم وكانت تكلفة الصيانة بتغير الاثنين تيل ب 1700ج :-( ,,,,,, بس هل الانذار عشان نقص زيت الفرامل والا عشان التيل خلص...... أنا برجح الاختيار اول .... بسبب أن الانذار بيطلعى لما أخد مطب بسرعة فمستوى الزيت يتهز فيدينى أنذار ويروح تانى........ وكل سنة وانتو طيبين.

التيل غالى جدا فى التوكيل بس أداء الفرامل أختلف كليا ...... السوال لو انا كنت غيرتة بالنوع الاسبانى (170ج) المشهور فى المنتدى كان هيبقى نفس الاداء !!!!!!!!!!!!!!!!

الف مبروك على التيل.........أعتقد لو غيرت التيل الأسبانى ( نوع أسمه ريمسا ) هيكون كويس و الأداء لو أختلف مش هيكون إختلاف ملحوظ قوى.

**MohammedAladel** · 21-08-2012 06:36 PM

طيب الفاليو أحسن ولا الريمسا ؟ وياريت أسعار الاتنيين للى عارف ؟ ورا وقدام

**Ahmed Selim** · 21-08-2012 09:57 PM

المشاركة الأصلية كتبت بواسطة mohammedaladel

بالنسبة للتيل هو عادى أى حد ميكانيكى يعرف التيل كويس ولا لأ ؟؟؟ ولا زى الكاوتش كدا مفيش حد يقدر يحدد صلاحيته بالظبط ؟

أى حد ممكن يعرف..........هى بتفرق فى تخانة التيل و أنت بتشيك

التيل جديد المفروض يكون 18 مللى

و أقل تخانة ينصح بها 6 مللي.

و ده للتيل الأمامي.

المشاركة الأصلية كتبت بواسطة mohammedaladel

طيب الفاليو أحسن ولا الريمسا ؟ وياريت أسعار الاتنيين للى عارف ؟ ورا وقدام

الريمسا الأمامى كان ب 180
و ده الوحيد اللى أنا جربته.

غير كده كنت بجيب تيل تانى أسمه ebc بس أيام ما كان رخيص...........دلوقتى يعمل 500 أو 600 تقريباً.