الموضوع: السلسلة التعليمية: Engine Braking

السلام عليكم,,,
طبعا موضوع الـEngine Brake يعتبر General Driving Tips/Techniques... بس سبب أنه فـ قسم الفيات: استكمالا للسلسلة التعليمية اللى بدأها الأخوة الزملاء بتنسيق Yoko
والسبب التانى أن مواتير الفيات مشهورة بجزئية أنها بتدخل فـ Full Engine Braking Mode...!! عشان تقدمهم فـ الـ Cam-Phasing و الـValve Control/Timing

طريقة عمل فرملة المحرك أو Engine-Brake Mechanism:

طبعا كلنا عارفين أن الـEngine-Brake بيحصل على خطوتين أساسيتين: رفع القدم من على الـAccelerator وتسقيط النقلات أو Downshifting

لكن أيه اللى بيحصل جوا الموتور والجيربوكس.. ؟؟؟!! فيه حاجتين بيعملوا الـBraking-Effect:

1- عند رفع القدم من على البنزين.. الـThrottle والـButterfly-valve (أو البوابة) بتقفل جزئيا .. وبالتالى كمية هواء أقل بتدخل للـintake manifold ... فـ بيتولد قوة Vaccuum (خلخلة هوا-ضغط سالب) الـPistons بتعمل ضدها ... يعنى بتشل حركة البساتم لحظيا (بتشفطها).. وبتبقى Negative power على الـCrankshaft فبتقلل من سرعة دوران الموتور...!

طبعا فـ الـProcess دى صبابات الـintake بتقفل.. والـExhaust بتفتح جزئيا عشان تطلع العادم نتيجة ارتفاع الـrpm..والموتور بيشتغل زى Compressor كده, هو ده بقى الشغل بتاع فيات.!! التحكم فى الـLift والـTiming بتاع الـValves
2- طيب أيه اللى بيخلى الـrpm ترفع أوى..؟؟؟!! دى القوة التانية اللى بتعمل Braking-Effect وللعلم: تأثيرها أقل بكتير من الأولى (الـVaccuum)
اللى بيحصل.. أنك لما تبتدى تسقط نقلات.. بتخلى الموتور (اللى سرعتة قليلة) بيأخد سرعة دوران العجل والـdrive-train (اللى سرعتهم أعلى).. فـ الـrpm بتعلى تبعا للترس المتعشق وسرعة العجل...!!!
ودى بيسموها الـdrivetrain Friction Braking-Effect

أزاى تعمل Engine-Braking: ببساطة

1- ترفع رجلك من على دواسة البنزين.. مرة واحدة (بطريقة مفاجئة Sudden).. عشان الـECU يفهم أنك عايز تعمل Engine-Brake.. خصوصا لو الـThrottle الكهرباء أو Drive-By-Wire

2- ابدأ سقط نقلات Downshifting من الأعلى للأقل تتابعيا.. أو Sequential, وأوعى تفوت غيار أو تـskip a gear عشان الـrpm ممكن تخش فـ الـred line لو نسبة الترس مش مناسبة للسرعة..!

3- طبعا مش محتاج أقول أنك ممكن تتدخل باستخدام الفرامل العادية.. يعنى ماتعتمدش عـ الـEngine Brake لوحده.. خصوصا لو مش متمرس أو موقف Emergency..!

وده فيديو بيوضح الطريقة:
الجزء الأول تسقيط للتسارع.. لكن التانى Engine-Braking
http://www.youtube.com/watch?v=G772m...layer_embedded


وده عشان أخواتنا اللى معاهم عربيات أوتو بـTorque Converter (برضه ينفع يعمل Engine Brake من D4 لـ3-2-1 وكده, بس الأول يعمل الـOverdrive Off.. ده الجزء الأول من الفيديو..
والجزء التانى للناس اللى راكبين Manual عادى...

http://www.youtube.com/watch?v=Kd9Yy...layer_embedded


المواقف اللى لازم تستخدم فيها الـEngine Brake (مهم جدا):

1- الـDown-Hill أو نازل منحدر جامد .. وخصوصا لو معاك حمولة تقيلة, لأن:
وزن العربية بيبقى تقيل + سرعة + slope = تحميل جامد جدا عـ الفرامل..ممكن تسخن لدرجة انها تـfade أو ماتشتغلش كويس..؟؟؟!! هنا لازم تساعدها بالـEngine Brake
طبعا الناس اللى بتمور فـ المنحدرات (أو بتعمل Coasting) دى بتستهبل...! غلط جدا..!

2- المواقف المفاجئة أو الطوارىء أو فـ الـAgressive driving لو أنت سواق متهور وبتجرى فـ حتت زحمة.. الـEngine-Brake هيساعدك جدا فـ تقليل السرعة أو التوقف.. زى مثلا لو جاى بسرعة... ولقيت الطريق وقف مرة واحدة قدامك (بتحصل كتير)...!

3- السواقة الرياضية فـ الحلبات أو السباقات: تحديدا قبل دخول الملفات.. الـDownshifting مع الفرامل قبل دخول الملف.. بيساعد السواق أنه يطلع سريع من الملف عشان مسقط غيار مسبقا (ده غير الـHeel and Toe)

المواقف اللى ماينفعش تستخدم فيها الـEngine-Brake والأحتياطات الواجبة:

1- لو الـrpm أصلا عالية... يعنى ماتبقاش ماشى على 5 rpm مثلا وتسقط غيار... طبعا الموتور ممكن يخش عـ الـred-line .. هيروح فين تانى؟؟؟!!
وكمان ماينفعش تبقى ماشى على غيار عالى (5th أو 6th مثلا) وتيجى مسقط 3rd أو 2nd ... تبقى بتهرج برضه: الموتور والجيربوكس هااااااااااااااا تيييييييييييييت
2- الزحام والسواقة داخل المدينة: خد بالك لو بتستخدم الـEngine Brake لوحده من غير فرامل.. لمبة الـSTOP مش بتنور.. فـ اللى وراك ممكن يلبسك..!
أخيرا عايز أقول: ممكن بعض الناس تقولك الحركة دى بتحمل عـ الديسك والأسطوانة.. دا صحيح... بس تأثير الـEngine Brake عـ الـTransmission أقل بكتييير من تأثير الـLaunch أو الطلعة الـHard (أيه؟؟ مابتطلعش فرك بالعربية؟!)

الـExperts أجمعوا أن تقليل عمر الـClutch مثلا ممكن يقل 2-3 آلاف كيلو فـ عمره الأفتراضى كله..!!! ده طبعا excellent Cost-Benefit Relationship..

طبعا موضوع أنه بيزود أستهلاك البنزين (عشان الـrpm بتعلى).. برضه فاكس: لأن الـintake بيبقى مقفول.. والـECU بتوقف الـFuel Supply ...!!

فـ النهاية لازم أقول أن الـDualogic/Selespeed بيعمل Engine Brake لوحده (متبرمج) وكمان الفتيس فيه Inclinometer أو Slope-Detector عشان يتعرف عـ المنحدرات.. ويعمل downshift مع نفسه..! شكرا فيات..!

تم الإضافة لفهرس السلسلة التعليمية
مشرف 14ب