الموضوع: نوع البنزين مع ميجان

السلام عليكم أصدقائى

من وقت ما جبنا العربية بنفول 90 أو 92 وغالبا بيبقى مغشوش وهو 90 برضه يعنى نقول 90

الملاحظات : العربية ع السلانسيه أحيان كتير تكركر وخصوصا لما تدى ال d وتيجى طالع بتلاحظها أكتر بس عادى يعنى السحب كويس جدا

العربية كانت خلاص هتشطب بنزين بابا جاب 25 لتر سوق سوداء منهم لله

المهم أنا ماشفتوش بصراحة لأن اللى اشتراهم منه حطهم هو بابا بيقولى لونه شفاف أكتر من اللى كنا بنحطه

بعد ما سقت العربية فرق واضح جدا جدا ولما ببقى ع السلانسه مفيش التسقيفة خالص

السؤال بقى سمعت إن فيه حاجة زى حساس بتحس نوع البنزين هل موجودة فى الميجان عندنا ؟؟
وهل ينفع أؤخر الشرارة عشان تحرق ال 90 كويس من غير كركرة للعلم صاحبها القديم قال لى إنه لما كان بيتزنق كان بيحطلها 80 عادى وقت الأزمات

والله يا باشا انا في الآواخر بقيت بحط نصها 80 و 92 وشغاله كويس زي الفل والله