الموضوع: تقرير تغيير بطارية الفيرنا

من اسبوعين كده بدور العربية لقيت البطارية ماتت خالص والعربية مادارتش المهم دورتها وخدتها علي الشغل عندي وحطيت البطارية علي التونجر وبعدها اشتغلت كويس لمدة اسبوعين بس ولقيتها ماتت تاني فقررت اشتري جديد واريح دماغي خصوصا ان دي بطارية الفابريكة يعني بقالها معايا 5 سنين وشهرين ( طبعا محدش مصدق بس فعلا بطارية محترمة طالما محافظ علي صيانتها ) هي كلورايد 55 أمبير سايلة وبعد لف علي المحلات عندي في العاشر من رمضان استقريت علي ال ac delco ودي 70 أمبير وخدتها ب 400 جنيه بعد القديمة والفارتا اللي كان موجود في المحلات كانت الاقطاب بتاعته معكوسة فمالهاش حل غير انك تحط الكابلات علي شكل حرف X او تلف البطارية بس في الحالة دي الكابلات مش حاتطول فمحبتش العب في حاجة وجبت ال ac delco وركبت علي طول علي العربية بوضع الكابلات الاصلي وما شاء الله باين عليها بطارية ممتازة هي بضمان منصور لمدة سنة