الموضوع: عيوب الفلوانس

انا شايف ان مفيش ليها عيب غير ان سحبها تقيل شوية خصوصا فى الطلعة زى حال كل العربيات الاوروبى

قطع الغيار سعرها معقول للفئة ديه يعنى هتلاقيها تقريبا نفس اسعار العربيات اللى فى فئتها

اعادة البيع مشكلة فى الرينو عامة بس الفلوينس حالها افضل كتير من الميجان 2

المشاركة الأصلية كتبت بواسطة mohamed110

يا جماعة انا بفكر اشترى رينو فلوانس الجديدة فبرجاء لو تساعدونى و تعرفونى عيوبها بالظبط فى الموتور او العفشة او الفتيس او قطع الغيار او اعادة البيع و اذا كانت العيوب دى مؤثرة و لا لا ... و اكون شاكر لكم

العربية شبه خالية من العيوب والحمد لله
يعنى الحاجات اللى أغلب مالكيها لاحظوها هى:-
1. الطارة اللى فى موديل 2010 و 2011 بتقشر وبتتغير فى الضمان
2. مؤشر البنزين كان بيهيس ساعات....وبرضه بيغيروا طرمبة البنزين كلها فى الضمان
3. المساحات بتاعتها غالية وبتبوظ بسرعة......بس فى منها مش من التوكيل....بتتباع عند بتوع رينو اللى فى شارع دمشق ب 70 جنيه....فا يعتبر الموضوع مش كبير

غير كدة بقى أى حاجة فى صالح الفلوانس إذا حبيت تقارنها ب أى عربية فى فئتها

فا توكل على الله من غير ما تقلق
وسعر اعادة البيع بتاعها اتحسن كتير بعد ما الناس جربوها
وبالتوفيق

العفو يا باشا و لو عندك استفسار تانى مترددش انك تسأله حتى لو كنت شايفه بسيط او مش مهم

الواحد مش بيشترى عربية كل يوم يعنى

المشاركة الأصلية كتبت بواسطة mohamed110

يعنى الفلوانس فى اعادة البيع و حشة اوى يعنى بعد خمس سنين لو جيت ابيعها مش هعرف او يعنى هتنزل النص من سعرها الكنت شاريها بيه

هو الاوروبى تقريبا كله اعادة بيعه وحشة فى مصر حتى البى ام برضو مع انها عربية مفيش شك انها ممتازة بس برضو بتنزل جامد جدا فى اعادة البيع

لا اكيد هتعرف تبيعها .. العربية سوقها كويس و ماشى و عيوبها و الاشاعات عليها اقل كتير من الميجان 2 .. بعد خمس سنين اكيد هتنزل شوية بس برضو اى عربية تانية هتنزل الا بقى لو جبت لانسر بومة مثلا .. حتى الشارك و الكورولا الجديد بينزلوا فهى نزولها هتلاقيه طبيعى مش بتنزل جامد و مش بتمسك سعر اوى برضه .. ممكن تاخد لفة فى مواقع بيع السيارات المستعملة و تشوف رينج الاسعار بتاعتها عاملة ايه هتديك فكرة مش بطالة عن سوقها فى المستعمل عامل ايه