يا وحوش محتاجكوا معايا شوية كدة

**Mamoud salah H** · 22-10-2012 01:34 AM

بصوا بقي يا وحوش السؤال الي عندي دة عايز ناس كدة مرطزة شوية في اصوات الي بتطلع من العربية وكدة زي حلاتي كدة المهم النهاردة وانا جاي من برة قولت اعدي اسلم علي الغلبانة الميجان الي مركونة بقالها بتاع 10 ايام مش بتتحرك والحبيبة عملينها كشكول حب بسبب التراب مش بقولكوا غلبانة المهم بقي قولت اما ادورها واسخنها شوية قوم ايه بقي العربية دارت عادي جدا وكلوا تمام بس قولت اما اكبس شوية علي دواسة البنزين كدة قوم اسمع صوت صفارة كدة خير الله ما اجعله خير زي بتاعت السير بس مش بتظهر غير لما ازود كدة وrpmيوصل 3 كدة اسمع صوت صفارة السير وانا متوهش عن صوت السير لما بيودع كدة السؤال هنا بقي يا تري تحليلي كدة صح ان دة سير من السيور ولو صح يبقي سير ايه بقي كاتينة ولا دينامو ولا ايه ولو مش سير يبقي صوت ايه
معلش ولت عليكوا شوية

**karezzzma** · 22-10-2012 02:20 AM

سير دينامو عليه ترااااب
اغسل العربيه كويس والموتور وهتبقى تمام

**ملك فرنا** · 22-10-2012 02:33 AM

سير دنمو طبعا

**exact** · 22-10-2012 03:05 AM

الكاتينة مش بتصفر... الكاتينه تقطع فقط والعياذ بالله

**Mamoud salah H** · 22-10-2012 01:13 PM

يعني دة سير الديناموا طب اغيروا ولا عايز يتنضف بس ولا ايه النظام

**MohammedAladel** · 22-10-2012 09:41 PM

لما بدوس بنزين وأنا واقف على أربى أم 3 مثلا بسمع صفارة برضه بس السيورة متغيرة

زى ما يكون حاجة حديد مش مربوطة كويس أو حتة صاج وبتخبط برنة خفيفة بتعمل صفارة

**a_aboelseoud** · 30-10-2012 01:11 AM

افتح الكبوت جرب تحط ميه على السير و هو بيصفر ( ده لو كان السير انت شايفه) و شوف الصفارة هتروح و لا لاء؟؟
عشان ممكن يكون نوع كاوتش السير ناشف شوية او ممكن يكون السير مهوى و محتاج يتشد شوية

**a_aboelseoud** · 30-10-2012 01:15 AM

المشاركة الأصلية كتبت بواسطة mamoud salah h

يعني دة سير الديناموا طب اغيروا ولا عايز يتنضف بس ولا ايه النظام

لو بتفضل راكن العربية مدد طويلة كل سير هتشتريه هتسمع منه نفس الصوت
و فى الغالب الصوت هيزيد كمان فى الشتا و هتلاقيه مستمر فترة اطول عشان قلة الاستعمال بتخلى مادة الكاوتش تنشف .
و لو سمعت الصوت و جربت تحط ميه على السير و صوت الزعقة دى راحت تعرف ان السير ناشف شوية

**MohammedAladel** · 30-10-2012 12:07 PM

طيب معلش ياجماعة الصوت بيبان أنه من سير ولا بيكون زى صوت صفارة من حاجة حديد

**Mamoud salah H** · 30-10-2012 03:44 PM

هو فعلا العربية مش بستعملها غير كل 15 يوم كدة مرة واحدة

الموضوع: يا وحوش محتاجكوا معايا شوية كدة

LinkBack

أدوات الموضوع

عرض

-

-

-

المواضيع المتشابهه

ممكن تركزوا معايا شوية فى الشيفروليه الفرونتيرا

وحوش الاوكتافيا عاوز شوية معلومات عن الفانتازيا

وحوش الداينو .. شوية تيربوهات على مزاجك

حصل معايا موقف ومتضايق شوية !!!

البنزين غلى-خلص الكلام-يبقى لازم تيجى معايا ننسى شوية

الكلمات الدلالية لهذا الموضوع

المفضلات

المفضلات

ضوابط المشاركة