تجربة على زيت موبيل 1

**AMGAD1521977** · 29-10-2012 02:59 AM

اولآ تحياتى لاعضاء المنتدى المحترمين انا حبيت اعرض الموضوع ده و هو تجربة ابقاء زيت الموتور و تغييره على اكثر من 10.000 كيلو يا ترى حد فكر يجرب الموضوع ده انا بس حبيت اعرض الموضوع عشان فكرة ان شركات الزيوت و مصانع العربيات بتقول ان تغيير الزيت بيكون فى حدود ال 10.000 يا ترى الكلام ده صح ام خطأ اتمنى مشاركتكم فى الموضوع و خاصة انى عندى تجربة شخصية مع موضوع غيار الزيت

**Khaled Lanos** · 29-10-2012 07:08 AM

أهلا بيك يا استاذ أمجد.

شوف على حسب نوع الزيت هو هل معدني ولا تخليقي..وهل درجة اللزوجة مناسبة للعربية؟..يعني مثلا المعدني ممكن يقعد 4000 كيلو أما التخليقي من 10-15 ألف.

وبعدين أنا عن تجربة شخصية زيت موبيل سيء جدا كنت بستخدم التخليقي اللي هو المفروض يقعد من 10-15 ألف لقيته مبيستحملش لحد 7000 كيلو وبيتحرق..دا إذا لقيته أساسا بعد أول 2000 كيلو..لان بخره عالي جدا.

فقولي الأول نوع الزيت المستخدم ايه وأنا رأيي بلاش تجازف مع موبيل وتضيع المتور وتجرب مع زيت تاني لأني عن تجربة موبيل مبيستحملش أصلا للــ 10,000 كيلو.

وتحياتي ليك وكل سنة وانت طيب.

**hugan** · 29-10-2012 01:44 PM

موبيل 1
شغال كويس حتي ال 10000
ومفيش داعي انه يقعد اكتر من كده
شغال معايا حتي الان 105000 كيلو بدون مشاكل

**AMGAD1521977** · 30-10-2012 03:22 AM

المشاركة الأصلية كتبت بواسطة khaled lanos

أهلا بيك يا استاذ أمجد.

شوف على حسب نوع الزيت هو هل معدني ولا تخليقي..وهل درجة اللزوجة مناسبة للعربية؟..يعني مثلا المعدني ممكن يقعد 4000 كيلو أما التخليقي من 10-15 ألف.

وبعدين أنا عن تجربة شخصية زيت موبيل سيء جدا كنت بستخدم التخليقي اللي هو المفروض يقعد من 10-15 ألف لقيته مبيستحملش لحد 7000 كيلو وبيتحرق..دا إذا لقيته أساسا بعد أول 2000 كيلو..لان بخره عالي جدا.

فقولي الأول نوع الزيت المستخدم ايه وأنا رأيي بلاش تجازف مع موبيل وتضيع المتور وتجرب مع زيت تاني لأني عن تجربة موبيل مبيستحملش أصلا للــ 10,000 كيلو.

وتحياتي ليك وكل سنة وانت طيب.

تحياتى لك استاذ خالد و كل سنة و انت طيب انا زى ما كاتب فى عنوان الرسالة بأستخدم زيت موبيل 1 التخليقى بس عن تجربة الزيت ممتاز و خاصة انى بشتريه من مكان موثوق فيه و لكن سؤالى هو هل الزيت التخليقى هنا فى مصر مصمم انه يشتغل لأكثر من 10.000 كيلو اما بالنسبة لنوع الزيت فدى مسألة تفضيلات شخصية لان اكيد شركات البترول العاملة فى مصر عليها رقابة و يهمها كمان سمعتها عشان نسبة البيع و الربح و كمان المنافسة

**hugan** · 30-10-2012 01:14 PM

المشاركة الأصلية كتبت بواسطة amgad1521977

بس ليا سؤال هو لو قعد مثلآ لحد 15.000 الف هل ده فعلآ غلط ام ان دى مغامرة ام انه مصمم عشان يشتغل لاكثر من 10.000 كيلو لان تكلفة غيار الزيت ايضآ مش رخيصة بالنسبة للزيت التخليقى فيبقى مفيش داعى كمان انه يتغير قبل ال10.000

شوف اللي اعرفه ان الزيت التخليقي علي الاقل في مصر متعارف انه يتغير كل 10000
لو حسبتها حسبه صغيره
لو حضرتك من الناس اللي بتعمل كيلو متر كتير زي حالتي
يعني انا بعمل توسط 2500 كيلو في الشهر وممكن يوصل ل3000 شهري
يعني بغير زيت كل 4 شهور
تكلفه الزيت بالفلتر حوالي 370 جيه
يعني مش مكمل 100 جنيه في الشهر
في ناس تانيه استهلاكها قليل ممكن 1500 او اقل من كده في الشهر يعني بيغير كل 6 شهور او اكتر
وفي الاخر تغيير الزيت علي 10000 بيصب في الاول والاخر في مصلحه الموتور والمحافظه علي كفائته
طبعا مفيش داعي انه يتغير قبل ال 10000 والا يبقي اسراف بدون داعي

**hugan** · 11-11-2012 09:19 PM

المشاركة الأصلية كتبت بواسطة mhmdalsaadany

يا جماعه الخير موضوع تغير الزيت على 10000 كم دا ماهو إلا شغل مبيعات لا اكثر انا بشتغل في شركة بترول كمهندس ميكانيك يعني دا شغلى مفيش جركن زيت في مصر او العالم كله بيتكتب عليه بيقعد كام كم وإلا الشركه تتقفل تاني يوم من القواضي بس احنا عندنا في الشركه زيت المعدات دا بناخد منه عينه ونحللها ونشوف نتيجه التحليل عشان نطمن على الموتور والزيت اللى فيه قام واحد صحبنا مشي بالزيت بتاعه 25000 كم على عربيه هوندا سيفيك 2007 تخيلوا النتيجه بتاعة التحليل كانت جيده جدا ومكنش فيه نصيحه بتغير الزيت لكن احنا بنقول نغيره ومنشيش بيه اكتر من 10000 او 15000 كم بالكتير عشان نكون في الامان وطبعا دا كان زيت موبيل وان لان موبيل هى اللى بتحلل الزيت في معامل متخصصه ليها وطبعا تكلفته عاليه شويه
الخلاصه تغير الزيت بيكون في الرنج بتاع10000-15000 كم او سنه لو معملتش 10000 عشان نحافظ على الموتور ودا احنا بنسميه في مجالنا الصيانه الوقائيه مش اكتر
ولكم جزيل الشكر

يعني استبداله كل 10000 كيلو يكون صيانه للموتور