الموضوع: استشاره وشويه اسأله كدا يا وحوووش

لو الرادياتير بحالة كويسة اشتريه

ممكن توضح أكتر صوت الصفاردة وبيحصل إمتى ؟؟؟ مع الراديو يعنى ولا مع السى دى ؟؟؟

شوف يا صديقى الكاسيت لما بتسيبه شغال فترة تلت ساعة بيفصل أوتو مع باقى كهرباء العربية لمب مشغلها مروحة تكييف كدا يعنى

قبل ما يقفل الكاسيت بيصفر 3 صفارات كدا أو 4 مش فاكر بينبهك إنه هيقفل وبعدين بيقفل


على فكرة أنا حصل وإن الكاسيت علق معايا نهائى بقى ومكنش بيستجيب لأى أمر ودى حصلت معايا لما دخلت على القائمة setting مش فاكر اللى هى بت دوس 2 وبعدين 6 ومش عارف بتدوس إيه تانى مش فاكرها قوى ياريت أى حد من الأعضاء يذكرنا بيها

المهم الطريقة دى لما كنت بقعد ألعب بيها فى الكاسيت كان ساعات بيقف معايا كان الحل الوحيد إنى أفصل البطارية نهائى لأنه حتى مكنش بيفصل نهائى مع السنتر ولا مع أى شئ

فعارض إنك تتعرض لحاجة شبيهة لكدا وممكن تفصل البطارية وتوصلها تانى وتشوف

وممكن وإنت موصل البطارية تطلع الكاسيت بتجيب أى مفكات رفيعة وتدخلها فى الأربع خروم فى كل ناحية فيه فتحتين بتدخل فيهم المسمارين أو المفكين وتضمهم بإيدك المسمار اللى فى الفتحة اللى فوق بتدوس عليه لتحت واللى فى الفتحة اللى تحت بتدوس عليه لفوق وتعمل نفس الكلام مع الناحية التانى وتشد عليك لبرا هيطلع الكاسيت وهتلاقى فيه 3 كابلات واحد منهم بتاع الراديو مدور كدا وعامل زى جاك التليفزيون القديم والتانى بتاع الكهرباء التالت بتاع البيانات بتشيل بتاع الكهرباء وبتاع الداتا وتوصلهم تانى

وبسيطة إن شاء الله

مش عارف والله أنتظر الوحوش