مشكله متعلقه بلميه الاشاره الفانوس الشمال

**airfox** · 06-11-2012 09:34 PM

انا النهارده روحت عند الفنجري علشان انظف الفوانيس المهم انا عندي فانوس فيه باغه و شكله وحش خالني جبت واحد استيراد ب 350 جنيه و نظف التاني وكله اتكلف400 و طبعا كنت فاكك الاكصدام ب 50 . المهم بعد ما ركبت الفوانيس كنت نسيت اعمل مراجعه علي لمض الاشاره و انا لسه ماشي من عنده لاقيت كل الاشارات مش شغاله رجعت تاني لبتاع الاكصدامقالي انا معرفش و ماليش دعوه المهم اللي عمالهم عند الفنجري نازلي تاني و فضل يلف معايا في الحرفيين لاغيب ما واحد ظبطت اللي في الجنب اليمين و كل اللي في العربيه اشتغلوا ما عدا اللي في الجنب الشمال قدام و اللمبه ديه كانت لسه جديده و قالي لازم انزل الاكصدام تاني و حوار و طبعا ديه تكلفه و انا عمال احوال و مش عارف اطللعها اشوف يمكن تكون بايظه فاغيرها و اجيب واحده تانيه يا ريت اي نصيحه لاني فعلا ماليش نفس انزل الاكصدام تاني و بالصراحه موضوع اللمبه معصبني بذات لما بدي اشاره بيفضل يعمل بسرعه ممله

**airfox** · 06-11-2012 10:50 PM

مفيش اي حد يعرف ازاي اغير لمبه الاشاره في الفانوس الشمال يا ريت اي مساعده يا جماعه

**proff** · 07-11-2012 12:39 AM

المشاركة الأصلية كتبت بواسطة airfox

مفيش اي حد يعرف ازاي اغير لمبه الاشاره في الفانوس الشمال يا ريت اي مساعده يا جماعه

فك كرنيره العجله الشمال هتلاقي الفانوس

**MohammedAladel** · 07-11-2012 05:09 PM

زى ما أنا كاتب فى الموضوع هناك يوم ما تغلب فى فكها لأنها مزنوقة شوية لجوا لو حاولت تجيبها بإيدك ممكن تطلعها

لو معرفتش فك العجلة الشمال وبعدين فك الكارتيرة غالبا فيها مسمارين وإبدأ شد عليك لأن فيها مسامير جلد مثبتاها متشدش المسامير الجلد نفسها شد من الكارتيرة هيطلعوا معاك بإذن الله

بس ممكن سؤال يعنى إيه باغة ؟؟؟

**airfox** · 08-11-2012 12:53 AM

والله انا النهارده عملت كل اللي حضرتك كتبته و في الخر منفعش لان تقريبا اللمبه كانت لازقه جامد في الفانوس وفي الار نزلت الكصدام تاني وفكوا الفانوس و الاخ اللي نزل الاكصدام قطع ودنه فيه كان يوم زي الفل يعني و ظبط الفانوس بس اكتشفت ان الفانوس مش اصلي استيراد يعني حاجه اي كلام و لبست فيه عمتا الحمدالله علي كل شئ .اما موضوع الباغه ديه فهي الزجاج اللي علي الفانوس من بره الوش بتاعه يعني لما بيكسر واو بتشرخ و تبقي بدل ما تشتري فانوس جديد لانه لسه سليم من جوه بتعمله باغه او وش و تركبه عليه بس طبعا مش بيبقي زي الاصلي