محتاج مساعده في قرار الشراء

**mod_adel** · 15-01-2013 04:07 PM

يا جماعه انا محتاج مساعدتكم في مشكله ....بقالي فترة كبيرة تعبان و محتار بسبب الموضوع ده
انا امكانياتي علي ادي ...
و اول ما اشتريت عربيه اتدبست في 128 مفتحا و البارومه ضاربه فيها و ما تورها خفيف ...لاني ما كونتش اعرف اصلا يعني ايه عربيه .و صرفت عليهها 4000 و بردو تعبااني جدا ..
فقررت اني ابيعها (بعد مع عرفت يعني ايه عربيه علي علب )
فقررت اشتري اي عربيه تاني علي شاسيه ..
.و عشان تعرفو ا مواصفاتي عايز عربيه تستحمل المطبات و السكك المنيله اللي عندنا (يعني مش عايز عربيه كل شويه اغرم في العفشه بتاعتها عشان امكانياتي و خصوصا ان ال 128 ظبطتني ..ففكرت في عربيه تكون علي شاسيه مبدأيا .
اما موضوع الشكل فمش مهم اوي و الكماليات و الكلام ده مش مقياس بالنسبه ليا ..
و انا دورت علي عربيه علي شاسيه و قطع غيارها متوفره و رخيصه ..فملاقتش غير
اللادا (النيفا )
الجيب (القديم ) بس قطع غياره غاليه عليا
و البيجو برده مش هقدر عشان المبلغ ..
و مش عارف
اقربهم في السعر و المواصفات النيفا الي الان . و بما انكم اهل خبره اكتر قولت لو حد عنده معلومه او عربيه تقوم بالغرض اللي بقول عليه يرشدني عليها ....و الف شكر ليكم

**mod_adel** · 16-01-2013 02:31 PM

ايه يا رجاله 45 مشاهدة و محدش حتي قالي السلام عليكم .هوا الموضوع صعب اوي كده

**amrelsha3er** · 16-01-2013 05:17 PM

انت عاوز فى رنج كم
بلاش نيفا مشاكلها كتيره كانت معانا الروس مش بتوع عربيات بصراحه

**aboomar22** · 18-01-2013 03:08 PM

هو بس حضرتك مش موضح مواصفات السيارة اللى انت عاوزها عموما هقولك بدلا النيفا بص على عربية 132 هتلاقيها قوبة مرتفعة عن الارض باور زجاج كهرباء قطع غيار فيات عفشتها كويسة ورخيصة -- --بص هو عموما اهم من نوع العربية حالة العربية ايه يعنى لو معاك عربية نظيفة وحالتها كويسة هتريحك وهتبقى مبسوط بيها لو معاك عربية حالتها تعبانة هتقرفك حتى لو نوعها جيد وربنا يوفقك ودايما خد معاك حد بيقهم وتثق فيه وانت رايح تشترى