السلامة عليكم
النهاردة حكايتى مع واحد مكانيكى مشهور اللى حد كبير فى الحرافين
عربيتى ادتها لاخويا الفيكترا 2.0 ايكوتيك حالة الماكنة الحمد لله ممتازة الموتور عامل 60 الف كم
المهم العربية كانت مع اخويا كنت بترشح زيت خفيف جدا جد لا يذكر من جوان غطاء التكيهات بس المشكلة ان كان بيلم تراب على الجوان بتاع التكيهات وبيخلى شكل الموتور مش حلو مع العلم ان بنغير زيت 10 الف وطول ال 10 الف الزيت مش بينقص ولا ملى حتة
راح عند واحد فى مدينة نصر غير الجوان و بعدها بيومين انا خدت العربية و بقيس الزيت لقيتة على افل علامة و العربية بتركن جوة البيت ببص تحتيها لقيت الزيت واقع فى الارض المهم جيبت زيت و دورت لقيت فى زيت بينقت
انا قولت ممكن يبقى اويل سيل كرنك امامى لانة كان بيجى من فوق على الفلتر بتاع الزيت و ينقت
وروحت للراجل دة علشان عندة كوريك و الموضوع هيبقى سهل
روحت بالعربية المهم حكايت للراجل على الجوان بتاع التكيهات و الزيت انة نقص من بعديها جامد بص قالى دة اويل سيل كرنك و قدامى سعتين على ما اشتغل فيها سيبتله العربية و رحت اجيب حاجة من جنبة
رجعت لقيتة فاكك الوش بتاع سير الكاتينة و بيبص على الاويل سيل لقاه سليم قالى لازم نغسل العربية علشان نعرف الزويت منين وقالى حسابى انا كدة 50 جنية مع انة معملش حاجة دفعت و مشيت قولت مش مهم علشان لو فى حاجة هنط على دماغة
غسلتها و رجعت رفع العربية فتح الشو بتاع السير وشال التروس الكمات و البلى وفك الصفحة بتاعت سير الكتينة وركب ودور لقينا العربية لما بتسخن الزيت بيبتدى ينزل ينقت بيجى من عند بعد الكمات على تحت ينزل على فلتر الزيت ينقط بص قلى دة فلتر قرت برضة بتجيب من فوق انا بصيت قولتلة ياباشا الزيت بيجى من ظهر المكنة قالى ازاى هجيى من ظهر المكنة و هي بتنقط من جنب المكنة و بيتريق و بيقولى يعنى هليف المحور قلتلة احتمال بيجى من ورا ينزل على المنفول ويجى على الجنب ويقع من الجنب قالى لا قالى عيب العربية دى من جوان وش السلندر هو اللى بيجيب زيت
طيب ازاى يا بشمهندس العربية جايبة جوان و العربية فى المشى ممتازة و مش بتغيب فى الدوراة و مش بتسخن و مش جايبة حتى مية على زيت ولا اية حاجة من الكلام دة قالى انت حظك كدة قلتلة طيب فك البوجيهات نبص عليها هو معاه اتنين اخواتة شغلين معاه
المهم نده على واحد منهم فك البوجيهات لقينة غرفة رقم اربعة فيها زيت مغرق راس البوجية قلتلة يبقى كدة اكيد جوان غطا التكيهات قالى لا دة اكيد فى حاجة فى الصباب بتاع البستم دة و هيتعدل مع لما نعمل الجوان
قلتلة و الحل قالى نفك وش السلندر و نودية للخراط يمسحة ونغير جوان الوش و التكيهات و المنفول و كلام دة هيددخل فى 800 جنية من ديمنها مصنعية 300 وقالى ربنا يستر و ميطلعش الوش مشروخ ونجيب وش كل دة وانا مستغرب الموتور عامل 65 الف كم وكل دة وانا مش مقطنع باكلام دة نهائى
قلتلة طيب الساعة كانت 10 بليل و الحرافين كانت بتقفل
والعربية مفكوكة التروس بتاعت الكامة و البلى و مش هينفع يركب دلوقتى يعنى العربية كدة كدة هتبات
االمهم كان معايا اخويا واحنا مشين قلتلة تعالى نرجع ناخد العربية لان مش مقتنع بكلام و قولنا نروحت عند هانى العايدى سألتة على الوش وسالتة على الموضوع بتاع الوش دة ازاى يعمل كدة قالى صعب وش يجيب زيت من برة و ميجيبش جوة ولا تعمل اى مشاكل تانية و مليجى بردة اكد الكلام
المهم روحت على البشمهندس الحمار مكنش مجود و اللى كان موجود 2 اخواته وكانت الساعة 10.30 لقيتة فاكك غطا التكيهات و بيشيل الجوان بتاع غطا التكيهات و كان بعديها هيبتدى يفك الوش السلندر المهم انا لحقتة قتلة بص كفاية كدة غير جوان غطا التكيهات و مش هعمل حاجة فى المتور دلوقتى المهم اخوه التانى سمعنى جة قالى دة ياباشا وش سلندر وقال لاخوة لو مفكتش وش السلندر هتشوف اللى هيحصلك و انا بقولك اسمع الكلام و كلام من دة
قلتلة من الاخر كدة مش هيفك حاجة و هيركبي غطا التكيهات قالى لا العيب وش قلتلة مش هعملة قالى مش مفيش مشاكل بس حضرتك تحاسب على تمن تركيب الجوان ولو طلع فيها وش هاخد منك مصنعية وش تانى قالتلة ماشى و قلتلة لو منع قالى هدفعلك 50 جنية تمن الصنعية اللى فى الاول
قالتلة ماش المهم ركب وجرب الزيت منع يقع المهم الساعة بقيت 11 وانا قاعد عندة من الساعة 2 تقريبا
المهم شرف البشمهندس الحمار بقولة قفل بقى علشان اخد العربية يقولى يا عم احمد ربنا مش هقدر اقفل العربية دلوقتى وحنا بتعب و احنا بشر (بدل مايقفل اكراما حتة لشكلة اللى طلع وحش او انى قاعد من الصبح على عيب مش موجود )(وهو كان ناقص يركب المصفحة بتاعت السير و السير و قفل) بيقولة ماشى يا عم الحمد لله كفاية انك كنت هتدبسنى فى وش قالى احمد ربنا و انا عدانى العيب و جيبتلك العريب وكلام من دة
المهم لولا ستر ربنا و انى رجعت امبارح لية تانى كان زمانة فك الموتور على عيب مش موجود اصلا
المهم العيب اللى كان بيخلى يجيب زيت ان اللى ركب الجوان فى الاول ركبة من ورا عند المسترة بتاعت الرشاشات فى حتة طلعة من الوش و مش ركبة فالما العربية بتسخن الزيت بيكون وصل فوق عند الوش يبتدى يقع من هنا ينزل على المنفول و يجى من جنب و ش السلندر عند سير الكاتينة و ينقط
المهم روحت تانى يوم و قفل العربية و قالت للواد اخوة ان الزيت من من الجوان علشان هو مشى وسابنا قالى يعنى انت متأكد ان منع
المفضلات