مش عارف كويل ولا قاعدة فتيس أو موتور

**MohammedAladel** · 03-02-2013 09:08 PM

السلام عليكم المشكلة حصلت معايا النهاردة

رجة على السلانسيه بتزيد مع الغيار الأول والتانى بتقل بداية من التالت الرابع تقريبا بتختفى وبجيب سرعات وبمشى بيها 110 مفيش مشاكل

فكرت فى قاعدة الموتور نزلت فتحت الكبوت

بصيت على القاعدة اللى فوق ومدور الموتور على السلانسيه لقيتها بتتهز بس مش مقطوعة مثلا ولا حاجة هى إيه شكلها لما بتبوظ ..

بصيت على الكويلات برضه شلت أول فيشة لأول كويل من على اليمين الموتور دار بس عدد اللفات قل قوى والعربية اتخفست

تانى واحد العربية دارت ثانيتين وبطلت

ثالت واحد العربية دارت على السلانيسه بس أضعف من أول واحد وأقوى من تانى واحد

رابع واحد نفس اللى حصل مع أول و احد

معتقدش إن العيب من الكويل إنتوا شايفين زيى كدا أنها قاعدة موتور وجايز قعدة فتيس

العربية بتتهز من جوا كلها على السلانيسه

لما بزود بنزين على السلانيسه الهزة بتروح

**medori** · 03-02-2013 10:34 PM

انا اعتقد بنسبه 80% انها كويلين او اكتر، قواعد الفتيس كانت بتعمل عنده هبده كده مع الغيار، و بتسمع الفتيس و هو بيخبط لما ميكونش ثابت مكانه و كمان مفيش مبرر انها تروح على الغبار التالت و الرابع و نفس الكلام مع قواعد الموتور، عشان كده بقول انها كويلات، اكشف عليهم كلهم و لو طلعوا هما غيرهم كلهم مع بعض عشان شكلهم كده بيودعوا. بيبه 10 يا حماده و طلع كل واحد و العربيه دايره و بص عليه شوف ايه ظروفه

**medori** · 03-02-2013 10:52 PM

باشا، بص على الموضوع ده، كانت عنده قواعد الفتيس برضه
http://www.nilemotors.net/Nile/312771-a.html
دا انت ليك Replies هناك يا راجل و كنت قايله ازاى يكشف على قواعد الموتور :)

**Lifz_Good** · 03-02-2013 10:55 PM

أنا قرأت كل الموضوع
كلمة كلمة

إني أفهم كلمة
أبداً

مستجد بأه.. تقول إيه

بس متابع وماباليد حيلة

يارب تنفرج مشكلتك

**MohammedAladel** · 03-02-2013 10:56 PM

أنا ملاحظ إن قوة الكويلين اللى فى النص أضعف من الكويلين اللى من على الأطراف فيه كويل واحد بس لما بفصله الموتور بيرعش ويبطل بس بعد ثانيتين مثلا من التدوير

بس أنا بهز الموتور بإيدى والعربية مبطلة بيتهز معايا بصورة أكتر من الاول

من عند القاعدة اللى فوق بس مش مقطوعة ولا حاجة ولا يمكن عشان الكويلات فيها حاجة

والله لسة قايلها أمبارح ... قعدت أقول الناس عمالة تشتكى من كويلات ميجان وآدى عربيتى داخلة ع ال 120 ألف كيلو بكويلات الفابريكا النهاردة ظهر العيب دا ! سبحان الله

**MohammedAladel** · 03-02-2013 10:59 PM

يا جماعة طيب لو كويلات بايظة متهيقلى مقدرش أجيب ال 110 والعربية تبقى صوتها عادى

طيب لو الكويلات مهربة يحصل الكلام دا .... المشكلة أنى مش مركز وتعبان شوية بجد ومليش مزاج أفك حاجة ولا أشوف حاجة

**MohammedAladel** · 03-02-2013 11:04 PM

مش شرط قواعد الفتيس .... أنا قلت قاعدة الموتور كمان

وقلت على اللى بيحصل مع الكويلات حاسس إن ال 2 اللى فى النص أضعف من ال 2 اللى برا بس كدا مش أكتر

إنتوا رأيكم إيه

وهل لو الكويلات مهربة مثلا أقدر أجيب ال 110 والموتور صوته يبقى عادى ؟؟ ومفيش هزة ولا حاجة ؟؟؟

أنا أعتقد بنسبة كبيرة تكون القاعدة اللى فوق معرفش معاها قاعدة من تحت ولا إيه

لأنى حتى لما بدوس بنزين جامد على السلانسيه الهزة بتروح

**medori** · 03-02-2013 11:18 PM

هى ممكن برضه تكون قاعده موتور انما قاعده الفتيس ديه اشك فيها زى ما قولتلك، انا كنت بشد بالعربيه و الكويلات مهربه عادى لحد 150 كمان مش 110 بس، بس ديه ساعات و ساعات، و ساعات مكنتش تسحب معايا فوق ال90 إلا لو بطئت و نزلت كام غيار و زودت تانى من الاول، لحد لما فصلت خالص و خضتنى الخضه المعتاده بتاعت الكويلات اياها

**medori** · 03-02-2013 11:19 PM

لو كانت كويلات الفبريكه اللى هى راسها رمادى ديه، يبقى انت عملت بيها ريكورد انك عملت بيها 120000 و يبقى كتر خيرهم اوى. انا مغير 3 على 65000 و الرابع كان متغير من قبل كده!!!