الموضوع: زيت توتال مع فيرنا ، عاوز رأيكم

السلام عليكم ورحمة الله وبركاته

ياجماعة انا بقالى فترة كنت محتار فى الزيت اللى احطه للعربية
هى 1500 وعاملة 90 ألف كيلو

عملت موضوع هنا فى المنتدى والأعضاء المحترمين افادونى ونصحونى بزيت كاسترول ايدج
والكلام ده من فترة وكانت العملية زى الفل

المهم جيت المرة دى اغير مالقت الكاسترول
لقيت شل موبيل كالتكس وتوتال

فضل واقف محتار يجى نص ساعة وفى الآخر قلت للراجل خلاص حطلى اى زيت 5 ألاف بس تكون لزوجته 5-40w
قالى كل اللى عندى 10 ألاف بس عندى توتال 5000 كويس جداً وناس كتيرة بتشكر فيه

قلتله خلاص حطه اجربه

المهم بعد ما مشيت وغيرت الزيت والفلاتر والكلام ده
ببص عالجركن لقيته مكتوب عليه 20-50 !!!

انا اتصدمت بصراحة وكنت هعيط لأنى منبه عليه يحطلى 5-40

دلوقتى انا مش عارف اعمل ايه هل انزل الزيت واغيره ولا عادى ممكن يمشى وانزله على الف كيلو مثلاً

ارجوكم ساعدونى انا قلقان من اختلاف درجة اللزوجة ده