الموضوع: عملت تجربة لتحويل ادبتور عادي لشاحن بطارية سيارة

قد تفيد هذة التجربة بعض الناس لكنها مازالت تحت الاختبار والمناقشة
ناتج التجربة دي محتاجة تفكير معايا من خبراء الكهرباء والالكترونيات .

انا عندي شاحن بطارية بلاك اند ديكر للعلم . الشاحن مش بيشحن البطارية لحد متبقى 100 %
حسب ما مكتوب ف المانوال عشان يحميها بالاضافة لوجود دايرة فصل . يعنى تفصل مجرد ما البطارية تشحن ..
طيب فية بطاريات بتستهبل وتقولك انها اتشحنت وتيجي تبص ع البطارية تلاقيها مش مشحون ربعها والسبب ان البطارية نفسها بايظة او بتبدء تبوظ وهنا شاحن البطارية ملوش لازمة لانة بيقرا انها مشحونة فيفصل

المشكلة التانية : شاحن السيارة انة بطيئ 2 امبير .. عشان يشحن بطارية من صفر بياخد 48 ساعة شحن .. وانا بفكر ف شاحن سريع بالكتير 24 ساعة علشان نحافظ على كوالتى البطارية باردو

لذلك توجهت للاتي :
ادبتور لاب توب 19 فولت / 3.7 امبير
وجبت فوج لايت 55 وات فيلبس 12 فولت .. جميل كدة وصلت اللمبة مع الادبتور والبطارية على التوالى . فردة من الادبتور للبطارية والفردة التانية ف اللمبة .. ومن اللمبة للبطارية

النتيجة :
اللمبة نورت بس ضعيف + سخونة للمبة حاسس انها سخونة مش طبيعية .. البطارية بتشحن شحن متوسط لا سريع ولا بطيئ

انا حسبت الامبير اللى بيطلع من اللمبة للبطارية لو قلنا 55 وات اللى هي اللمبة " لان السلك الداخلي للمبة اصبح موصل كأنة فيوز بالظبط "
55 وات على 19 فولت = 3 امبير تقريباّ

سؤالى لخبراء الكهرباء والالكترونيات .. هل كدة حساب الامبير صح ؟؟ الوات على الفولت = امبير
الخرج النهائى تعتقد يكون كام لعدم وجود افوميتر ؟
هل اللمبة مش معرضة للانفجار ؟ لاني عملت حسابي ان اللمبة ممكن تفرقع رغم انها منورة ضعيف مش وهج
هل فية اي ضرر اخر انا مش واخد بالى منة ؟ بخلاف ان مفيش دايرة فصل
اي حاجة بخلاف كدة ؟

انا قيست الخرج باللمبة 12 فولت اخري لعدم وجود افوميتر حاليا
والناتج ان اللمبة 12 فولت نورت وكأن وصلها امبير قليل يعنى شغالة مش بكامل قدرتها نقول مثلا 90 % من قدرتها .. ومش ضعيفة جداّ لدرجة انها تضعف .


العين الخاصة بالبطارية اخضرت خلال 10 ساعات شحن فقط من الصفر