الموضوع: خدعــــــــــــــــــــــ ــوك فقالوا مستعملة...؟؟؟

النصب فى المستعمل بالعبييييييييييييييييييط انا زهقت والله بقالى حوالى 3 شهور بدور على عربية نضيفة والادهى موضوع راشة نضافة دا بقى مسخرة تلاقى العربية مغيرة ربع او نص وراشة جوة وتلاقى البايع بينكر امبارح واحد بقوله الاكصدام القدمانى مرشوش قالى لا انا بس مغيرو فى التوكيل طب سعادتك مالتوكيل بيرش يقولك لا وواحد تانىالاسبوع اللى فات عربية ياريس كلمته من على كونتاكت قالى العربية فابريكا وراشة اكصدامين نضافة بس (برضو) ابص الاقيه لاحم الايرباج اللى عاليمين فى التابلوه ويقولك هيا كدا الايرباجات سليمة وبعد الفحص العربية طلعت مغيرة النص اللى قدام بعد حادثة محترمة طبعا اللى هيشترى مستعمل لازم ياخد معاه سمكرى كويس ويرفع العربية عشان اللحامات حتى لو كانت موديل 2014ويسجلها باسمه فى المرور الاول عشان انا كان هيتنصب عليا بسهولة لولا ولاد الحلال اللى بيبقو معايا

يووووووووووووووووووووووه ده انا عانيييييييييييييييييييييي ت

بص المستعمل لزم وانت بتشتريه تحصل لبسه في اي شيء بس عموما تستنى برحتك فلوسك في جيبك متتسرعش هتلقط مستعمل حلو

انا لقت صني مستعمله حلوه سعرا وحله كانت راااائعه بس بعد معاناه كتييييير

وقبلها النترا مستعمله جبتها حلوه حاله وسعر وكل حاجه بس برضو بعد معاناه

وفي النص الحقيقه لبست في لانوس واتسرعت فيها جدا بس برضو كانت حالتها حلوه

بس الي ديقني يقولي فبريكه وهي راشه برا ما عدا سقف طبعا انا شاري سعر فبريكه

--------------------------------------------


بالنسبه للتكييف اي تكييف تجربه لو اشتغل وبررد حتى لو على خفيف يبقى كويس ومحتاج شحن وتنضيف بس

انما لو التكييف مجابشي اي بروده تاكد انه مفيهوش فريون خالص والله اعلم الموضوع هيتحول لايه ممكن تبقى ابره بتسرب وممكن يبقى في التراوه


وطبعا عدلت عليا بلاوي مره كنت هشتري سيفيا ب 48 الف جنيه تخييل الراجل بكلمه في التلفون هو في شبرا الخيمه واقوله ايه حالتها يقولي فبريكه مرفوعه ماشيه 40 الف بس وعربيه زيرو اوي اوي اوي اوي لما تيجي هتعرف انا بكلمك في ايه

واطخ مشوار من الهرم لشبرا الخيمه مترو وانزل اكلمه يقولي اركب توكتوك واديني التلفون اشرحله واتسحل سحله سوده

وتطلع مقلوبه وعداد مقلوب والمتور الي راكب اساسا تعبان وبيفييس وكمان صالون مكسر

والله اليوم ده تعبت نفسيا

انا بقا زهقت اسعار فى النار ولا كنك بتشترى زيرو وتسمع كلام فى التلليفون انها تحفة ومرفوعة وحالة شاذة وتروح تلاقي واحد عمال يحور عليك ويقول اصلها عربية الحاج واو صاحب اخوية وتاجر وبيعيش حاجة بقت قرف اى واحد مش لاقى شغلانة بيبيع عربيات ويعمل فيها غبور بصراحة يوم متفكر تشترى مستعمل لازم تكون عربية عارف تاريخها كويس ومن العائلة وفعلا لو بتشترى مستعمل اشترى كسر الزيرو واكشف عليها وعلى صحابها كمان

الخلاصه وبعد بحث وعناء 6 شهور عن سياره مستعمله وفى الاخر ملقتش اشتريت زيرو تقسيط مجبر اخاك لابطل مفيش غير كده كل انواع الكدب والغش تلاقيه فى السوق المصرى الامن رحم ربى وده تدور عليه زى الابره فى كوم القشه

الطريق الوحيده لشراء سياره مستعمله مضمونه هو من جار او صديق او زميل وتكون عارف تاريخها معاه وشرط يكون هو اول يد غير كده انسى