الموضوع: تقرير عن عمل صيانة المازدا 3 عند الهندسيه لصيانة السيارات

انهارده يا جماعه هاعملكم تقرير عن صيانة المازدا 3 عند الهندسيه لصيانة السيارات.
اولا : انا عربيتى عملت 120 الف كيلو وحبيت اشيك عليها واعملها الصيانة بتاعتها وكنت ناوى اروح سمارت كار. بس اتعرفت على المهندس ايهاب( الهندسيه)من المنتدى وهوا شغال فى توكيل ابو رواش
وفعلا كلمته فالتليفون وحددت معاه ميعاد يوم الجمعه 1/3 (امبارح) مع العلم ان انا من منيا القمح .
المهم اتقابلنا فى شارع شبرا بعد صلاة الجمعه وروحنا على الورشه.
وهنا بقى هنبدأ التقرير وهاحاول ارتبلكو الموضوع على قد مااقدر.

البدايه: كانت من عند المهندس ايهاب وهوا حط العربيه على الكمبيوتر وعملها فحص شامل وممكن كمان يعملك تقرير عن العربيه بالظبط يشمل
الحساسات حالة الماتور ال abs وكهربة العربيه
والحمد لله العربيه ما كانش فيها حاجه.

بعد كده جه دور الاسطى مجدى
رفعنا العربيه وكشفنا على المساعدين والمقصات والتيل والطنابير والفلاتر وحتى قربة المياه بصراحه ما سابش حاجه فالعربيه. وهوا بيكون امين معالك بيقولك العربيه عاوزه كذا وكدذا وانت حر. وكمان لو عاوز تقرير بيعملهولك.
المهم انا كنت رايح اغير زيت الفتيس وفلتر الفتيس وفلتر البنزين وفلتر الهوا والتيش الخلفى وتيل الفرامل. وعلى فكره هما عندهم كل قطع الغيار بتاعة العربيه ولو حاجه مش موجوده بيوفرهالك
واسعاره ارخص من التوكيل.
بعد الكشف عالعربيه الاسطى مجدى قالى العربيه عاوزه مقصين قدام بس انا ماكنتش باشتكى منهم
وهوا قالى ممكن يمشو شويه مافيش مشكله .
الطنابير ( وده العادى ) كانت عامله حرف والاسطى ايهاب قالى بدال ما نغيرهم دلوقت بعت خرطهم فالمخرطه.
زيت الفتيس (وكان فيه موضوع بيسال عنه) الحكايه طلعت مش حوار 4 لتر زيت فتيس وهوا شل الجركن الاسود 1 لتر ولونه وردى طبعا علشان ميدو ما يزعلش .
نزلنا الزيت القديم من تحت وفك المكان الى بيتحط فيه الزيت ( مش فاكر اسمه دلوقت ) واتنضف تمام وانبوبه سيلكون واستنى شويه على ما السيلكون نشف وركب فلتر الفتيس وحط الزيت من فوق عند مقاس الزيت عادى جدا بس هوا بيتحط شويه شويه . وحطينا ال 4 لتر كلهم .علشان فيه ناس بتحط 3.5 بس الاسطى مجدى بيفضل يحط ال 4 لتر كلهم
فلتر البنزين ركب والتيش الخلفى ركب والطنابير جت من عند الخراط ركبت وعليها التيل وربط العفشه من تحت كلها . وطلعنا نجرب الاسطى مجدى ركب وشيك على العربيه فالاول الانوار كلها شغاله وكله تمام وطلع على بركة الله والحمد لله كله تمام وقالى تعالى سوق انت وشوف .
وفعلا العربيه تمام والحمده لله وحسيت بفرق فى سحب العربيه عن الاول الفتيس انا ما كنتش بشتكى منه بس انعم حاجه بسيطه.
قطع الغيار المستخدمه:
فلتر زيت فتيس فلتر بنزين فلتر هوا تيل فرامل امامى
تيش ميزان خلفى 4لتر زيت فتيس ودول حسابهم 1500 بعد واجب المهندس ايهاب
والمصنعيه 250 بعد الواجب
والعوده لمنيا القمح الساعه 9 وده اللى ماكناش متفقين عليه مع المهندس مجدى بس مشس مشكله. وفى النهايه تحياتى للجميع
هشام الطوخى