الموضوع: اللى عندهم خبره فى اللادا يفيدونى فى الأنواع دى

25 الف اقترح لك هيونداى اكسيل هاتش باك ولا تحيد عنها والله الموفق

المشاركة الأصلية كتبت بواسطة besokate

لا طبعا الادا افضل بكتير من الاكسيل لان اصلا اكسيل ب 25 هتبقى اكيد ملعوب فى اساسها وطالع ميتنها
الادا متينه وقطع غيارها رخيصه ومتوفرة وصاجها ناشف بعكس الاكسيل الورق ديه ده حتى الشاسيه بتاعها بيتنى على طول لكن لادا ب 25 هتجيب عربيه كويسه وارشح السمارة

انا مش معاك فى ان ال25 الف يجيبوا اكسيل ملعوب فيها لكن انا شايف انهم يجيبوا اكسيل هاتش باك فابريقة ولا اقصد اكسيل سيدان وبالنسبة للعربية اللادا سمارا عربية كويسة لكن دى كبيرها 17 الف واخونا عاوز عربية لحد 25 الف

الاكسيل تتفوق طبعا مفيش كلام . اعتماديه وانعم بكتير من الادا وسهولة في البيع
وال 25 الف يجيبوا حاله كويسه

المشاركة الأصلية كتبت بواسطة shaaban2008

الاكسيل تتفوق طبعا مفيش كلام . اعتماديه وانعم بكتير من الادا وسهولة في البيع
وال 25 الف يجيبوا حاله كويسه

الحمد لله وهذا تأييد لكلامى ويا ريت الاخوة اللى متابعة اسعار السوق تفيدنا برضه

المشاركة الأصلية كتبت بواسطة maheralsisi

سيدي الفاضل حضرتك اللي تحدد انت عاوز ايه في العربية لان كل واحد بيقول رأيه من وجهة نظره هو و ظروفه مش ظروفك
اسعار قطع الغيار اللادا أرخص طبعا ولكن الاكسيل مش عالية برضه
سعر العربية نفسها 25 يجيبوا لك لادا من الاخر تركب و تمشي و توفر لك كمان
بس مش كتير لان المستعمل شادد شوية
انما 25 في اكسيل هاتصرف كتيررررررر حتي لو هاتش باك
ثبات اللادا افضل كتيررررررر لكن هاتصدع و عمرك ما هاتقدر تسوق و انت قابل الشباك
الاكسيل مش وحشة للسواقة العادية انما لو بتسافر كتير ما انصحكش خفيفة هوا ع الطريق

لو ساكن في حتة زحمة و تكاتك و قرف من ده عليك و ع اللادا الكل هايعمل لك حساب و انت ماشي ما عدا النقل طبعا و الميكروباصات الالترامكو
لو ساكن في حتة رايقة شوية و عاوز الشكل و الشياكة اكسيل
لو عاوز التكييف يبقي مافيش غير الاكسيل اللادا المكيفة زبااااااااالة

.....كلام من الاخر وأضيف عليه ان اى مستعمل مهما كانت حالته لازم تعمل حسابك ان هتصرف شوية حتى لو حالة من الاخر فلو لأخرك مثلا 25 ألف فاعتبر أخرك ألف23 والباقى ورق وتسجيل وتظبيط للعربية وأظن ان 23 الف ميجيبوش اكسيل نظيفة فى السوق دلوقتى حتى لو هاتش