سؤال هام للأخوة اللى عندهم FRV 1500 cc

**sonson56** · 22-06-2010 08:11 AM

سؤال هام للأخوة اللى عندهم FRV 1500 cc

أنا استلمت سيارتى من حوالى 3 اسابيع و بعد ما مشيت بيها 500 كم سافرت بيها مع اسرتى و هم اربعة اشخاص بخلافى يعنى كلنا 5 افراد و هم شباب كبار فى العشرينات و كانت الشنطة مليانة اغراض عن آخرها و الحقيقة السارة كانت ماشية كويس و كنت ماشى بيها على سرعة 90 كم / ساعة و مش مشغل التكييف و لكنى بعد ما عديت ال 1000 كم بدانا نشعر بالحر لآن اليوم ده كانت الدنيا حر جدا فشغلت التكييف و كانت السيارة احيانا بحس ان سرعتها بتقل و عزمها بيضعف و بضطر اديها السرعة اللى قبلها و خصوصا فى المطالع البسيطة جدا - اللى قالقنى ان مش معقول ده يكون أداء سيارة ع الزيرو و لا انا غلطان و مش المفروض احكم على السيارة دلوقتى ؟ ياريت حد يفيدنى و يكون مر بتجربة قريبة من تجربتى و شكرا

**kirolloskamal** · 22-06-2010 11:09 AM

بص يا باشا اي تكيف بيضعف من العربية شوية ده زيادة علي ان العربية كانت فيها 4 افراد غير حضرتك فأكيد عزمها هيقل حبتين ممكن تكون حضرتك لسة مخدتش علي احساس العربية مع التكيف و التحميل لان بيبقي ليها حسابات تاني في دواسة البنزين و توقيت نقل الغيارات
و هو عموما متقلقش العربية لسة زيرو و يعتبر لسة بتلين

كيرلس كمال

**sonson56** · 22-06-2010 09:15 PM

المشاركة الأصلية كتبت بواسطة kirolloskamal

بص يا باشا اي تكيف بيضعف من العربية شوية ده زيادة علي ان العربية كانت فيها 4 افراد غير حضرتك فأكيد عزمها هيقل حبتين ممكن تكون حضرتك لسة مخدتش علي احساس العربية مع التكيف و التحميل لان بيبقي ليها حسابات تاني في دواسة البنزين و توقيت نقل الغيارات
و هو عموما متقلقش العربية لسة زيرو و يعتبر لسة بتلين

كيرلس كمال

اشكرك يا مستر كيرلس على اهتمامك بالرد و اتمنى يكون العوامل دى هى اللى أثرت على أداء السيارة و لكنى أقارنها بسيارتى القديمة هيونداى اكسيا 1300 سى سى اللى عاملة 172000 كم و حاسس ان ادائها افضل فى مثل هذه الظروف و ربنا يخلف تقديراتى

**kirolloskamal** · 22-06-2010 09:56 PM

المشاركة الأصلية كتبت بواسطة sonson56

اشكرك يا مستر كيرلس على اهتمامك بالرد و اتمنى يكون العوامل دى هى اللى أثرت على أداء السيارة و لكنى أقارنها بسيارتى القديمة هيونداى اكسيا 1300 سى سى اللى عاملة 172000 كم و حاسس ان ادائها افضل فى مثل هذه الظروف و ربنا يخلف تقديراتى

متقلقش العربية دي عربية محترمة و إن شاء الله هتتظبط
بس نصيحة متحملش علي العربية في التليين
خدها كده بهداوة واحده واحده

**Mostafa Hessen** · 23-06-2010 01:40 AM

شوف العربية لسه ادائها مظهرش
معنى كلامى العربية دى بعد ال 10000 كم الموتور السحب بيختلف والأداء بيكون افضل بمراحل

**Mostafa Hessen** · 23-06-2010 02:29 PM

انت تؤمر ونتمنى حضورك المقابلة الثلاثاء 29/06 الساعة الخامسة فى البفارية القطامية

وعلى فكرة اسمى مصطفى

**sonson56** · 24-06-2010 08:17 AM

المشاركة الأصلية كتبت بواسطة meshmesh78

انت تؤمر ونتمنى حضورك المقابلة الثلاثاء 29/06 الساعة الخامسة فى البفارية القطامية

وعلى فكرة اسمى مصطفى

جارى العزيز أ / مصطفى اشكرك على ردك و مشتاق للتعرف عليك و على جميع الأخوة البريليانسيين ( خالد عزيز و كيرلس كمال ) بالأضافة لسيادتك طبعا اللى دايما بتشاركونى آرائكم و نصائحكم القيمة .
ان شاء الله فى بافاريا يوم الثلاثاء 29/6 الساعة 5 م و لو حصل تغيير فى الميعاد ارجو أخبارى و رقم تليفونى 0101549682 و انا اسمي رضا - اللى اللقاء فى بافاريا
أعزروني لو أتأخرت عليكم شوية لأنى بخلص شغلى الساعة 5 مساء فى شارع الطيران - رابعة العدوية.

**sonson56** · 24-06-2010 08:23 AM

المشاركة الأصلية كتبت بواسطة kirolloskamal

احنا تحت امرك يا باشا
اي حاجة احنا في الخدمة و إن شاء الله نشوفك في المقابلة القادمة إن شاء الله
و بالتوفيق

كيرلس كمال

اشكرك على ردك و مشتاق للتعرف عليك و على جميع الأخوة البريليانسيين ( خالد عزيز و مصطفى (مشمش) ) اللى دايما بتشاركونى آرائكم و نصائحكم القيمة .
ان شاء الله أتعرف عليكم فى بافاريا القطامية يوم الثلاثاء 29/6 الساعة 5 م و لو حصل تغيير فى الميعاد ارجو أخبارى و رقم تليفونى 0101549682 و انا اسمي رضا -
أعزروني لو أتأخرت عليكم شوية لأنى بخلص شغلى الساعة 5 مساء فى شارع الطيران - رابعة العدوية.بس هحاول انشاء الله آجى فى الميعاد.