ماهو السعر المتوقع لعربيتي ميجان الهاتشباك؟

**SoFiMaN** · 12-03-2013 06:29 PM

السلام عليكم

حبيت افكر لو عايز ابيع عربيتي حبيبتي ميجان2008 هاتشباك اوتومتاتيك بانوراما اعلى فئة عاملة 89000كم. كل الصيانات + كل المشاكل صغرت او كبرت بتتعمل في التوكيل بالفواتير من اصغر مشكلة(تغيير لمبة) لاكبر مشكلة و طبعا ده لوحده مكلفني الافااات بس بضمن به نفسي و عربيتي لان كل القطع عليها ضمانها طبعا من عندهم و مشتري لها فلتر K&N من امريكا الخاص بها مش يونيفرسال(و الفلتر الاصلي و علبته معايا للي عايز ارجع اركبه) و فيها Pioneer DVD (و الكاسيت الاصلي موجود عندي لو عايز ارجع اركبه).

انا بصراحة ناس كتير عايزة تشتريها لما بروح التوكيل و منهم مهندسين شغالين هناك والله اصلا غير ناس بتوقفني في الشارع تسألني لو ببيعها غير لما بجدد الترخيص من 10 شهور لقيت ورقتين متسابين على البربريز فيها ارقام ناس بتسأل لو عايز ابيع اكلمهم. الفضول دلوقتي خلاني اعرف السعر المتوقع لها كام لان يمكن اجيب حاجة اكبر لأني صارف عليها مبالغ خيالية و قبل ما بتحصل مشكلة فيها بكون عملتها في التوكيل الحمدلله

**MohammedAladel** · 12-03-2013 06:48 PM

ربنا يبارك لك فيها

**mohaakotb** · 12-03-2013 09:31 PM

لو ناوي تبيعها بسعر حنين ممكن اخدها منك .. انا بدور علي ميجان دلوقتي بس حاطط ل نفسي رنج معين في السعر

**Hany Saad** · 12-03-2013 10:40 PM

بغض النظر عن سعر السوق كام أنا لو مكان حضرتك اطلب فيها مش اقل من ٨٥٠٠٠ علشان الحالة و سعر الزيرو اللى زاد جداً

**abdo_2812** · 13-03-2013 07:19 AM

ماشاء الله، أنا لو ينفع أبيع عربيتي وأخدها كنت عملت كده

ربنا يبارك لك ويوفقك في البيع وإوعى تبيعها لتاجر أو تستعجل وتبيعها بسعر قليل ... العربية دي تتباع بأحسن سعر ممكن وانت حاطط رجل على رجل كمان :)

**kar!m** · 13-03-2013 08:57 AM

ربنا يبارك لك فيها .. لو بيعتها لتاجر هيخسف بيها الأرض.

**solly1979** · 13-03-2013 11:33 AM

ربنا يبركلك فيها
فكر 100 مرة هتركب ايه قبل متبيع علشان كل العربيات الى فى الرنج بتاع سعر سوقها متتركبش ببلاش
انا لو منك متبعش والعربيه مش صغيرة من جوة مشكلتها الشنطه بس متهيئلى