حصريا من فرنسا لنايل موتورز يا وحوش طريقة تغيير ثرموثتات كوعة ميجان 1

**MohammedAladel** · 12-03-2013 08:40 PM

السلام عليكم
الموضوع دا للعضو العزيز ِAhmed MFO ولكل وحوش المنتدى
الصور جايبة من الآخر بالنسبة لثرموثتات الكوعة فى تغييره
وطبعا لما بيهيس ممكن يخلى العربية تسخن جامد وممكن يخليها تبرد على الطرق المفتوحة لو مش شغال بكفاءة
بس هنا هو غير الجلدة العازلة للمياه الواضح انها كانت بتسرب يا جماعة نتعامل مع المحرك دا للعربيتين ميجان 1 وميجان 2 لأن نفس المحرك ال 16 v ال 1600 سى سى
بدأ شغله بانه يشيل المصفحة عشان يشتغل على رواقة وعشان فيه مياه هتنزل يا جماعة فلازم نفك المصفحة عندنا فى ميجان 2 المصفحة فيها 3 مسامير من قدام ماسكين الاكسدام ومسمارين ورا
بنفك المسامير كلهم وبنزقها لقدام هتطلع معانا لأنها شابكة بمشبكين كدا جسم العربية من قدام قبل الأكسدام الأمامى بيبقى ليهم فتحتين مدورين بيدخوا فيهم
هو نظام دورة التبريد مختلف شوية بس الفكرة العامة واحدة يعنى شوفوا الخراطيم هنا وقربة المياه وضعها مختلف عن عندنا

بالنسبة لميجان 1 موضوع حلقتنا بيبقى فيها 6 مسامير بنفكهم برضه كما فى الصورة

بيفك المسمار دا بعد ما يفضى الرادياتير من المياه فى الصور اللى بعدها لأن المسمار دا بينزل مياه لما يتفك

وبعدين بيفك الخرطوم دا من الرادياتير يفضى المياه من الرادياتير

فيه 3 مسامير ماسكين الكوعة الكبيرة البلاستيك اللى مغطية ثرموثتات الكوعة بيفكهم

فى الصورة دى بقى نخلع الكوعة وباين الثرموثتات راكب مكانه أهو

وادى الثرموثتات

هو هنا غير الجلدة بجلدة جديدة فقط ( الجوان العازل )

وبدأ يركب تانى بس نضف الأول مكان التركيب دا

بيركب الثرموثتات فى الكوعة

بيحط الخراطيم مكانها ويقفل كويس

فاكرين المسمار اللى فكيناه فوق اللى فى تانى صورة بنحط عليه تيفلون ( التيفلون دا عازل بيبقى موجود فى محلات الأدوات الصحية وبيستخدمه السباكين )

هيبدأ يحط ا لمياه للرادياتير جاب قمع زى ما احنا شايفين

شايفين مياه الرادياتير دى لدرجة حرارة الدول الباردة :)

يبدأ يكب المياه بالراحة ونشوف أى تسريب

نستنى لما المياه تنزل

بيسمع صوت نزول المياه

يستنى لما يشوف المياه نازلة من الفتحة مكان المسمار اللى فكيناه زى فى الصورتين دول كدا

يربط المسمار اللى حط عليه التفلون مكانه تانى أثناء نزول المياه والتأكد انها نزلت كويس
( المسمار اللى فكيناه أول مرة اللى هو فى تانى صورة فى الموضوع )

بيزود مياه القربة للآخر max ويبتدى يدور العربية ويستنى لما الحرارة بتاع العربية تسخن دوس بنزين شوية عشان تسخن بسرعة عشان الدورة تتفتح على بعضها وتبتدى تقلب المياه عشان نسحب الهواء

بعدين نستنى شوية ونفتح غطاء القربة بالتدريج بسيط جدا جدا عشان نسرب الضغط أوعى حد يفتحه مرة واحدة يبهدل وشك دا مياه سخنة وضغط عالى يزعلك
فبنفتح بالتدريج سنة سنة ودى بتفيد فى تفريغ الهواء من الدورة نعمل كدا 3 مرات

والراجل نضف موتور العربية بالضغط العالى للهواء وباستخدام سائل مخصوص لتنظيف الموتور

بس أنا عاجبنى قوى فلتر الهواء دا

يارب أكون أفدتك يا أستاذ أحمد

الموضوع منقول طبعاااااااااااااا