الكليو بتعوم

**ramy_gamal** · 11-04-2013 11:46 PM

مساء الفل عليكو جميعا
عندى احساس من اسبوع ان العربيه بتعوم بسيط وكمان على السرعات العاليه مش ثابته زى الاول..اول حاجه جات فى بالى ان الكاوتش يكون مش اوى مع انه مكملش 25000 كيلو المهم روحت لبتاع الكاوتش وبص عليه ملقاش لوحه وكمان مفبش عالى و واطى او ممسوح من برة او جوة ..
انا من 3 شهور غيرت الكوبلن اليمين ب واحد استعمال هل ممكن هو اللى يعمل كدة اللى اعرفه انه ممكن لو مش كويس يعمل رجه بسيطه اوى... هل ممكن يكون الكوبلن السبب فى عومان العربيه وممكن تتعرف ولا يبقى فى حاجه فى العفشه

**sammor_28** · 12-04-2013 04:56 AM

طبعا اول حاجه هقولها لحضرتك انك تكشف زوايا ممكن يكون عجله مأخره سنه من مطب ( حصلت معايا )

وبرضه ممكن تكشف عالبارات بتاعت الدركسيون الداخلي والخارجي خصوصا لو في تخبيط في العفشه في المناطق المكسره

ما اعتقدش انه الكوبلن لأنه لو كوبلن هيطقطق او هتلاقي رعشه من ناحيته في طلعه العربيه

وعامه لو مركز الزوايا محترم بينزل يبص عالعربيه ولو في مشكله بيقولك اعملها الأول وبعدين تعلالي وكمان بيحدد المشكله

وان شاء الله خير

**ramy_gamal** · 13-04-2013 12:21 AM

المشاركة الأصلية كتبت بواسطة sammor_28

طبعا اول حاجه هقولها لحضرتك انك تكشف زوايا ممكن يكون عجله مأخره سنه من مطب ( حصلت معايا )

وبرضه ممكن تكشف عالبارات بتاعت الدركسيون الداخلي والخارجي خصوصا لو في تخبيط في العفشه في المناطق المكسره

ما اعتقدش انه الكوبلن لأنه لو كوبلن هيطقطق او هتلاقي رعشه من ناحيته في طلعه العربيه

وعامه لو مركز الزوايا محترم بينزل يبص عالعربيه ولو في مشكله بيقولك اعملها الأول وبعدين تعلالي وكمان بيحدد المشكله

وان شاء الله خير

فعلا اول حاجه جت فى دماغى موضوع الزوايا وانشاء الله بكرة هحاول اروحله
بس بارات الدركسيون ممكن تعمل ايه تانى لان انا من مدة كبيرة اوى عندى مشكله لما الف الدركسيون ل اليمين للاخر اولا احسن ان العربيه بتتهز من قدام وكمان الدركسيون ميردش الا لو رديته انا سنه والميكانيكى قالى مفيهاش حاجه هى بس عايزة البطاحات تتشحم كويس ...هل ليها علاقه
الف شكر ل ردك

**sammor_28** · 13-04-2013 06:02 PM

شوف موضوع البطاحات جواها رولمان بلي ممكن يكون عاوز يتشحم عشان كده الدركسيون مابيردش

وممكن تكون البارات وياريت تشيك عليهم عشان لاقدر الله الباره الداخليه ماتملصش ودي تعمل معاك هزه وانت بتلف يوترن من الثبات

**ramy_gamal** · 13-04-2013 09:15 PM

روحت النهاردة ل بتاع الزوايا وبصراحه كشف على العفشه كلها وملقاش حاجه....قلتله ربط بالمرة مشفتش صاموله جابت معاه حاجه خالص وحطها على الجهاز مظبوطه...
مش عارف اروح ل الميكانيكى يشوفلى موضوع البطاحات

**gym1974** · 14-04-2013 09:19 AM

صباح الخير اخى الكريم شيك على المقاصات لأنها سبب رئيسى فى العوامان وعدم الثبات لأن الموضوع ده كان عندى ولما غيرت جوز المقاصات العربية أتظبطت الحمد لله وكنت مسافر بيها شرم الشيخ وماشى 140 والحمد لله زى الفل

**aymn2003** · 14-04-2013 02:32 PM

حضرتك اشتريت المقصات بكام ومنين ؟

**gym1974** · 15-04-2013 09:54 AM

المشاركة الأصلية كتبت بواسطة aymn2003

حضرتك اشتريت المقصات بكام ومنين ؟

اسف اخى الكريم لتأخرى عليك فى الرد المقاصات غيرتها عند فرنش موتورز وكان تمنهم 800 غير المصنعية مش فاكر بصراحة كام بس بجد العربية ثباتها على قوى بعد تغير المقاصات