الموضوع: معروضة عليا لانسر 98 وعايز رأيكوا لو سمحتم

استاذ متبهدل هو فعلا كده تقييمك للعربيه ممتاز
ومتزودش عن الــ 48 ابدا الا في اضيق الحدود
ولاحظ كمان انك هتاخد العربيه تقريبا وفيها 3 توكيلات وانتقلت من اكتر من واحد استعملوها وربنا معاك

المشاركة الأصلية كتبت بواسطة Metbahdel

دلوقتي يا شباب عايز نصيحتكوا وتكسبوا في أخوكوا ثواب ولا خاب من إستشار
العربية المعروضة عليا لانسر 98 أوتوماتيك كاملة اللون فضي
جابهالي السمكري بتاعي
كانت معاه وباعها لواحد وبعدين صاحبها عايز يبيعها تاني لأنه جاب كورولا جديدة
المهم السمكري بتاعي أمين ووالدي بيتعامل معاه من زمان حوالي 10 سنين
وكان عملي شغل كتير في العربية بتاعت والدي (لانوس 99)
السمكري عارف أبوها وأمها
قالي العربية دواخلها فابريكة ورشت بره ما عدا السقف والكبوت خد خبطتين واتسمكر بس شكله عايز يتغير ومغيرلها باب يمين ورفرف وشوفت الباب القديم عنده والخبطة إلي فيه وقالي إنها تشبه خبطة كان عملهالي كنت دخلت بجمب العربية في مقطورة وغيرت الباب والرفرف برده بس بعيد عن القايم وعموماً لما شوفت الباب لاقيت الخبطة مش جامدة أوي يعني مش زي بتاعتي
وكده السمكري قالي كل حاجة وقالي مقولش لصاحب العربية عشان ميزعلش منه
العربية عاملة 200 ألف
السمكري قالي لوعجبتك مبدئياً هتعمل كشف على الموتور والفتيس في الرواس لأنه ملوش في الميكانيكا
مطلوب فيها 51 ألف
السمكري بيقول إن صاحب العربية باشا وبيصرف على العربية كويس وبيصينها كويس
كنت ناوي أتكلم معاه في 48 أو 49 أنا شايف كده كويس ده لو عجبتني وطلع حال الموتور والفتيس كويسين
إيه رأيكوا مبدئياً
وبعدين لما أشوفها هقولكوا أخر الأخبار
للعلم أنا معييش أكتر من 50 ألف جنية واحد
ومشكورين

حاول تهز في العربيه شويه يعني لو 48 هيبقي مظبوط لأن الكيلو متر بتاعها عالي شويه صغيرين وبعدين موضوع الكبوت ده هتلاقيه غالي شويه زي اي عربيه وخد بالك العربيه هتصرفلها في حدود 1000 بالكتير مصاريف صيانه

أنا شوفت العربية
الكبوت الخبطة إلي فيه مش جامدة ومش باينة أصلاً
والعربية عموماً يظهر على حالتها إنها إتسمكرت من بره وإتمعجنت وإترشت كتير ومعجبنيش دهانها اوي بس مقبول ومش ظاهر فيها حاجة تستلزم السمكرة والرش حالياً
صاحبها واخد العربية من نفس السمكري من سنة والرخصة بإسمه وباقي في ترخيصها كده سنتين ومفيش توكيلات ولا حاجة
ركبتها عفشتها مظبوطة وعزلها فوق الممتاز على الرغم من الباب والرفرف إلي متغيرين وكمان فتيسها وسحبها ودارت علطول وفتحت الكبوت مفيش حاجة يتعلق عليها غير الرادياتير جايب نقطتين مية كده من فوق
جنوط إسبور مش جامدة أوي بس حلوة بيقول مكلفه 4800 بالكاوتش
وسي دي سوني مع الكاسيت الأصلي
الفرش مش أد كده من جوة هتحتاج فرش عموماً عجبتني
صاحبها كان واخدها من السمكري من سنة بمبلغ 54500
وكان عايز فيها 52500
بس السمكري لما كلمني قالي مطلوب 51
ولما جت السيرة قدام صاحبها زعل وقفش عشان السمكري قال سعر من عنده
عموماً أنا روحت سألت في الرواس على الكشف لاقيته هيتكلف 160 جنية لو على الموتور والفتيس بس و330 لو كل العربية
أنا العربية حليت في عيني بس أكتر من 50 ألف مش دافع وكمان عمولة السمكري عنده طبعاً
كده تبقى نزلت 5 من المبلغ إلي هوه شاري بيه من سنة السمكري بيقول كتير بس أنا شايف إنه خبطها بما فيه الكفاية وسافر بيها لما قال يا بس
أيه رأيكوا؟؟؟