العربية عامله اقل من 60 الف كم وبقالها معايا 10 سنين بكل خير لأن استعمالى قليل جداً
من اقل من اسبوع ظهر صوت غريب يشبه صوت تيل الفرامل لكنه مؤكد انه مش تيل فرامل لأنى لسه مغيره من شهرين وكمان الصوت بيظهر من غير ما أضغط فرامل
الصوت بالتحديد بيظهر وانا ماشى على سرعة اعلى من 30 كم فى لحظة ما ارفع رجلى من على البنزين.
وجربت انى اضغط دبرياج او لا اضغط ووجدت انه لا فرق..كذلك لو فصلت الفتيس ووضعته فى وضع المور الصوت بيظهر..كذلك يظهر الصوت سواء ضغطت فرامل أو لم أضغط ..لكن الغريب انى جربت ازود بنزين وانا واقف وارفع رجلى فجأة ولم اجد اى صوت !!!!!!
يعنى الصوت مرتبط بأنى اشيل رجلى من على البنزين بغض النظر عن وضع الدبرياج والفتيس والفرامل..الصوت عالى وباسمعه واحس بيه رغم ان الزجاج مقفل والتكييف شغال على اعلى مروحه..وهو كما قلت يشبه صوت تيل الفرامل الى حد كبير
أرجو لمن له خبره مساعدتى لأعرف السبب قبل ما أروح لميكانيكى
تقبلوا جميعا الشكر والتحية