تسقيط موتور تويوتا -ارجو الافادة

**a.one_1** · 31-05-2013 04:29 AM

السلام عليكم
انا معايا تويوتا ستارليت 92 كربراتير 1000 سى سى 5 سرعات المهم انا عايز اغير الموتور لانه رزع فعندى خيارات

1- اسقط موتور 2e بتاع الكورورلا 80 حصان 1300سى سى كربراتير (موتور العيون مثلا) بيركب على نفس القواعد من غير اى تعديل ونفس الدربوكس

2- اسقط موتور 4efe بتاع ستارليت وتريسل 100 حصان 1400 سى سى بس انجيكشن وبرده بيركب على نفس القواعد من غير تعديل

طبعا ال 4efe احسن بس هايبقى انجيكش وكارتة وكده بس انا موش عارف عربيتى تستحملها ولا ايه عشان موش عايز ابقى اجى اكحلها اعميها
فى ناس قالتلى خايك فى الكربرتير لان عربيتك فديمة 92 وكمان الانجيكشن مشاكله كتير

ايه رايكوا بقا

**a.one_1** · 31-05-2013 10:48 AM

ايه رايكم بقا

**MMamdouh** · 03-06-2013 01:14 PM

ركب المكنة اللى تعرف تعملها صيانة بسهولة و قطع غيارها متوفرة فى السوق

MMamdouh

**O.M.S** · 10-06-2013 03:48 PM

المشاركة الأصلية كتبت بواسطة a.one_1

السلام عليكم
انا معايا تويوتا ستارليت 92 كربراتير 1000 سى سى 5 سرعات المهم انا عايز اغير الموتور لانه رزع فعندى خيارات

1- اسقط موتور 2e بتاع الكورورلا 80 حصان 1300سى سى كربراتير (موتور العيون مثلا) بيركب على نفس القواعد من غير اى تعديل ونفس الدربوكس

2- اسقط موتور 4efe بتاع ستارليت وتريسل 100 حصان 1400 سى سى بس انجيكشن وبرده بيركب على نفس القواعد من غير تعديل

طبعا ال 4efe احسن بس هايبقى انجيكش وكارتة وكده بس انا موش عارف عربيتى تستحملها ولا ايه عشان موش عايز ابقى اجى اكحلها اعميها
فى ناس قالتلى خايك فى الكربرتير لان عربيتك فديمة 92 وكمان الانجيكشن مشاكله كتير

ايه رايكوا بقا

وعليكم السلام ورحمه الله وبركاته

انا معايا كورولا 97 وغيرت الماتور بتاعي من كاربراتير 1300cc لانجيكشن 1600cc مريحني جدا ماتور اسمو ( 4age blacktop) وده 175 حصان لو انت ليك في الجري انصحك بيه وهيبقى جامد على الستاليت موت وانا بركبوا ابن خالتي سال الشركه لو ينفع يركب عندوا على الاستارليت قالو ينفع مع تعديل بسيط في قاعده واحده وممكن تركب بتاع الكورولا 1600 العادي ولو عاوز تعرف كل الي يركب عندك بالاسعار انا ممكن اديك اسم الشركه ورقم تلفونها وتعرف منهم كل حاجه بس مش هينفع اكتبوا هنا علشان ميبقاش دعايه

**a.one_1** · 11-06-2013 05:20 AM

المشاركة الأصلية كتبت بواسطة zonfuly

انا شايف حاجه احسن لو الموتور بتاع الكورولا ال 2004 ال 1300 يركب عندك هيبقي كويس اوي وتقريبا كوده 2nz وصيانته سهله بس اهم حاجه شوف القواعد هي هي ولا لأ

اولا شكرا جدا لرد حضرتك
ثانيا صعب الموتور ده يركب على ستارليت لان القواعد مختلفة وكمان انا عربيتى موديل 92 فمعظم الناس نصحونى بالكربراتير احسن من الانجيكشن

**a.one_1** · 11-06-2013 05:24 AM

المشاركة الأصلية كتبت بواسطة o.m.s

وعليكم السلام ورحمه الله وبركاته

انا معايا كورولا 97 وغيرت الماتور بتاعي من كاربراتير 1300cc لانجيكشن 1600cc مريحني جدا ماتور اسمو ( 4age blacktop) وده 175 حصان لو انت ليك في الجري انصحك بيه وهيبقى جامد على الستاليت موت وانا بركبوا ابن خالتي سال الشركه لو ينفع يركب عندوا على الاستارليت قالو ينفع مع تعديل بسيط في قاعده واحده وممكن تركب بتاع الكورولا 1600 العادي ولو عاوز تعرف كل الي يركب عندك بالاسعار انا ممكن اديك اسم الشركه ورقم تلفونها وتعرف منهم كل حاجه بس مش هينفع اكتبوا هنا علشان ميبقاش دعايه

شكرا لردك جدا بس ال 1600 عشان يركب على ستارليت هايتطلب تعديل عفشة وفرامل عشان تصد على الوحش ده
تبقى عملت معايا واجب جامد لو تدلنى على الشركة دى لانى لسا موش عارف هاجيب الموتور ده منين - ممكن تبعتلى على الخاص اكون شاكر جدا