أفيدونى يا أصحاب الميجان

**mich_e_l2000** · 29-08-2008 04:09 AM

مساء الخير يا جماعة
بصراحة انا بثق جدا فى المنتدى دا وارائكم السديدة
انا ناوى اشترى ميجان مستعملة 2006 عاملة بس 27000كم كاملة استربترونيك وبفتحة سقف بانوراما
كنت بسأل
1-اية مشاكل الميجان بس ياريت من المجربين العربية بالفعل عشان اقدر احدد شرائى للعربية من دونة...بس يا ريت بشكل منظم يعنى 1 2 3
2-لية سعر اعادة البيع نازل اوى كدة ...
3-هل العربية ماتنفعش فى مصر (زى ما سمعت) عشان عفشتها ضعيفة ووحدة الكمبيوتر ديما بتعمل مشاكل ...؟؟
4- يا ريت اللى يقدر يتمن العربية دى بالمواصفات دى يبقى كتر خيرة
وشكرا جزيلا لكم

**M.Moustafa** · 29-08-2008 11:25 AM

حضرتك انا معايا ميجان 2006 المشاكل اللي فيها بامانة مطلقة:

1- الجنوط ضعيفة شوية يعني لازم تاخد بالك من المطبات والحفر بتاعت بلادنا الجميلة
2- العربية عايزة منك اهتمام يعني تداوم على الصيانة بتاعتها
3- العفشة مش ضعيفة ابدا بالعكس العفشة ناعمة على الطريق ا ركبت في مصر عربيات كتير وبقارن بعربيتي ولله الحمد عربيتي ممتازة
4- بما انها موديل 2006 وماشية قليل اعتقد هيبقى سعرها عالي لان حسب ما انت كاتب انت هتاخد الفل اوبشن فللاسف مش هعرف اسعرها يمكن باقي الزملاء ادرى مني بالموضوع ده ونصيحة بما انها لسه في الضمان خدها التوكيل واكشف عليها بالكامل.
طبعا انت ممكن تراجع اللينك ده http://www.nilemotors.net/Nile/showthread.php?t=24062

هتلاقي في كل حاجة عن الميجان تقريبا من ملاكيها سواء عيوب او مميزات وعليك بالاستخارة قبل الشراء

**أبو عبدالله** · 30-08-2008 01:26 AM

المشاركة الأصلية كتبت بواسطة mich_e_l2000

مساء الخير يا جماعة
بصراحة انا بثق جدا فى المنتدى دا وارائكم السديدة
انا ناوى اشترى ميجان مستعملة 2006 عاملة بس 27000كم كاملة استربترونيك وبفتحة سقف بانوراما
كنت بسأل
1-اية مشاكل الميجان بس ياريت من المجربين العربية بالفعل عشان اقدر احدد شرائى للعربية من دونة...بس يا ريت بشكل منظم يعنى 1 2 3
2-لية سعر اعادة البيع نازل اوى كدة ...
3-هل العربية ماتنفعش فى مصر (زى ما سمعت) عشان عفشتها ضعيفة ووحدة الكمبيوتر ديما بتعمل مشاكل ...؟؟
4- يا ريت اللى يقدر يتمن العربية دى بالمواصفات دى يبقى كتر خيرة
وشكرا جزيلا لكم

متهيألي تاني نقطه هترد على كل اللي انت بتسأل عليه

من الأخر العربيه جميله ولكن لو مش هتفرق معاك مصاريفها
يعني لو هتقدر على قطع غيارها مش علشان سعرها علشان محدش يرد ويقولي مش عارف ايه
لأ
علشان العمر الأفتراضي

ومصاريف الصيانة وانك تبقى محافظ عليها

يبقى مفيش مشكلة

متهيألي سعرها انا سمعت احد اعضاء المنتدى هنا جايب واحده او بيشتريها لسه بحاجه وثمانين الف

**Ahmed Selim** · 30-08-2008 04:30 PM

تانى نقطة دى حاصلة بسبب الأشاعات اللى طالعة على العربية واللى فى ناس كتير مصدقاها

فى زميل لينا هنا أسمه أحمد ( شاركى ) معاه العربية مو 2005 وكان ليه جار جاب ميجان 2005 برضه وبعد 6 شهور باعها وجاب كورولا 2006 أعلى حاجة وبعد سنة ونص باعها وجاب ميجان 2008 تانى !!!!

شاركى لما سأل جاره قاله أنا بعتها عشان سمعت أشاعات كتير قوى عليها فقلت أخلص منها وجبت الكورولا وطول السنة ونص اللى قعدتهم معايا كنت بحاول أقنع نفسى بيها وفى الأخر مقتنعتش ونزلت جبت الميجان تانى.

يسأل فى هذه الواقعة الأستاذ الدكتور شاركى القاطن بمنتدى رينو :)

على فكرة أسعار قطع الغيار هتلاقيها موجودة هنا http://www.nilemotors.net/Nile/showthread.php?t=24062

وهتلاقى أسعار قطع الغيار عادية....يعنى مش غالية ولا حاجة مقارنة بالكورولا واللانسر والهوندا وقطع الغيار بتعيش مش زى ما فيه ناس كتير فاكرة

عربيتى عاملة 79 ألف تقريباً و غيرت فيها الأتى
1- طنابير أمامى
2- طرمبة مياه
ده غير الصيانات الدورية والتيل وخلافه

**Sharky** · 30-08-2008 08:28 PM

الحكاية إللى قالها احمد عن جارى صحيحة

إللى يركب ميجان ما يفكرش يركب أى عربية فى فئتها فى اليابانى لإنك حتحس بفارق جامد لصالح الميجان من حيث الامان و النعومة و الأوبشنز و الفخامة و متعة القيادة و التوكيل

من الاخر العربية دى محترمة و ماتصدقش أى كلام عنها إلى من ملاكها فقط

دا لينك فيه كل حاجة عن الميجان زى:
1- صور الميجان
2- إختبار قيادتها.
3- أسعار قطع الصيانة و الغيار إللى حتلاقيها متساوية إن لم تقل أقل فى العديد من قطع الغيار عن مثيلاتها اليابانية زى الكرولا الجنوب أفريقى و السيفيك مثلا
4- الأعطال و قطع الغيار إللى إتغيرت فى الميجان من ملاكها بعيدا عن الصيانة الدورية.
5- بعض المعلومات الهامة عن الميجان
6-سر حب ملاك الميجان لها .
7- أسباب سوء سمعة الميجان (5 حلقات )

http://www.nilemotors.net/Nile/showthread.php?t=24062