أفيدونى سريعا يا أصحاب الجين2

**mich_e_l2000** · 01-08-2008 07:14 PM

فى البداية اود ان اشكركم على هذا المنتدى الرائع والمرجع المتجدد للسيارات
انا ناوى اشترى عربية جين2 وبالفعل جبيت العربية دى جدا جدا من كلامكم عنها لدرجة انى اصبحت مهووس بيها بدور عليها فى الشوارع واسال اى حد راكبها عن رأية فيها وبصراحة ماحدش ذم فيها على الاطلاق بالعكس الكل امتدحها وبشدة واخذتى قرارى بالشراء ولكن فكرت انى اطمئن على تواجد قطع الغيار برة التوكيل وعلى الاسعار كمان ....فوجدت الاخ توت كاتب عنوان وتليفون اولاد منصور بالجيزة فقلت اتصل بية واسالة عن قطع الغيار والاسعار وبالفعل اتصلت بية من شوية وسألتة فاكدلى انها موجودة عندة ولكن ذملى جدا جدا فى الجين 2 وقعد يشتم عليها ويقولى انها عربية زبالة(سورى يا جماعة ) وان الواجا احسن بكتير
فسالتة اية اللى مش عاجبك فيها قالى مشاكلها كتيرة جدا من ازرار معلقة...لسنتر بيعلق...للكمبيوتر بتاعها باظ ...قالى انك هتنبسط اول شهر شهرين وبعدين هتلعن نفسك...
بصراحة كلامة ضايقنى جدا لانى كنت اخدت القرار بالفعل
فقلت ارحع لمنتداى الحبيب اطلب منة النصيحة والمشورة
وشكرا يا جماعة على الردود

**creative** · 02-08-2008 07:48 AM

بضم صوتى لصوتك لانى فعلا مهووس بيها وعاوز اعرف كل حاجة عنها
وياريت استاذ توت واستاذ صيام او اى حد مستخدم ليها يرد علينا

**shr3if** · 02-08-2008 05:42 PM

ارجكوكم الرد لأني انا كمان هجيب ان شاء الله

**yasserayad** · 02-08-2008 06:19 PM

المشاركة الأصلية كتبت بواسطة mich_e_l2000

وبالفعل اتصلت بية من شوية وسألتة فاكدلى انها موجودة عندة ولكن ذملى جدا جدا فى الجين 2 وقعد يشتم عليها ويقولى انها عربية زبالة(سورى يا جماعة ) وان الواجا احسن بكتير
فسالتة اية اللى مش عاجبك فيها قالى مشاكلها كتيرة جدا من ازرار معلقة...لسنتر بيعلق...للكمبيوتر بتاعها باظ ...قالى انك هتنبسط اول شهر شهرين وبعدين هتلعن نفسك...
بصراحة كلامة ضايقنى جدا لانى كنت اخدت القرار بالفعل
فقلت ارحع لمنتداى الحبيب اطلب منة النصيحة والمشورة
وشكرا يا جماعة على الردود

انا مش معايا العربيه
بس انا عندى نصيحه ليك
عمرك ما تاخد نصيحه من بتوع قطع الغيار ابدا ده اولا
ثانيا ياترى اللى رايحله رايحله مش عشان مشكله برضو وعايزلها قطعه غيار اذن هو مابيشوفش غير المشاكل + فيه ناس بيحوا يكبروا المشكله زى اللى رد عليك ده
فيه ناس هنا معاهم العربيه وعدت شهرين وسنتين (وحايردوا عليكم ويفيدوكم )
بس مالعنوش نفسهم ولا حاجه انا اول ماجبت عربيتى 1993 لادا سمارا ولانها كانت مش منتشره قوى سمعت نفس الفتى ده من بتوع قطع الغيار والميكانيكيه كمان
ياراجل سيبك منهم ولا كانك سمعت حاجه
انتظر رد الناس هنا ولن تندم ان شاء الله
توت عنخ امون+mohamed el hussien
http://www.nilemotors.net/Nile/showthread.php?t=10722
وناس كتير اسف لو نسيت الاسامى
وكلهم حايفيدوكم باذن الله

**khpopo** · 02-08-2008 07:07 PM

المشاركة الأصلية كتبت بواسطة yasserayad

انا مش معايا العربيه
بس انا عندى نصيحه ليك
عمرك ما تاخد نصيحه من بتوع قطع الغيار ابدا ده اولا
ثانيا ياترى اللى رايحله رايحله مش عشان مشكله برضو وعايزلها قطعه غيار اذن هو مابيشوفش غير المشاكل + فيه ناس بيحوا يكبروا المشكله زى اللى رد عليك ده
فيه ناس هنا معاهم العربيه وعدت شهرين وسنتين (وحايردوا عليكم ويفيدوكم )
بس مالعنوش نفسهم ولا حاجه انا اول ماجبت عربيتى 1993 لادا سمارا ولانها كانت مش منتشره قوى سمعت نفس الفتى ده من بتوع قطع الغيار والميكانيكيه كمان
ياراجل سيبك منهم ولا كانك سمعت حاجه
انتظر رد الناس هنا ولن تندم ان شاء الله
توت عنخ امون+mohamed el hussien
http://www.nilemotors.net/Nile/showthread.php?t=10722
وناس كتير اسف لو نسيت الاسامى
وكلهم حايفيدوكم باذن الله

اللينك دة هاتعرف كل حاجة عنها فعلا..انا من ملاك العربية منذ اكثر من سنتين الحمد الله رجلى تمام وهى برضة تمام .طيب لو هى كلها مشاكل مش مكسب لية برضة عشان مش هو بتاع قطع غيار؟؟. اية الامانة دة !!!..انا برضة اول مانزلت المساعدين المونرو مصر مافيش ميكانيكى او محل قطع غيار طمنى وقالو خليك فى الاصلى انا قايست وركبتهم لغاية مابعت العربية وهما بحالتهم !!! راجاع الينك واستخير ربنا
ربنا يوفقك

سبحان الذى سخر لنا هذا وماكتا لة مقرنين وانا الى ربنا لمنقلبون

**momenhamdy** · 02-08-2008 11:48 PM

اولاً انا احب اقول لحضرتك حاجة مهمة انا اول مرة اشوف تاجر بيشتغل في بضاعه معينه بيزم فيها لن دا اولاً ميبقاش تاجر

ثانيا لو هو مش عجبه البروتون و خصوصاً الجين 2 شغال فيها ليه اساساً
ثالثاً و دا الاهم اولا حضرتك قارن نسبه الجين 2 في مصر لنسبه الواجا
رابعاً حضرتك كلنا هنا من ملاك الجين 2 و انا معايا العربيه و مفتكرش في حد في الزمن دا بيرمي فلوسه في اي حاجة لان الحاجة مش رخيصه و مش ممكن حتكون العربية مش كويسه و الناس الي في المنتدي حتشكر فيها علشان هي معاها العربية علشان يكون ليها سمعه و خلاص
خامساً الجين 2 بدأت حمله ( صفر عيوب ) انا الحمد لله معايا العربية موديل 2008 و انا شايف انها زي الفل و ارجو من سيتك بدل حضرتك مقتنع بحاجة اتوكل علي الله

**tutankhamoun** · 03-08-2008 12:03 PM

تاجر قطع غيار بروتون .............. و بيذم في الجين 2 ؟؟؟؟؟؟؟؟؟؟
على فكرة الراجل ده بيبيع بروتون فقط لا غير و مستعد اجيب صور تثبت ده

طيب نسبة إنتشار جين 2 بالمقارنة مع واجا ........... أعلى بكثير جدا

طيب ليه الراجل بيقول كلام مش حقيقي عن العربية الله أعلم
يا إما فتي مصري أصيل
يا إما فيه مشكلة ما مثلا مع عز العرب و الله أعلم ليه الراجل أفتي الفتوى دي و طبعا كلامه فتي و تأليف في تأليف و لا يمت للواقع بصلة

العربية زي الفل و حتى الكلام اللي هو قاله أول مرة أسمعه
يعني ده دليل على التأليف

العربية دلوقتي معايا بقالها 10 شهور معايا و لم يظهر أي عيب إطلاقا بتاتاً الحمد لله و ماشاء الله و لا حول و لا قوة إلا بالله العلي العظيم
شغالة زي الفل من غير أي مشاكل ومع صاحبي بقالها 2.5 سنة و 85 ألف كيلومتر و لم يغير فيها شئ
ده غير بعض الأصحاب الآخرين الذين تعدوا 25 و 30 ألف كيلومتر و لم يظهر معهم شئ

العربية أكثر من رائعة و ممتازة و فيها عوامل أمان و صاج متين يستحمل الشارع المصري و جلسات الحبيبة و الاطفال المتربيين تربية ممتازة اللي بتلاقيهم على العربية بيلعبوا مراجيح بعد ما يخلصوا المدرسة

المهم اللي عايز يشتري العربية لازم الأول
يتخلص من الوسواس بتاع إن ماركة بروتون ماركة مش مشهورة
لو مقدرش يتخلص من هذا الوسواس
فلا يشتري السيارة حتى لا يتعب نفسيا
لأنك بعد كدا هاتبدأ ترمي ودنك مع كل صوت في العربية و مع كل حاجة تحصل
هتلاقي نفسك بتكبر الحاجات العادية اللي ممكن تحصل في أي عربية و تبدأ تلوم نفسك على شراء السيارة

أشتري العربية لو أنت حاببها و مطمن و حاطط في بطنك بطيخة صيفي
لو ملقيتش بطيخ صيفي
أشتري حاجة تانية علشان بالك يبقى مرتاح
و ده مش تقليل للعربية إطلاقا
بس علشان العامل النفسي أهم من جودة العربية نفسها
ممكن تبقى راكب مرسيدس و فيها عيوب الدنيا و الأخرة
بس علشان أنت مطمن نفسيا فلن ترى هذه العيوب
أرجوا أن تكون رسالتي وصلت
أخوكم توت

**elmadawy** · 03-08-2008 01:15 PM

الله ينور عليك يا استاذ / توت كلام جميل جدا وشكرا

**elzamalek** · 03-08-2008 03:11 PM

استاذ /tutankhamoun
هي gen 2 2009 هتنزل امتى ؟
و هتفرق في ايه عن الحاليه ؟

**tutankhamoun** · 03-08-2008 05:01 PM

أرسل أصلا بواسطة elmadawy
الله ينور عليك يا استاذ / توت كلام جميل جدا وشكر

أستاذ معداوي ......... اهلا بيك
و الله يكرمك و ينور عليك أنت كمان

أرسل أصلا بواسطة elzamalek

استاذ /tutankhamoun
هي gen 2 2009 هتنزل امتى ؟
و هتفرق في ايه عن الحاليه ؟

و الله ............ الله وحده يعلم
بس تقريبا لن تقل في الكماليات كما هو مكتوب في موقع بروتون
لأن السوق المصري مختلف عن الأسواق الاخرى و ممكن تنزل بنفس الكماليات أو أقل
و الله اعلم

اللي عايز يشتري يتشري الموجود دلوقتي
والي مش جاهز دلوقتي يستنى

إنما محدش عنده معلومات أكيدة