الى جميع حاجزى الفلونس الشكل الجديد facelift

**dr_ahmed80** · 23-07-2013 06:36 PM

نداء الى جميع حاجزى الفلونس الشكل الجديد
العربية هيتم تسليمها امتى ؟؟؟؟؟؟؟؟
لان الواحد بقاله شهر و نص حاجز و بيسمع جملة واحدة بس و هى الاسبوع الى جاى و بعدين الميكانيكيون العرب فيه مهندس هناك اسمه حمادة قالى ان الشحنة فى المينا و هما غيرو الموديل علشان تبقى 2014 و ده سبب التأخير و كلام كتير و الطارق بيقول الاسبوع الى جاى كل شوية و التوكيل بيقولك اديك شايف حال البلد و الظروف و الجوابات
ياريت حد يفيدنى يا جماعة علشان انا زهقت فعلا و خلاص يعنى الى عمل الفلونس ماعملش عربية غيرها انزل اجيب اى حاجة تانية بدل ما انا قاعد حاطط ايدى على خدى كده

**afan** · 23-07-2013 06:53 PM

انا حاجز من أكتر من شهرين من التوكيل ونفس الكلام كل مرة الأسبوع الجاى
اخر مرة قالولى قبل اخر الشهر

**geo** · 23-07-2013 09:17 PM

مساء الفل يا دكتور أحمد... بص انا تقريبا عندى نفس المشكلة... حجزت من رينو العربية اللى ب 188000جم في أول مايو يعنى تقريبا من3 اشهر... طبعا الحجج و الردود كانت متنوعة و جميلة و مسلية... سواء ان ي مشكلة في الشحن أو ان الورق راح فرنسا لتعديل الموديل من 2013 الى 2014 و بعدين فوجئت ان العربيات جت في اول يوليو و لكن الدفعة دى طلعت حتتوزع على التجار... و خايفين يطلعوا العربيات عشان الاحداث الايام دى...لكن لو كنت حاجز زيي في الشركة نفسها يبقى يؤسفنى اقولك انك مش حتستلم قبل 15 اغسطس

**mbisar** · 24-07-2013 12:50 AM

الله يطمنكم .. انا حاجز يوم 1 رمضان يعنى كده تقريبا انا هستلم السنه اللى جايه
هو بصراحه انا حجزت العربيه منغير ما اشوفها فى المعارض العربيه مختفيه تماما فى اسكندريه مش موجوده عند حد خالص وانا حاجز فى التوكيل فى سانستيفانو .. مشرف المبيعات قالى فى دفعه هتيجى 15/7 كلها e3 و المفروض انها لما تيجى الراجل هيكلمنى و يقولى اروح اتفرج على العربيه فالمهم كلمته من يومين و قالى ان العربيه فى المينا و هتنزل المعارض كمان 10 ايام تقريبا ... ربنا يوفقكم بقا و على الله الواحد يستلم معاكم رغم انى عارف انه مستحيل

**2alb** · 24-07-2013 03:14 AM

استحملو شباب العربية جميلة وتستاهل الانتظاز ..... انا فاكر ايام المرسيدس c180 اعدت سنة ونص لغاية ما استلمت بس العربيات داخلة الشهر جى ولاد عمامى موزعين وقالولى الكلام دة

**2alb** · 24-07-2013 03:25 AM

معلش يجماعة علشان محدش يفهمنى غلط اصلى كنت مركز فى السحور العربية الشهر الجى بازن للة

**mbisar** · 24-07-2013 04:12 AM

هو صحيح يا جماعه .. انا سمعت ان نسبه الأنضغاط بتاعت موتور العربيه 11 هل ده معناه ان العربيه يتحطلها بنزين 95 .. دى تبقا مصيبه يا ريت حد يطمنا

**2alb** · 24-07-2013 04:45 AM

انا بحطلها 92 عادى جدا وهما مغيرين المتور والفتيس دة متور نسيان تيدا

**mbisar** · 24-07-2013 04:59 AM

المهم انت مبسوط من العربيه يعنى نطمن ؟
و لو كنت تقدر تعملها تقرير و تنزل كام صوره
1- ايه رأيك فى الكاسيت و الصوت
2- اخبار السحب معاك ايه على العربيه بطه بلدى ولا كويسه ؟
4- اخبار التكيف معاك ايه
و الف مبروك يا فندم على العربيه وربنا يباركلك فيها ان شاء الله

**2alb** · 24-07-2013 05:37 AM

المشاركة الأصلية كتبت بواسطة mbisar

المهم انت مبسوط من العربيه يعنى نطمن ؟
و لو كنت تقدر تعملها تقرير و تنزل كام صوره
1- ايه رأيك فى الكاسيت و الصوت
2- اخبار السحب معاك ايه على العربيه بطه بلدى ولا كويسه ؟
4- اخبار التكيف معاك ايه
و الف مبروك يا فندم على العربيه وربنا يباركلك فيها ان شاء الله

لله يبارك فيك وباذن لله احاول انزل ليها صور لانى فى حكاية التقرير دى خيبان شوية اما تانى حاجة العربية فعلا جميلة واسعة زى الاوكتافيا الى كنت راكبها والكاسيت جميل فى الفئة التالتة فيها ومستوى الصوت روعة تحس انة مجسم التكيف حلو لانةيابانى كلة على بعضة حلو نيجى للسحبة الاولانية بتكون ضعيفة شوية مش زى الاوكتا فيا فية فرق كبير بن الاتنين بس العربية لما بتبدى بتاخد سرعتها بتكوت جميلة جدا وانا مش معتبرها عيب المهم النهاية بتكون ازاى انا مجرتش بيها كتير يعنى جبت 120 وكانت ثابتة محسستش فرق كبير بينها وبين الاوكتا فيا ممكن يكون علشان الفتيس الجديد بيريح النقلات جدا حتى ان ار بى بم مبيعلش عن 2 الا فى السرعات العالية والحرق ومعلش على عدم ترتيب الكلام