card not detected

**odod** · 20-08-2013 06:04 PM

في حد حصل معاه حاجه زي كده يارجالة
احط الكارت واجي ادور يديني الرساله دي بعد بعض المحاولات لمدة ربع ساعة يمكن تدور
حاجة في منتهي العجز مع العربيه
ياريت حل علشان انا اتشتمت كتير قوي بسبها لما اكون واقف واجي اطلع

**MohammedAladel** · 20-08-2013 07:25 PM

الكارت باظ

تصليحه سهل جدا

الكارت عبارة عن غطاء فوق اللى فيه ال 3 زراير وغطاء من تحت .... الاتنين مسبوكين فى بعض

ولكن هما عاملين فاصل بين الغطائين من على الجنب هتجيب كتر ب 3 جنيه وتبدأ تنشر الكارت من على الأجناب

عشان تفصل الغطاء السفلى عن العلوى

المكان اللى بيبوظ هو اللى تحت الغطاء اللى من فوق فى الكارت اللى فيه الزراير من على جنب الزراير اليمين

هتلاقى حتة بلاستيك مدورة ملفوف عليها سلك ليها 3 أرجل متوصلين ببوردة الكارت فيه رجل أو أكثر منهم فصلت

هتلحمها بمكواة لحام وقصدير وتعيد لحام باقى الأطارف برضه عشان تضمن أنهم ميفكوش

هتجيب لحام أمير وتلزق الكارت وهيشتغل معاك

**MohammedAladel** · 20-08-2013 07:43 PM

http://www.nilemotors.net/Nile/3874509924-post3.html

**odod** · 20-08-2013 08:48 PM

متشكر جدا ياباشا ويارب يطلع موضوع سهل ويتصلح على طول زى منته بتقول

**MohammedAladel** · 20-08-2013 09:49 PM

فيه ناس بتصلحه من 150 إلى 200

برغم ان تكلفة تصليحه بسيطة جدا بس تعمل إيه بقى فى جشع الناس !

**odod** · 20-08-2013 11:19 PM

يعنى ممكن الواحد يصلحه بنفسه ؟؟؟
ولا اشوف حد بيصلحة ؟؟؟
انا خايف لما افتحة يموووت خالص
وبرده من باب العلم بالشئ لو تعرف حد بيصلحه فى اسكندرية قولى
وانا هحتول فيه انشاء الله ورنا يسهل

**MohammedAladel** · 20-08-2013 11:29 PM

شوف الفيديو اللى بعتهولك فى اللنك .. الشغل بسيط جدا بس أصبر عليه وانت بتفتحه

ممكن تشترى اى مكوة لحام ب 7 جنيه وتلحمه أو تخلى حد بتاع موبايلات وهوو واقف فى ثوانى يلحمه بس بعد ما تفكه

بس ركز فى الفيديو اللى جبتهولك ولاحظ هو كسر الجزء من الغطاء اللى فوق بدل ما يفك الكارت كله

**dedo_ryo** · 21-08-2013 03:03 AM

عباس في شارع ابوقير - رشدي
بس هو اسهل من انك توديه انا عملته في البيت و افضل منه لان انتا اللي شغال في حاجتك بايدك و خايف عليها
و لو مش هتقدر يبقي هو و في واحد تاني افضل هشوفلك مواعيده و مكانه و ابعتهملك

**odod** · 21-08-2013 12:59 PM

تسلم يا dedo_ryo انا فلت كده برده ....
عباس ده انا كنت عملت عنده كارت قبل كده كان 800 جنيه

**medo_molto** · 21-08-2013 01:58 PM

انا عندى نفس المشكلة بردو بتحصل معايا لما اسيب العربية يومين مركونة ولا حاجة بس لما بدخل الكارت براحة وبحركة شمال شوية ناحية الدركسيون بيلقط معايا وتظهر كلمة Start فى الشاشة بس اهم حاجة بشويش على الكارت وحاول تهزة براحة وهو فى مكانة فى العربية وان شاء الله يلقط معاك ....وانا عن نفسى كدا كدا هعمل مفتاح تانى احتياطى عشان خايف لمرة واحدة يبوظ الكارت الوحيد وبيقولو فى واحد فى جسر السويس ممتاز فى القاهرة اول منزل اجازة اول الشهر هروح له ان شاء الله وهبقى اقلك بيكلف كام

الموضوع: card not detected

LinkBack

أدوات الموضوع

عرض

-

-

-

-

-

المواضيع المتشابهه

card not detected

هو نيل موتورز متفيرس ؟؟؟؟؟؟؟؟ Malware detected

كارت الميجان not detected

Car DVD/ VCD/ CD/ CD-R/ CD-RW/ MP3/ MP4/ USB/ SD/ MMC Card

الكلمات الدلالية لهذا الموضوع

المفضلات

المفضلات

ضوابط المشاركة