مشاكل الميجان

**mwanted** · 06-09-2013 06:13 PM

السلام عليك
دية اول مشاركة ليا هنا في القسم وانا سعيد جدا بكدة واتمني اني الاقي مداخلات بما يفيد في الموضوع لمحاولت تغيير فكر بعض الاشخاص محبي الميجان وانا اولهم
في البداية احب اعرفكم بنفسي انا محمد محسن واحد من ناس كثير مغرمين بحاجة اسمها ميجان بس لسة خايف من البعبع بتاعها (مشاكل الكهرباء والكنترول )
ودة شيء طبيعي لاي حد لان مش معقولة تبقي مسافر مع المدام علي طريق زي السخنة كدة وفي ظروف جميلة زي اللي البلد فيها دلوقتي وتبص تلاقي شاشة الميجان مطلعالق (خازوق)
طروح وتيجي منين وسط الجبال ومش معقولة كل لما اجي اسافر اروح علي التوكيل الاول يعملي تشيك عليها
سؤال ؟ هو كنترول العربية او بالاحري رسائل الاعطال اللي في الشاشة هي اللي بتسبب العطل ولا العطل هو اللي بيخلي الرسالة تظهر؟؟؟؟؟؟؟؟
يعني انا كنت بفاضل بينها وبين الالنترا مثلا الالنترا مفيهاش شاشة اعطال بس ممكن تلاقي عطل فوجائي مثلا زي اي عريبة
ولو هنحسبها بالمنطق دة تبقي شاشه الاعطال ميزة مضافة في العربية بتسهلي اان اعرف العطل فين الا اذا الكنترول لية دور في الموضوع
يعني لو في ( مشكلة ) في اي عربية تاني كوري او ياباني تكمل مشوار السفر بيها لاكن في الميجان الكنترول بيدي امر للعربية انها متتعتعش من مكانها يبقي هنا بقي مربط الفرس
الا اذا ميكانيكا الميجان مختلفة عن العربيات التانية
ارجو التفاعل مع الموضوع بحيادية لافادة محبي الميجان

**mwanted** · 06-09-2013 06:29 PM

انا اسف يا جماعة انا نسيت اتكلم عن حاجة تانية مهمة جدا كمان ( الفتيسسسسس )
ودة طبعا من اهم الحاجات اللي الناس خايفة منها كمان
1- سخونة الفتيس وخاصة علي السرعات العالية ( السفر )
2- نتشة بين الغيارات
كان في واحد قايل بخصوص موضوع النتشة دية في سوفت وير بينزلوة في التوكيل بيحل المشكلة

**mwanted** · 06-09-2013 09:55 PM

ياةةةةةةةةةةةةةةةةةةةةةة 47 مشاركة ومحدش بيفكر يحط كلمة واحدة

**Ahmed Selim** · 06-09-2013 11:16 PM

أولا لازم نفرق بين الرسائل التنبيهية و رسائل الأعطال...

الأولى بتنبهك علشان متحصلش مشكلة........زي gearbox overheat...بتقولك أن الفتيس درجة حرارته عالية...........و دي عادة مش بتظهر غير لحد مغير زيت الفتيس الأصلي بزيت تاني لزوجته مختلفه.

و التانية بتقولك أن فيه مشكلة حاصلة....زي check gearbox و دي بتحصل لأسباب كتير أشهرها الكويلات اللى هى أصلاً ملهاش علاقة بالفتيس بس العربية بتطلع الرسالة دي.

و أنا عن نفسي مشوفتش عربية ميجان متحركتش من مكانها إلا لو البطارية بايظة أو العربية مش بتدور لأي سبب ممكن يحصل فى اى عربية تانية.

الفتيس مشكلة السرعة العالية لمدة طويلة بتظهر فقط لما يكون الزيت مش نفس لزوجة الزيت الأصلي زي ما وضحت.

النتشة اللى بين الغيارات مش نتشة كبيرة زي ما الناس فاكره.......نتشة بسيطة جداً و ممكن متظهرش معاك خالص لأنها بتبان مع طريقة سواقة معينة........و موجودة فى عربيات تانية زي الفورد فوكس الجديدة مثلاً.

ميكانيكا الميجان مختلفة حاجة بسيطة..........بس مش إختلافات جذرية........بمعني أن لو ميكانيكي فاهم مش بصمجي هيعرف يتعامل معاها.

**كل دقيقة عضوية** · 07-09-2013 01:58 PM

طبعا مفيش كلام بعد اللى قاله برنس الليالى الأستاذ أحمد عبد المقصود

وياريت تقرأ المواضيع المثبتة

وطبعا المانيوال أحسن فى كل حاجة

**Ahmed Selim** · 08-09-2013 09:35 PM

المشاركة الأصلية كتبت بواسطة mwanted

احمد باشا طول عمرك سباق في الرد ومبتبخلش باي معلومة علي حد
طب هل في موضوع مخصص لرسائل التنبية والرسائل التحزيرية

وبخصوص الرسالة gearbox overheat لو ظهرت وانا علي طريق سفر ممكن اكمل عادي من غير قلق ... وبالنسبة لموضوع الزيت متهيالي ان التوكيل بيغير بزيت تاني غير اللي بتنزل بية العربية طب مكدة المشكلة مازالت قائمة

تمام يعني الميجان زيها زي اي عربية تانية في الاعطال تقريبا

طيب هل لو انا حولت الفتيس للوضع المانيوال متهيالي ساعتها النتشة دية مش هتكون موجودة

ولو انا اصلا جبت العربية مانيوال مش اوتو مشاكل الفتيس هتكون قليلة زي اي فتيس مانيوال واريح دماغي اصل انا شفت ناس كثير بصراحة حصلها مشاكل مع الفتيس الاوتو ومكلف جدااا

يا باشا ربنا يكرمك

الرسالة بتاعة gearbox overheat بتظهر بعد لما تمشي مسافة كبيرة على سرعة أعلى من 160 و تكون مغير الزيت بزيت تانى لزوجة مختلفة.

و ساعتها كل المطلوب أنك تنزل بالسرعة ل 100 أو 120 بالكتير و تكمل طريقك عادي و الفتيس هيبرد.

معلوماتي أن الوكيل بيغير بزيت نفس اللزوجة المطلوبة......بس الوكيل مش مراكز الخدمة المعتمدة.

و النتشة بتبان أو لأ حسب طريقة السواقة

المانيوال أحسن فى كل حاجة ما عدا الزحمة طبعاً.