في فكترا b طلمبة المياه

**Thegazy** · 14-09-2013 11:16 PM

ليه طلمبة المياه متوصلة على سير الكاتينة ؟ أفيدونا من فضلكم !

**Hesham.H** · 15-09-2013 01:24 AM

طبيعى انها لازم تتوصل على سير الكاتينه ... لان طبعا زى ما حضرتك عارف ان طرمبه الميه لازم تدور بسرعه عشان تخرج الميه السخنه من الموتور وتدخل بدالها مياه بحراره أقل عشان التبريد .. فطبيعى انها تتوصل على سير الكاتينه
يارب أكون أفدتك
تحياتى

**فادى محمد** · 15-09-2013 02:47 AM

طول مالموتور شغال الطرمبه بتشتغل وتحضر ميه لتبريد الموتور
كل مالموتور يزيد سرعته وحمله هتزيد معاه حركه الطرمبه لملاحقه التبريد

**احمد فهمى** · 15-09-2013 09:59 AM

ﻷنها طرمبه ميكانيكيه بتعمل مع حركة السيور وده طبيعي ﻷحتياج المحرك لدوران مياه الريداتير بشكل منتظم كما وضحلك اﻷعضاء

**MaaM** · 15-09-2013 07:50 PM

المشاركة الأصلية كتبت بواسطة hesham.h

عشان تخرج الميه السخنه من الموتور وتدخل بدالها مياه بحراره أقل عشان التبريد

لي تعليق هنا صغنن يا اتش
طلمبة المية أي نعم بتبرد الموتور من خلال انه بتدخله مية الريداتير ، لكن مش هي اللي بتخرج المية السخنة
المسئول عن خروجها هو ترموستات الكوعة ودا في حالة انها تعدت الدرجة المناسبة لبيئة عمل الموتور بشكل سليم

وأضيف كمان ان الطلمبة بتسحب المية اللي موجودة في أسفل الريداتير وتدخلها لـ الموتور من تحت من أول البلوك لأعلى الموتورلأن المية بتبقى داخلة باردة فتبدأ تكتسب السخونة الناتجة عن عملية الإحتراق أثناء صعودها لغاية اما توصل للسلندر وبالتالي تحفاظ على أجزاء الموتور
ولما تيجي تطلع من الكوعة لأنها منفذ الخروج ، هنا تمنع خروجها الترموستات وزي ما اتقفنا انها بتحافظ على وصول المية للدرجة المناسبة لبيئة عمل الموتور وأول ماتعدي الدرجة ديه تبدأ الترموستات بالفتح بشكل تدريجي ، فالمية تطلع من خلالها وتروح على الريداتير من أعلاه وتبدا في النزول الى أسفل الريداتير وأثناء نزولها بتكتسب حرارة الجو المار بجانبها وتحسبا لعدم وجود هواء هنا وظيفة المروحة واللي بدورها بتسحب الهواء بالعافية بسرعة معينة وبالتالي يحصل التبادل الحراري ما بين المية الموجودة في أنابيب الرادياتير والهواء اللي بيعدي جنبها
يعني المية تكتسب حرارة الجو (واللي هو أقل منها) والهواء يكتسب حرارة المية (واللي هي أعلى منه) عشان كدا لو حطيت ايديك قدام المروحة (بين المروحة والفرن) هاتلاقيها بتدخل هواء سخن

ولما تنزل المية في أسفل خزان الريداتير تسحبه تاني طلمبة المية وهكذا تتكرر الدورة

يبقى هنا الترموستات ضربت عصفورين بحجر واحد
(العصفور الأول والمهم) هو الحفاظ على وصول درجة الحرارة المناسبة للمية اللي داخل الموتور
(وأما التاني) وفي نفس الوقت اعطاء فرصة للمية اللي موجودة داخل الريداتير انها تبرد بشكل جيد

**Hesham.H** · 16-09-2013 01:37 AM

المشاركة الأصلية كتبت بواسطة maam

لي تعليق هنا صغنن يا اتش
طلمبة المية أي نعم بتبرد الموتور من خلال انه بتدخله مية الريداتير ، لكن مش هي اللي بتخرج المية السخنة
المسئول عن خروجها هو ترموستات الكوعة ودا في حالة انها تعدت الدرجة المناسبة لبيئة عمل الموتور بشكل سليم

وأضيف كمان ان الطلمبة بتسحب المية اللي موجودة في أسفل الريداتير وتدخلها لـ الموتور من تحت من أول البلوك لأعلى الموتورلأن المية بتبقى داخلة باردة فتبدأ تكتسب السخونة الناتجة عن عملية الإحتراق أثناء صعودها لغاية اما توصل للسلندر وبالتالي تحفاظ على أجزاء الموتور
ولما تيجي تطلع من الكوعة لأنها منفذ الخروج ، هنا تمنع خروجها الترموستات وزي ما اتقفنا انها بتحافظ على وصول المية للدرجة المناسبة لبيئة عمل الموتور وأول ماتعدي الدرجة ديه تبدأ الترموستات بالفتح بشكل تدريجي ، فالمية تطلع من خلالها وتروح على الريداتير من أعلاه وتبدا في النزول الى أسفل الريداتير وأثناء نزولها بتكتسب حرارة الجو المار بجانبها وتحسبا لعدم وجود هواء هنا وظيفة المروحة واللي بدورها بتسحب الهواء بالعافية بسرعة معينة وبالتالي يحصل التبادل الحراري ما بين المية الموجودة في أنابيب الرادياتير والهواء اللي بيعدي جنبها
يعني المية تكتسب حرارة الجو (واللي هو أقل منها) والهواء يكتسب حرارة المية (واللي هي أعلى منه) عشان كدا لو حطيت ايديك قدام المروحة (بين المروحة والفرن) هاتلاقيها بتدخل هواء سخن

ولما تنزل المية في أسفل خزان الريداتير تسحبه تاني طلمبة المية وهكذا تتكرر الدورة

يبقى هنا الترموستات ضربت عصفورين بحجر واحد
(العصفور الأول والمهم) هو الحفاظ على وصول درجة الحرارة المناسبة للمية اللي داخل الموتور
(وأما التاني) وفي نفس الوقت اعطاء فرصة للمية اللي موجودة داخل الريداتير انها تبرد بشكل جيد

مجهود رائع وشرح مفصل وسهل يا محمود
تحياتى يا جميل