ما هي اجراءات شراء سيارة من مكتب ؟

**A3SAR** · 15-09-2013 12:50 AM

السلام عليكم
------------
انا دلوقتي هاستلم سيارة من مكتب سيارات وهنكتب عقد ابتدائي لمده 15 يوم لحد ما ادفع كل المبلغ
ووقتها نسجل
المهم العربيه باسم واحده ست بس العقد مكتوب فيه البائع هو اسم صاحب المكتب وبيانات السيارة وبس
ومفيش اى سيرة في العقد لاسم صاحبه العربيه اللى مكتوب في الرخصه
هو بيقولى التعامل بيبقي مع المكتب ووقت التسجيل بيبقي مع صاحبه العربيه
هل الكلام ده صحيح ؟؟
-----------
مع العلم انه هيبعيلي بتوكيل مقفول (وانا معرفش يعني ايه مقفول)
شكرا

**a7mad_mo7amad6** · 15-09-2013 01:13 AM

بص انا شاري عربيتي من مكتب وعملت خناقات كتير علشان اشتري من المالك مباشره بس مردوش ابدا قالولي ده شروط المكتب..طبعا علشان مش تخلص البيعه انت مع صاحب العربية وهما ياخدو زمبة..

بس موضوع 15 يوم ده كتير اووووووووي خصوصا هو ملوش الحق ببعلك حاجه مش بتاعته

انا اخر مزهقت من اصرارهم دفعتلهم المبلغ وخدت العربيه بنسختين المفتاح وخدت صورة الرخصه بعد ما اطلعت على الاصل وعملي بردوا عقد ابتدائي باسمه بس الحمدلله البيعه تمت بسلام

بس بعد مفكرت فيها كنت مستغرب نفسي من المجازفه ده لانه لو جه وقالي انت سارق العربية ساعتها هبل العقد الابتدائي ده واشربه بميته هههههههه

حاول تضغط عليهم انك تشتريها من صاحبتها على طول

المكتب ده قدام مدرسة المنهل في مدينة نصر

**a7mad_mo7amad6** · 15-09-2013 01:14 AM

توكيل مقفول على ما اعتقد انه بيكتب اسم البائع والمشتري وفي الحالة ده متقدرش تبيع لنفسك لازم صاحب العربية الي يعملك هقد التسجيل

**A3SAR** · 15-09-2013 01:20 AM

انا اللى محدد ال 15 يوم عشان معييش كل الفلوس دلوقتي
هادفع النص بس وكمان 15 يوم هادفع الباقي ونعمل عقد مسجل
بس هو ايه يضمنلي حقي ؟؟ ..
وهل كده فيه مجازفه ولا لا مع العلم ان الموضوع جاي عن طريق واحد معرفه ؟
شكرا

**a7mad_mo7amad6** · 15-09-2013 01:30 AM

مجازفه كبيرة كمان.. ببساطه امتوسايق حاجه مش بتاعتك والعقد البدائي ولا ليه اي لازمة

**A3SAR** · 15-09-2013 01:32 AM

طيب ايه العمل في حاله انى هادفع نص المبلغ دلوقتي وهاستلم العربيه ..؟

**eng.salama93** · 15-09-2013 01:37 AM

بص انا ممكن اكتب عقد بيني و بينك و أبيعلك فيه مول أركاديا مثلا .. و العقد قدام المحاكم سليم جدا ف صحة التوقيع
انما موضوع العقد هو اللي هيبقي عليه نزاع لأن ببيعلك حاجة مش بتاعتي
انما هو عقد صحيح مش مزور

**a7mad_mo7amad6** · 15-09-2013 01:40 AM

روح هات شهادة مخالفات من المرور.. معرفش اذا ينفع ولا لازم صاحب العربية وبكده هتتأكد انها مش مسروقة والا هيبان عندهم..الحاجه التانية شوف الرخصة الاصليه للعربية وصورها...
حاول تسجل صوت وانت بتخلص الاجراءات.. انا لو مكانك هعمل كده اهو اي اثبات

واخيرا لو مكتب قديم ومعروف متقلقش خالص لان ده سمعته
وانا اهو اشتريت من مكتب وجازفت ومنمتش اليومين دول بس الحمدلله مطلعش في اي مشاكل

**A3SAR** · 15-09-2013 01:43 AM

هو المكتب عارفه من ناحيه صديق ..
وعموما هو بيقول اصلا انها عربيه مراته
فبساطه من حقي انى اشوف الرخصه وبطاقة صاحبه العربيه واكيد مكتوب اسم الزوج في بطاقه مراته
وطبعا لو هاستلم العربيه هاستلمها بالرخصه بتاعتها وكمان انا معايا رقم العربيه ممكن اروح استعلامات المرور واسأل عليها
ايه رايكم في الكلام العبقري اللى انا بقوله ده :d

**a7mad_mo7amad6** · 15-09-2013 01:45 AM

كلام جميل.. ربنا يةفقك ويباركلك فيها: )

الموضوع: ما هي اجراءات شراء سيارة من مكتب ؟

LinkBack

أدوات الموضوع

عرض

ما هي اجراءات شراء سيارة من مكتب ؟ - انشر الموضوع فى :

-

-

-

المواضيع المتشابهه

اجراءات شراء مستعمل

اجراءات شراء سيارة زيرو ؟

اجراءات شراء عربية مستعملة

تكلفة و اجراءات شراء سيارة مستعملة او جديدة من اوربا

ماهى اجراءات شراء سيارة

الكلمات الدلالية لهذا الموضوع

المفضلات

المفضلات

ضوابط المشاركة