الموضوع: اجراءات شراء مستعمل

المشاركة الأصلية كتبت بواسطة mina4511776

انا مقدم علي شراء سيارة شاهين موديل 2003 ولدي بعض الاستفسارات
ربنا يباركلك فيها ومبرووك مقدماً

1 - ما الفرق بين التوكيل و بين عقد البيع المسجل وايهما افضل

الفرق

التوكيل : هو توكيل من صاحب السيارة القديم ( قبل الى هيبعلك ) عشان صاحب السياره يستفيد من مدة الرخصه ( مدة سريان الرخصه حتى التجديد القادم والضريبه المدفوعه لها ) مثلا وكدا او يكون تاجر بيشترى ويبيع عشان مايدفعش طبعا مصاريف التسجيل لأن مصاريف التوكيل اقل بكتيييييييييير من مصاريف التسجيل

التسجيل : انك تسجلها باسمك فى الشهر العقارى فور التعاقد ثم تبدأ فى اجراءات نقل الملكيه فى المرور فورا ( فى مدة السماح )

أيهما أفضل : ده يمشى وده يمشى مافيش مشكله لو عاوز تستفيد من مدة سريان الرخصه وتوفر مصروفات التسجيل والمرور مؤقتا لحد ماتكون جاهز بالمصروفات يبقى تعمل توكيل ثم تبيع لنفسك فى الشهر العقارى وتسجل وتنقل ملكيه بالمرور .

انا شخصيا بفضل التسجيل ونقل الملكيه

2 - كيف اتاكد ان صاحب السيارة استخرج شهادة مخالفات وتم دفعها
بيدك البايع شهادة مخالفات موثقه مكتوب فيها لايوجد مخالفات وشهادة بيانات كمان

واهمية شهاده المخالفات ليست فقط فى دفع نقدية المخالفه من عدمه ولكن اهميتها ايضا انها طلما استخرجت فان السياره ليست مطلوبه فى النيابه لأى سبب .
يعنى لابد من أستخرج شهادة المخالفات وشهادة البيانات فى حالة ان العربية من سوف تنقل من جهة مرور الى مرور أخر


بالتوفيق

المشاركة الأصلية كتبت بواسطة mina4511776

معلش اخر استفسار يا استاذ حسام
أسأل وأستفسر برحتك كلنا هنا بنساعد بعض فى المنتدى الجميل ده
هل المفروض استلم منة العربية يكون فيها طفاية وشنطة ومثلث ولا الكلام دة ملوش لازمة؟
وهل ليهم ورق؟
لا مش شرط تستلمها فيها الحاجات ديه بس لو موجوده خير وبركه والطفايه بالذات الأحتمال يخلوك تشترى غيرها أثناء تجديد الرخصه والفحص
هل اختار تجديد الرخصة سنويا ولا كل 3 سنين واية الفرق؟
فى ناس بدعملها سنه وفيه سنتين وفى ثلاثه وكله حسب أمكانات المبلغ الى معاه والذى رصده لعملية الترخيص والأفضل هنا حسب أمكاناتك مثلا انا برخص ثلاث سنوات ديما وريح دماغى بسب أنى أريح دماغى من أجراءات المرور أطول فترة ممكنه وفى ناس بترخص سنتان عشان هوا ناوى يبيع العربيه بعد سنه ونصف فخساره يدفع مبلغ مش هيستفيد به
هل لما انقل الملكية العربية هتخش فحص؟ نعم
هل هدفع ضريبة ولا لا واية حكاية التامين الاجباري دة؟
نعم هتدفع ضريبة حسب ماتختار مدة الترخيص من سنه لثلاثه
التأمين الأجبار ده لشركة التأمين مبلغ كده ومش كبير عادى يعنى و لو عاوز التفصيل أقلك

وثيقة التأمين الإجباري علي السيارات يتم الحصول عليها من خلال إدارات المرور عند الترخيص أو تجديد الترخيص علي السيارة, وقد تم تطبيق قانون التأمين الاجباري منذ عام 1955, ثم عدل عام 2007 لمزيد من التيسير علي المواطن ولضمان سرعة صرف التعويض ولتحقيق التوازن بين أقساط التأمين والتعويضات التي يحصل عليها المواطن.
وتتحقق حماية المواطن ومن يعولهم من خلال إلزام الدولة لصاحب السيارة أو سائقها بتأمين مسئوليته تجاه الغير وتعويضه مع ضمان سداد هذا التعويض عن طريق شركات التأمين العاملة بالسوق.
ومن أهم الحقوق التي كفلها قانون التأمين الإجباري بعد تعديله حق المضار في صرف مبلغ تعويض قدره 40 ألف جنيه في حالات الوفاة أو العجز الكلي المستديم فورا, وعشرة ألاف كحد أقصي عن الأضرار في الممتلكات التي تلحق بممتلكات الغير وبغض النظر عن إثبات الخطأ من عدمه وبدون الحاجة إلي رفع قضية علي شركة التأمين لاستحقاق هذا المبلغ وبمجموعة مبسطة من المستندات, بالإضافة إلي حق المضار في اقتضاء أي تعويض إضافي من المؤمن له من خلال إجراءات التقاضي العادية.
وقد كفلت التعديلات ايضا ضمان وصول مبلغ التأمين لمستحقيه من خلال توكيلات خاصة موثقة بالشهر العقاري صادرة بعد تحديد هذا المبلغ, وإلزام جهات التحقيق بإخطار شركة التأمين بوقوع الحادث وأحقية ورثة المضار في اقتضاء قيمة مبلغ التأمين في حالة وفاته خلال عام من تاريخ وقوع الحادث, وحق شركة التأمين في الرجوع علي كل من أدلي ببيانات غير صحيحة أو أخفي وقائع جوهرية عند أبرام عقد التأمين.
وكشفت إحصائيات عام 2008 عن ارتفاع حجم الضحايا إلي نحو 35 ألفا ما بين مصاب وقتيل, كان من نتيجتها تحمل قطاع التأمين تعويضات في فرع التأمين الإجباري بلغت 1039 مليون جنيه, كما تحمل الاقتصاد القومي خسائر في الممتلكات نتيجة حوادث السيارات تقدر بنحو 4.5 مليار جنيه. ( منقول )

معلش أسف للأطالة بس أنتا الى طلبت حكاية التأمين الأجبارى أيه .

بالتوفيق

تحياتى

___________
ماشاء الله كان ومالم يشأ لم يكن