إقتراح لأساتذة وكبار المنتدى

**ashrooof** · 27-09-2013 04:47 PM

انا عندى اقتراح ممكن يفيد ناس كتير جدا معندهاش اى فكرة عن اعطال الاوبل واسبابها زى العبد لله ودول بيكونوا هدف سهل للميكانيكية اللى معندهمش ضمير فياريت نجمع كل الاعطال واسبابها وطرق علاجها واعراضها وانا متأكد ان المنتدى تقريبا فيه مواضيع بتغطى كل حاجة بس متفرقة فلو جمعناها في موضوع واحد منظم هيبقي سهل على اللى بيدور على حاجة يعنى مثلا اللى عربيته بتاكل بنزين يبقى يبص على الرشاشات والبوجيهات وسلوكها وهكذا. بس لازم طبعا المساعدة من طنانى باشا وفادى وتامر وهلالى وكل الاخوة المحترمين لانكم والله احسن من 100 ميكانيكى مستغل وكمان نعمل الموضوع ده شيت اكسيل ونعمله داونلود ويبقي معانا كلنا على موبايلتنا وقت الحاجة اليه..وشكرا لكل اللى هيساعد.

**hilal** · 27-09-2013 07:13 PM

المشاركة الأصلية كتبت بواسطة ashrooof

انا عندى اقتراح ممكن يفيد ناس كتير جدا معندهاش اى فكرة عن اعطال الاوبل واسبابها زى العبد لله ودول بيكونوا هدف سهل للميكانيكية اللى معندهمش ضمير فياريت نجمع كل الاعطال واسبابها وطرق علاجها واعراضها وانا متأكد ان المنتدى تقريبا فيه مواضيع بتغطى كل حاجة بس متفرقة فلو جمعناها في موضوع واحد منظم هيبقي سهل على اللى بيدور على حاجة يعنى مثلا اللى عربيته بتاكل بنزين يبقى يبص على الرشاشات والبوجيهات وسلوكها وهكذا. بس لازم طبعا المساعدة من طنانى باشا وفادى وتامر وهلالى وكل الاخوة المحترمين لانكم والله احسن من 100 ميكانيكى مستغل وكمان نعمل الموضوع ده شيت اكسيل ونعمله داونلود ويبقي معانا كلنا على موبايلتنا وقت الحاجة اليه..وشكرا لكل اللى هيساعد.

فكرة جميلة جدا ولكنها تحتاج همة عالية
انا كنت أطمع في موضوع صغير عن انواع الحساسات ، وأعراض الاعطال الخاصة بكل منها
وحاولت أجمع من مشاركات الزملاء دليل وافي لنفسي
بس وجدت الموضوع أكبر من قدراتي
تحياتي

**ashrooof** · 27-09-2013 08:00 PM

وهو ده اللى خلانى اقول الاقتراح ده لانى ساعات بدور على حاجات وباخد وقت كتير جدا فممكن كل واحد عارف عطل ومتاكد من اسبابه يكتبه والموضوع مش قاصر على أعضاء معينين ولكن الكل يشارك.

**فادى محمد** · 27-09-2013 09:18 PM

فكره حلوه
بس هيبقي موضوع كبير ومتشابك
لان الاعراض بتتشابه وتختلف وكذلك الاسباب !!
اللي بيشتكي من عطل او اداء غريب في موتوره
ممكن يصاب بالملل قبل مايوصل للحل وبرده هيسال
ويعمل موضوع علشان يتاكد . في النهايه لازم موضوع
وبداخله ردود ..الفايده تعم علي الاعضاء في رايي من متابعه
المواضيع المتجدده والردود وتجارب الاعضاء مع سياراتهم
احنا اسره واحده عايشين في بيت واحد ..لازم نتفاعل مع بعض ونساعد بعض
انما لو عملنا موضوع مجمل عن الاعطال واسبابها .كل واحد ممكن يدخل
يدور ع اللي هو عاوزه من غير ما يقول سلام عليكم , ازيكم؟؟؟تقبل تحياتي