الســم عليكم و رحمة الله وبركاته
أعضاء منتدانا الجميل
( و بالاخص هذه القسم الرائع "حقا" )
كان فيه موضوع زمااان بيتكلم عن الدراجات و الترويج لاستخدامها
و ربنا رزقنى بشغلانة العجلة هاتوفر كتييييير عليا فيها :)
و كان شراء دراجة هو الحل الاصوب
و عاوز رأيكم اشتريها نوعها ايه ؟
و اليكم اهم متطلباتى فى الدراجة :
1- تكون جاهزة للطرق غير الممهدة ( مش هاطلع بيها جبال :) ،ـ لكن هاقابل طرق مكسرة شوية >> و من سؤالى حل الموضوع ده هو كاوتش عريض للعجلة مش الرفيع )
2- تكون رياضية و سهل ركنها و قفلها بسهولة
( بمعنى مش عاوز عجلة تقيلة ،، و مهم ان يكون اقدر اقفلها بقفل ، قفلين تلاتة كمان لإنى ممكن اسيبها دقايق و ارجعلها تانى فى الشارع ،، فعاوز ارجع الاقيها )
3- انا عارف ان خيالكم لمساعدتى وصل لاختيارات بعيييدة ، لكن الحقيقة انى عاوز عجلة اقتصادية ، من الفئة السعرية العادية اللى فى المتناول
( أول ما فكرت فكرة فى العجلة الصينى العادية و اغيرها الكاوتشين بـ 2 سمكهم اكبر علشان تظبط مع الشوارع المكسرة ،، لكن الصينى retro خالص و مش رياضية ،، فـ قولت اسأل و ادور يمكن الاقى عجلة مقاربة ليها سعرا و افضل )
فى انتظار آرائكم و اقتراحاتكم ،، و نقاشكم كمان للتوصل لافضل الحلول
و شكــــــــــرا
المفضلات