من فضلكم كنت عايز انضف التابلوة بتاعى علشان يرجع جديد اعمل ايه

**rashed** · 06-11-2013 01:27 PM

عربيتى ميجان 2 و التابلوة عندى لونه بيج كنت عايز حاجة تنضفة من غير ما تأثر علي خامة التابلوة وكمان في شوية خربيش حوالين مكان الكارت والكاسيت حاجات بسيطة لكن انا عايز انضفها كلها
وعندي مقابض الباب من الداخل قشرت شوية عايز ارشها اعمل ايه
حد يفدني افادكم الله

**rashed** · 06-11-2013 01:28 PM

نسيت اقول حاجة ان عربيتى ميجان 2

**تامر.محمد** · 06-11-2013 01:32 PM

اشتري منظف تابلوه من كارفور او اي ماركت في بنزينة و اعمل بيه التابلوه كله
او
روح كار كير محترم خليهم يغسلوا لك العربية من جوة , او يعملوا التابلوه كار كير , حسب حالة التابلوه

بالنسبة لمقابض الابواب , لو تقصد الدراع اللي بيبقى فضي او اسود (مش الاكرة) , فهي بتقشر في الميجان 2 كلها و انا عن نفسي بادور لها على حل

احد الحلول اللي اظنه هايعمل شغل انها لما يبقى شكلها وحش الواحد يكمل عليها و يشيل القشرة كلها و البلاستيك الاسود تحتها شكله احسن منها و هي مقشرة , او بعد كده ترشها باسبراي بس انا ما عملتش كده لسه
و مازال البحث عن حل مستمر

**Ahmed Selim** · 06-11-2013 02:19 PM

المشاركة الأصلية كتبت بواسطة semsem85

طيب اتاذ تامر وبالنسبة للاكر الخارجية احيانا بتكون مقشرة ليها حل وفي ناس وهي بتبيع بتقول اكر نيكل هل هما بيغرو القديمة بنيكل .....؟

معتقدش الأكر الخارجية بتقشر.

و النيكل دي حسب موديل العربية........مع العلم أن في منها عند بتوع الكماليات بس بيكون لامع قوي عامل زي الأستانليس.....مش عامل زي الفضة اللى بينزل فيها.

من أول تاني فئة أوتو كانت بتنزل بنواكل.

**تامر.محمد** · 06-11-2013 02:22 PM

المشاركة الأصلية كتبت بواسطة semsem85

طيب اتاذ تامر وبالنسبة للاكر الخارجية احيانا بتكون مقشرة ليها حل وفي ناس وهي بتبيع بتقول اكر نيكل هل هما بيغرو القديمة بنيكل .....؟

انا ما شفتش اكر خارجية مقشرة بصراحة قبل كده
هي عموما يا نيكل في الفئات التانية و التالتة , يا سودا فبر في اول فئة
حتى النيكل بتاعها مش النيكل العادي , تحسه مدي على فضي شوية

الاكر طبعا ممكن تتغير بأكر استيراد بس مش هاتبقى رخيصة يعني , انا عن نفسي اكري سودا فبر و لازق عليها ستيكر فضي و شكلها اهو