محتاج حد بتاع فيبر علشان التابلوة

**kokmedo** · 15-04-2013 12:15 PM

السلام عليكم
أنا معايا أكسنت 98 التابلوة كالعادة الاكسنت في شروخات كثيرة
كنت بفكر أغيرة ولكن عرفت لما اغيرة بردة هيقعد سنة بالكثير وهيتشرخ ثاني لأني خامتة اصلا مش حلوة فكنت عايز حد بتاع فايبر يظبط لي الشروخات دية وينضفلي التابلوة ويكسية جلد حلو كدة علشان الشكل وعلشان ميتشرخش ثاني وبالمرة احط عازل خلف التابلوة علشان التكييف يسقع اكثر والصوت وكدة كنت عايز أفضل واحد بتاع فيبر في أي حتة في القاهرة مش مشكلة المهم يكون معلم كبير ولو حد عندة أقتراح أخر لمشكلتي ياريت يقولة
وجزاكم الله كل خير

**kokmedo** · 16-04-2013 05:27 PM

محدش عارف حد كويس ولا اية

**ramyayash** · 16-04-2013 06:58 PM

انا في السعودية رحت لواحد بيصلح التابلوهات اللي اتفتحت من الايرباج.. بييجي عالشروخ دي ويقفلها بمعجون زي بتاع السمكرية.. وبيجيب بوية ويفشل يحاول يضبط اللون لحد ما يوصل لدرجة لون التابلوه ويرش فوق المعجون مش حواليه.. ويلمع بصنفرة خفيفة كده ومبتبنش وحسابها في حدود 50 ريال مش اكتر.. اعتقد بقي مصر اللي فيها صنايعية ناصحين وبيعملو العجايب هيبقي شغل احسن من كده وارخص كمان

**smsm_nabawy** · 16-04-2013 11:19 PM

ربنا يعينك دنتا وراك موال!! :(

**ashraf_sms** · 17-04-2013 08:47 PM

انت ممكن تروح لواحد منجد كويس يكسيه جلد وهيغطي الشروخ ديه بس مش هتتعالج لو انت عايز تنجز
لاكن لو عايز شغل علي مية بيضة تروح عند بسام فايبر اللي في الحرفيين وده ممكن يعمل قرد انا متعاملتش معاه بس اسمع عنه كتير وعمتا الحرفيين فيها صنعية كتير واللي انت عايز تعمله هتلاقيه هناك