ركبت فلوانس عامله 258 ألف كيلو بحالة الزيرو....لمن يسأل عن إعتمادية الفلوانس

**Hany Saad** · 09-11-2013 07:13 PM

لسه دلوقتى نازل من فلوانس شكل قديم ليموزين من الأسكندرية لمطار القاهرة.....العربية عاملة على العداد ٢٥٨ ألف كيلو....طبعا لولا العداد أنا مكنتش أبدا عرفت هى ماشية كام....حالة العربية من الداخل و الخارج زيرو....مفيش أى صوت أو تزييق داخل الكابينة....الموتور سحبه جبار...طبعا بما أنى ركيب رينو قديم حسيت بنتشة الفتيس المعتادة و لكنها أخف من الميجان فى المجمل.....طبعا فيه بعض التآكل نتيجة كثرة الأستخدام فى الدريكسيون و مسكة فرامل اليد و مقبض الفتيس و الجزء الجلد من المقعد و لكن كتابلوه و كنسول و كده العربية فوره

العربية بيتعملها صيانة منتظمة فى التوكيل و شركة الليموزين دى عندها ١٥ عربية فلوانس فى الأسطول بتاعها
لمن يسأل عن إعتمادية الفلوانس......دى أقل حاجة عندنا :)
برافو رينو....برافو فلوانس

**assaf** · 09-11-2013 07:49 PM

**Silent~Dream** · 09-11-2013 08:14 PM

اهم حاجه الصيانه الدوريه المنتظمه و عدم الحرق الكثير و بقدر الامكان تلافى الزحمه عربيه اوروبيه عريقه زى رينو بسهوله توصل فوق ال 700 الف كيلو بدون اى مشاكل كبيره

**hugan** · 09-11-2013 08:35 PM

انا بايع عربيتي الصيني عامله 120000
بحاله ممتازه
الفكره في الصيانه مش النوعيه

**Hany Saad** · 09-11-2013 08:45 PM

طبعا أكيد الرك على الصيانة و لكن المدهش فى الموضوع أن السواق أكدلى أنه بيعمل الصيانات الدورية المعتادة و لكن مكنش فيه حاجة شاذه قابلته.....يعنى القطع المعتادة التى تبلى بالأستخدام و مدخلش فى فتيس و لا كمبريسور تكييف و لا رادياتير كامل و لا الحاجات التى تقطم الوسط دى.....لاحظوا مثلا ان الأوكتافيا بتجيب بادى فالف كل ٦٠ ألف مثلا و كده....الميجان برده أعتقد هتكون غيرت حاجات محترمة قبل ما تعمل الكيلومتر ده......أعتقد ده تطور مذهل فى الأعتمادية من ساعة الشراكة مع نيسان و أستخدام قطع من عندها و من عند سامسونج......الكلام ده أحنا مش متعودين عليه فى هذه الفئة من الأوروبى
طبعا عادى أن العربية تعمل ضعف الرقم ده كمان طالما صيانة توكيل و عربية محترمة و لكن اللى مش عادى هتعمله بمصاريف صيانة قد أيه....هنا مربط الفرس.....هل هتعمله بتغيير قطع قد تمن العربية؟؟!!!

هرجع و أقول:
برافو رينو......برافو فلوانس