الموضوع: الميجان بتبطل فى السلانسية

السلام عليكم اولا

عربيتي ميجان 2005 و المشكلة ان العربية بدات بتاخير الدوراة والسحب مخنوق وبعد كدة بقت تبطل مني فى السلانسية او فى مطلع او مطب
1 - عملت حملة نظافة للحساسات والفلاتر و الانجشكشن ..النتيجة صفر
2- غيرت بوجيهات وكشفت على الكويلات ..النتيجة صفر
وطرمبة البنزنين لسة جديدة !
اخر ما زهقت كشفت عليها كمبيوتر وطلع ان حساس الكامة بايظ فروحت للميكانيكي وحكيتلة القصة ويغير الحساس كشف على العربية وقالي ان
ترس الديفيزر هو اللي بايظ مش حساس الكامة غيرت الديفيزر بواحد تاني استيراد وبرضة النتيجة صفر ؟
فا دلوقتي انا مش فاهم المشكلة فين هل هي كانت فعلا حساس كامة والميكانيكي فتي فيها ؟
ولا ان ترس الديفيزر الاستيراد مش حلو وماحلش المشكلة ؟
ولا هي حاجة تانية وانا عمال الف حوالين نفسي وخلاص ؟
افيدوني بالله عليكم علشان انا صرفت فلوس اونطا ومحروق دمي وهاين عليا ابيع العربية واخلص من وجع الدماغ دة

الحمد لله المشكلة اتحلت بعد تغيير بوجيهات وكويل وترس ديفيزر مرتين وحساس كامة وفيشة الحساس وفى الاخر طلعت
فيشة حساس الكرنك مهزوزة !!!
يا حسرتي على فلوسي
الحمد لله على كل حال