السلام عليكم.. ارجو النصيحه حيث لا خبره لى مطلقا..

**Mandosiom** · 20-11-2013 01:40 PM

السلام عليكم و رحمة الله وبركاته..

انا عملت موضوع لانى فعلا محتار و انتوا عارفين الكلام كتير و كل واحد بيقول على حاجه و فعلا بقيت متشتت جدا..

مبدئيا.. انا اول مره فى حياتى هجيب عربيه.. انا مش بحب اى حاجه مستعمله مهما كانت هى ايه.. مليش فى المستعمل خالص و موسوس جدا من ناحيته..

انا معايا 120 الف.. و عايز اجيب حاجه "زيرو و تكون اوتوماتيك".... للعلم انا اول مره هسوق عربيه.. كنت سوقت قبل كده بس مش مسافات طويله او بشكل متكرر..

علشان انا لسه جديد فى الموضوع ده.. فبختار "بالشكل":.. علشان كده عملت موضوع اسئل فيه لانكوا اكيد اكثر خبره منى كتفاصيل..

فى ناس نصحونى بالبيجو 301الجديده الفئه الاتوماتيك الاولى.. مش الهاى لاين لانها اغلى.. و فى نصحونى بنيسان صنى الجديده.. و فى اللى قالى اوبترا و فى اللى قالى افيو الجديده 2014.. و حاجات تانيه كتييير..

" يفضل تكون موفره شويه للبنزين "

شكرا مقدما..

**mastr_n** · 20-11-2013 01:44 PM

301 افضلهم جميعا شكل وموضوعا
ومبروك مقدماا ومتنساش تستخير ربنا الاول

**Mandosiom** · 20-11-2013 01:50 PM

المشاركة الأصلية كتبت بواسطة mastr_n

301 افضلهم جميعا شكل وموضوعا
ومبروك مقدماا ومتنساش تستخير ربنا الاول

شكرا جدا لرد حضرتك.. بس انا خايف تكون فهمتنى انى بقارن بين دول فقط..او انى بحصر الردود فى دول فقط..
لو حضرتك عندك اختيارات اخرى.. اتفضل.. لكن لو حضرتك مقتنع بيها كافضل اختيار.. فشكرا جزيلا ..

-----------------------------------
المبلغ المتاح / 120 ممكن ازوده 4-5 بالكتيييير..
نوع العربية / زيرو
إمكانية التقسيط فى حالة الزيرو / يفضل بدون تقسيط
خبرتك فى السواقة وسكك الصيانة / جديد -
شكل العربية / هاتش باك - سيدان - مش فارقة
الموديل / جديده خالص
إستخدام السيارة فى الاغلب / داخل المدينة
انتقالاتك بالعربية / الاتنين
الكماليات المرجوة / جميع الكماليات - المهم التكييف - مش فارقة
إستهلاك البنزين / يفضل قليل -
قطع الغيار / فى المعقول
اماكن الصيانة / يفضل توكيل - ممكن ميكانيكية - يفضل الاتنين
التفرغ لأعمال الصيانة / ممكن تتدبر
الاستمرار بالعربية لفترة / هاتستمر بيها فترة طويلة
سعر إعادة البيع / خسارة معقولة
اهم حاجات بتدور فيها على العربية /
- قوة تحمل
- قلة اعطال
- الشكل الحلو
كلهم اكيد بنسب معقوله..

**mhopa2440** · 22-11-2013 03:46 PM

في موديل ف الستروين نفس شكل البيجو 301 في كل شئ ونفس الموتور والعفشة وكل حاجة هي هي عدا شكل الفاونوس من جوه

انا ليا صديق اشتراها الهاي لاين بتاعها تقريبا بسعر الفئة الاولى من بيجو 301 لانه وفر تقريبا 15الف بين الاثنين انا شفت العربية تحفة

ادخل كونتاكت وشوف الستروين واتفرج على العربية

**muhmado_furp** · 22-11-2013 11:12 PM

بغض النظر عن اني معايا لانسر
بس طالما حضرتك هتركب عربية وهتشوق لاول مره
فأكيد في جزء من الموضوع داخل تحت بعض الخسائر نتيجة عدم الخبره
يبقي حضرتك محتاج تركب حاجه معمره ومنتشره في قطع الغيار
يبقي لانسر بومة من غير تفكير
وربنا يوفقك