سؤال شخصي لملاك الفلوانس 2014

**miceg** · 27-11-2013 01:19 PM

السلام عليكم ورحمه الله
في حد من الناس الحاجزين رينو فلوانس او اللي اشتروها
كان محتار بينها وبين تويوتا كورولا 2014
بصراحة في حيرة شديدة جداااااااا
ومش عارف اعمل ايه
اختار الكورولا :- لنظام vsc وإلاعتمادية فقط
ولا اختار الفلوانس للإعتمادية ولمتعة القيادة والكماليات ألاوروبي
علما بإني كذه مرة بالصني اتحط فمواقف تخليني اكسر الدركسيون لتفادي بعض المواقف وانتو عارفين كسرة الدركسيون فالصني بتعمل فيها إيه

**batour** · 27-11-2013 02:47 PM

السلام عليكم
انا كنت واقع فى نفس الحيرة بس حسبتها براحه
اولا : الناس كانت بتخوفك من الموتور الرينو وهو اتغير وبقى يابانى ( مع العلم ان موتور الفلوانس من 2010 مفيهوش مشاكل تذكر )
ثانيا : الناس تخوفك من سعر اعادة البيع ولو بصيت فى سعر الاستعمال انهاردة حتلاقى ان الفلوانس ماسكه سعر كويس اوى
ثالثا : الناس تقولك الاتزان ومش عارف اية .. انا ركبت فلوانس 2010 وسافرت بيها والعربيه ماشاء الله ثابته جدا والرينو من ايام الميجان كمان معروف انه ثابت ومش بيعوم ولا الكلام دا وهاتلى واحد قبل كدة راكب فلوانس او ميجان وعامت منه
رابعا : طبعا الفلوانس عربيه ركوبه ومتعه بمعنى الكلمه ودى مش حتحسها غير لما تركب الاتنين
خامسا : توكيل الرينو محترم جدا
وكفايه كدة عشان ممكن اقعد اعدلك لبكرة
بس اهم حاجة ممكن اقولهالك اركب العربيه الى انت حاببها وسيبك من اى حاجة
بس بردة التويوتا عربيه محترمه محدش يقدر يتكلم بس من وجه نظرى الشخصيه الفلوانس تكسب

**Batman372** · 27-11-2013 04:15 PM

+++111

المقارنه من 3 شهور كانت بين فلوانس e3 ب 169 / كرولا اول فئه اوتو ب175 / سيراتو sx ب 162 بعد عرض خصومات من كيا 6 الاف / اوبا استرا ب 185 ...

المقارنه فى النهايه كانت بين كورولا و فلوانس ...

بالنسبه للكورولا وجدت/اقتنعت ان افضل فئه مقابل النقود هى التانيه اوتو ب 195 الف و بالحجز 3 شهور ... و ان وجدت تسليم فورى عندك كمان اوفر برايس !!! فمش مستاهله كل ده !!! مش اعجوبه يعنى الى تخليك تنتظر و تدفع كمان 35 الف فرق :)

فى المقابل الفلوانس e3 بها نفس الفتيس الجديد cvt و موتور مقارب 118 حصان ... يعنى نفس الركوبه + قاعده عجلات اكبر base wheel و بالتالى راحه/اتزان اعلى + خامات داخليه اعلى + اوبشنات كتير + شكل جديد فيس ليفت + استلام فورى جميع الالوان + سعر اقل + توكيل و خدمه ممتاز + قطع غيار متوفره و اسعارها معقوله لان السياره من 2010 ...

النتيجه : الحمدلله خلصت من 10 ايام فى الفلوانس e3 ...

تحياتى ...

**Batman372** · 27-11-2013 04:20 PM

المشاركة الأصلية كتبت بواسطة miceg

اختار الكورولا :- لنظام vsc وإلاعتمادية فقط
ولا اختار الفلوانس للإعتمادية ولمتعة القيادة والكماليات ألاوروبي
علما بإني كذه مرة بالصني اتحط فمواقف تخليني اكسر الدركسيون لتفادي بعض المواقف وانتو عارفين كسرة الدركسيون فالصني بتعمل فيها إيه

طبعا نظام الاتزان الالكترونى فى اى عربيه مفيد جدا ...
لكن عن تجربه فى الفلوانس فى المنحنيات الشديده على سرعات عاليه تصل 140 كم/ساعه ... ثبات و اتزان ممتاز very satisfactory ... عكس الصنى تماما :)
و انا معايا c200/w204 بها طبعا كل/اعلى انظمه اتزان و ثبات ... يعنى عارف بقولك ايه :) اطمئن من النقطه دى ...
تحياتى ...

**Mohamed.Hany** · 27-11-2013 04:43 PM

انا شايف انك تجرب الاتنين و تقعد جواهم و انا واثق انك هتختار صح.
بس نصيحة متسمعش كلام اى حد و خلاص مجربش العربية و لا هوا من ملاكها, عشان من كتر كلام الناس المغلوط و اللي مش مبني علي تجربة انا كنت هلغي حجز عربيتي الكورولا عشان قال اييه انها واطية علي الارض و بعدين تكتشف ان كل اللي بيقولو كدة مش ملاك ولاحتي ركب العربية ولا شافها و كل حكمه عليها ان ارتفاعها 12.5 سم !!!!
من غير ميعرف هيا واطية منين و هل فيها تصفيح و لا لأ و انا اهو العربية معايا داخلة علي شهر و عمرى محكيت و العربية زى الفل.
تاني حاجة انسي الكورولا اللي كانت موجودة قبل كدة الموديل ده حاجة تانية من جوة و من برة و في الثبات بالذات رهيبة .
الاوبشنز لا تعد و لا تحصى و انا شايف ان فيها كماليات اكتر من الفلوانس كفاية اقولك ال esp و ال trc اللي بيدو ثبات في اوقات الخطر و كفاية كمان اقولك انهم موجودين ستاندرد من اول فئة مانيوال ده دليل انهم مركزين قوى مع موضوع الثبات ده.
ويزيد كمان حاجات تانية كتييير

1. Esp
2.trc
3.رشاشات فوانيس
4.حساسات ركن امامية
5.اوتو بارك ده مشكلة لوحده ملوش حل و اوبشن مش موجود غير في البي ام الئة
الخامسة و انت طالع و الليكزس
6.سبورت مود بزرار منفصل
7.تابلوه لونين بيج في اسود لبعض الالوان
8.نظام ايكو لتوفير البنزين يعمل و يقف اوتوماتيكيا حسب دوسة البنزين
9.سخانات في المرايات الجانبية بزرار منفصل
10. 7ايرباج
11.كاسيت تاتش
12.كاميرا خلفية

**miceg** · 27-11-2013 09:12 PM

المشاركة الأصلية كتبت بواسطة psycholain

انا شايف انك تجرب الاتنين و تقعد جواهم و انا واثق انك هتختار صح.
بس نصيحة متسمعش كلام اى حد و خلاص مجربش العربية و لا هوا من ملاكها, عشان من كتر كلام الناس المغلوط و اللي مش مبني علي تجربة انا كنت هلغي حجز عربيتي الكورولا عشان قال اييه انها واطية علي الارض و بعدين تكتشف ان كل اللي بيقولو كدة مش ملاك ولاحتي ركب العربية ولا شافها و كل حكمه عليها ان ارتفاعها 12.5 سم !!!!
من غير ميعرف هيا واطية منين و هل فيها تصفيح و لا لأ و انا اهو العربية معايا داخلة علي شهر و عمرى محكيت و العربية زى الفل.
تاني حاجة انسي الكورولا اللي كانت موجودة قبل كدة الموديل ده حاجة تانية من جوة و من برة و في الثبات بالذات رهيبة .
الاوبشنز لا تعد و لا تحصى و انا شايف ان فيها كماليات اكتر من الفلوانس كفاية اقولك ال esp و ال trc اللي بيدو ثبات في اوقات الخطر و كفاية كمان اقولك انهم موجودين ستاندرد من اول فئة مانيوال ده دليل انهم مركزين قوى مع موضوع الثبات ده.
ويزيد كمان حاجات تانية كتييير

1. Esp
2.trc
3.رشاشات فوانيس
4.حساسات ركن امامية
5.اوتو بارك ده مشكلة لوحده ملوش حل و اوبشن مش موجود غير في البي ام الئة
الخامسة و انت طالع و الليكزس
6.سبورت مود بزرار منفصل
7.تابلوه لونين بيج في اسود لبعض الالوان
8.نظام ايكو لتوفير البنزين يعمل و يقف اوتوماتيكيا حسب دوسة البنزين
9.سخانات في المرايات الجانبية بزرار منفصل
10. 7ايرباج
11.كاسيت تاتش
12.كاميرا خلفية

هي الكماليات دي كلها فأنهي فئة وبكام

**miceg** · 28-11-2013 01:32 AM

المشاركة الأصلية كتبت بواسطة batman372

الفئه التانيه اوتو الى ب 185 الف رسمى و بالحجز و التسليم بعد 3 شهور ...
او اوفر برايس فى المعارض اقله 195 الف ...
تحياتى ...

مكان الحجز فين علما بإني من سكان م نصر
بس مش أكيد يعني احنا فقسم الفلوانس برضه

ولام الواحد ياخد وجهات نظر أكثر

-

-

الموضوع: سؤال شخصي لملاك الفلوانس 2014

LinkBack

أدوات الموضوع

عرض

-

-

-

المواضيع المتشابهه

تقرير بالتفصيل الممل عن الفلوانس 2014

صوت حركة الباب في الفلوانس 2014

لملاك الفلوانس

معلومه لملاك الفلوانس

سؤال لملاك الفلوانس

الكلمات الدلالية لهذا الموضوع

المفضلات

المفضلات

ضوابط المشاركة