محتاج نصيحتكم في شراء الايمي

**amaboubakr** · 13-12-2013 03:10 AM

سلام عليكم
بصراحة انا معايا لانسر كريستالة وطبعا اكيد عارفين العربية دي وقيمتها من قوة وثبات وغيره
بس بصراحة الواحد زهق من القديم ونفسي اركب زيرو وانا متابع الايمي من قبل ماتنزل ومععجب بيها خالص بس بصراحة خايف ابيع الكريستالة واندم بعد كده
ومحتاج نصيحتكم

**dedi** · 13-12-2013 10:42 AM

المشاركة الأصلية كتبت بواسطة amaboubakr

سلام عليكم
بصراحة انا معايا لانسر كريستالة وطبعا اكيد عارفين العربية دي وقيمتها من قوة وثبات وغيره
بس بصراحة الواحد زهق من القديم ونفسي اركب زيرو وانا متابع الايمي من قبل ماتنزل ومععجب بيها خالص بس بصراحة خايف ابيع الكريستالة واندم بعد كده
ومحتاج نصيحتكم

بصراحة انا محتار زيك بالرغم من انها مع اخى راى الشخصى انتظر حتى يضبط غبور العربية بس ممكن تغلى ويزيد سعرها لانة ناس كتير مبهورة وطبعا كمالياتها مبهرة و شكلها رائع
انا لن اشترى الان لانى موش متقبل فكرة زيرو و دافع شقى عمرى وكل شوية اروح التوكيل علشان المشاكل الشائعة مثل ردائة الكاسيت السئ وكباس التكييف ودة كان اكتر من حد اشتكى منة جدا ولو حبيت تغيرة اية بديلة الذى ممكن يركب مكانة وعضة الفتيس كتير جدا اشتكى منها وفبرة التانك وبكرة الكرس الذين دايما بيتكسروا لسوء خامتهم وسوء الدوكو المستخدم و ظهور بقع عند ناس كتير وخامة الكاوتش السيئة وكراس العربية الناشفة جدا والتى لازم تركب لها اسفنج ودة شئ موش منطقى لسيارة زيرو وطبعا لمبة الشيك التى بسبب مشكلة رهيبة و الناس مبسطاها بمعنى معايير استخدام العربية بنزين 93 وهنا فى مصر هاتحط 92 فالمبة بتنور و لغاية دلوقت لم تحل هذة المشكلة وكمان مشكلة واير الفتيس التى حصلت مع اخى واتنين تانى ودى مهزلة فى عربية زيرو
طبعا كل دة بسبب انة غبور بيوفر فى تجميع السيارة وبيحط خامات سيئة

**midooo_119** · 13-12-2013 12:48 PM

المشاركة الأصلية كتبت بواسطة amaboubakr

سلام عليكم
بصراحة انا معايا لانسر كريستالة وطبعا اكيد عارفين العربية دي وقيمتها من قوة وثبات وغيره
بس بصراحة الواحد زهق من القديم ونفسي اركب زيرو وانا متابع الايمي من قبل ماتنزل ومععجب بيها خالص بس بصراحة خايف ابيع الكريستالة واندم بعد كده
ومحتاج نصيحتكم

انا هقلك عالحاجه لو الكريستاله مريحاك و مفيهاش مشاكل و مش مهم عندك ال abs+ebd و لا الايرباج و لا الايموبلايزر و لا عربيه واسعه يبقى الكريستاله افضل لان ايمى اوبشن كتير بجانب هتجازف شويه مع بعض عيوبها

**M I D O** · 13-12-2013 02:15 PM

نصيحة لوجة الله ..
لو الكرستالة مريحاك خليك معاها لو انت مبقطش طايقها وعاوز تغير وبتفكر في الامجراند هقلك هاتها بس بشرط واحد انك تتقبل اي عيب ممكن يقابلك وتصبر علية لحد ميتصلح في الصيانات و للعلم كل مشاكل العربية بسبب الخامات المصرية الزبالة غير كدة لو الخامات دي اصبحت افضل العربية هتبقي احسن بمراحل ولو انت مش مستعجل اصبر شهرين تلاتة تكون ظبطت ان شاء الله بس ربنا يستر و السعر ميغلاش

**M I D O** · 14-12-2013 04:12 AM

المشاركة الأصلية كتبت بواسطة amaboubakr

أشكركم جميعا على النصيحة
هي فعلا الكريستالة ممتازة بس القديم مشاكلة غير مضمونة وخاصة لأني بسافر كتير ودي اكتر مشكلة بتخوفني ،،،
انا روحت معرض واتفرجت على الايمي وانا اتوهمت بيها وبامكانياتها مع الفارق طبعا في الخامات بينها وبين الياباني ،،
على العموم انا بصلي استخارة وهامشي في الاجراءات لو فيه خير ربنا هايكملهالي على خير
دعواتكم

ربنا معاك يا باشا و ان شاء الله يكون اختيار موفق