سؤال في الميجان 2

**tarek_asem** · 21-12-2013 05:08 PM

انا باذن الله ناوي اشتري ميجان تو موديل 2006 او 2007 ... وقريت النهرده ان مكان الكنترول يونت ورا الفانوس على طول وده ممكن يحصل فيه مشكله لو اتخبطت من ورا ولو خبطه بسيطه .. الكلام مش داخل دماغي .. وصاحب الكلام ده بيقول انه ب 36 الف ! وده برضو رقم غير مقنع بالمره .... بس انا عايز اطمن لان انا حاببها جدا .. ايه الكلام ده بقى ؟

**dedo_ryo** · 21-12-2013 05:30 PM

بص حضرتك الكنترول يونيت ورا البطاريه علطول مش ورا الفانوس و بالنسبه للسعر فان طقم الدواره كله علي بغضه في حدود ال3000 جنيه مش بالسعر اللي حضرتك قايله و ياريت حضرتك تقول للقايلك الكلام ده ان عمره ما ركب ميجان خاااالص و عمره حتي ما فتح كبوتها و ربنا يوفقك

**tarek_asem** · 21-12-2013 05:59 PM

الهجص ملا البلد ... ربنا يوفقني ف ميجان كويسه ... لو نضيفه سعرها يعمل كام ؟ انا بشوف اسعار عالنت بس مش عارف هيا كده فعلا ولا دول اي كلام وعشان كده رخاص ؟

**dr/hamza** · 21-12-2013 06:13 PM

حلو ةاوى حكاية 36 الف دى...التأليف ف كل حاجة

**odod** · 22-12-2013 10:19 AM

انا كنت مغيره وكمان كان ب 2200 مش 3000 كمان .... انما 36000 ده كده بيتكلم فى تمن اكتر من النص امامى كله

**تامر.محمد** · 22-12-2013 10:35 AM

36 الف ؟
قول لحضرته ان فتيس الفلوينس جديد من التوكيل ب45 الف :)

ده امتداد قصة ال120 حساس تقريبا :)

**Ahmed Koller** · 22-12-2013 02:35 PM

٨ سنين كفاح مع الميجان وأول مره اعرف حوار الكونترول ده ..... ةكل الناس صحابي ال اعرفهم معاهم ميجان محدش حصل معاه اي موقف بسبب الكنترول ........ حضرتك ماتسمعش كلام اي حد .. لو سمعت كلام الناس .مش هتركب ولا عربيه .. هتلاقي نفسك مقضيها تكسيات