سؤال مهم جدا لاصحاب الميجان

**a_hassan184** · 29-05-2008 11:36 AM

يا جماعة حاولت ادخل علي موقع رينو فرنسا لمعرفة طريقة للمراسلة او الميل الخاص بخدمة العملا والشكاوي لرينو فرنسا.لكن معرفتش اجيب او اعرف حاجة.
السؤال يا جماعة
هل في طريئة نبعت بيها ميل او رسالة لرينو فرنسا ولا لأ؟ ولو فية ما هو الميل الخاص برينو فرنسا؟

**Ahmed Selim** · 29-05-2008 11:51 AM

روح اللينك دى و أملأ الفورم

http://v3.renault.com/cfm/v4/gb/transverse/question.cfm

خلال يومين هتلاقى رد منهم على الأيميل بتاعك

بس فى أقتراح تانى

ممكن تبعت لرينو مصر الأول وتشوف رد فعلهم أيه...... أيه رأيك ؟

http://www.renault.com.eg/commun/contact.html

**Ahmed Selim** · 29-05-2008 12:36 PM

بص يا باشا كل صانعى العربيات فى العالم بيبقى عنهم مشاكل ناتجة عن عيوب صناعة وعشان كده بيديك ضمان على العربية

يعنى مثلاً البيتلز الجديدة أو لما نزلت بره مصر رجعوا لموها تانى عشان عيب فى ضفيرة الكهرباء
و أنا أعرف واحد معاه جولف الجديدة كان فيها مشكلة فى حاجة متعلقى بالكهربا برضة واتغيرت فى الضمان ......... مش معنى كده أن عربته وحشة أو تقفيلها مش حلو بس نصيبه أن يطلع من ضمن مثلاً 30000 عربية اتباعو عربيته فيها مشكلة ناتجة عن عيب صناعة حاجة معينة.

نفس القصة معاك بس يمكن أنت اللى مزود الأحساس ده عندك الأشاعات اللى الناس اللى مركبتش العربية و متعرفش عنها حاجة مطلعاها

يعنى أنا من 3 سنين و أنا بفكر أشتريها واحد أعرفه جه قاللى لأ متشتريش العربية دى عشان فى واحد شغال فى أكسون موبيل جابها وعمل بيها حادثة عشان الدركسيون سوجر وهو ماشى !!!!!!!!

و أنا بالصدفة عندى 3 أصحابى شغالين فى موبيل فى أدارات مختلفة فأتصلت بيهم واحد واحد محدش منهم يعرف الراجل ده مين وواحد من صحابى قاللى الشركة كلها سمعت عن الموضوع ده بس محدش عارف مين اللى عمل الحادثة ولا بيشتغل فى أدارة أيه حتى اللى معاهم ميجان فى الشركة ميعرفهوش

معلش أنا طولت عليك بس خلاصة الكلام نفض للشائعات و متتضايقش من العربية عشان حاجة باظت

أنت لسه فى فالضمان بتاعك سنتين وشوية أو 47 ألف كم فمش عاوزك تقلق خالص

أن شاء الله تمشى معاك تمام بعد كده

**a_hassan184** · 29-05-2008 01:09 PM

يا باشا انا اشتريت العربية رغم كل الاشعات الي طالعة عليها و انا بحبها جدا وفي رأأي عربية محترمة جدا ورغم اني كان معايا أبلها جولف 4 وكتير لما عرفو اني حاجيب الميجان استغربوا!!
بس انا موضوع عيوب الصناعة دة عكنن عليا أؤي,انت عارف يا أحمد الواحد لما بيشتري عربية جديدة بيكون مش عايز يلعب فيها بدري كدة .

اليوم, 12:40 PM
Investor
تاريخ الانضمام: 04May2008

ممكن حضرتك تقولنا العربية عاملة ايه معاك بعد 13000 كم .. فى عيوب معينة أو حاجة مش مريحاك ؟

بس يا انفيستور العربية زي الفل وفعلن محترمة جدا والعربية مريحاني جدا لحاد الوأتي.
موضوع ال compressor دة الحاجة الوحيدة الي حاصلت معايا و التوكيل كان محترم جدا وغيرو علي طول.

**Investor** · 29-05-2008 01:34 PM

أى موديل 2007 اللى مع حضرتك ؟؟
وهل يوجد اختلافات بينها وبين 2008 من الداخل لأن من الخارج مافيش فرق تقريبا؟؟

**a_hassan184** · 29-05-2008 01:57 PM

مفيش اختلاف بين 2007 و 2008 في الشكل الداخلي و الخارجي الاختلاف الوحيد اعتقد ان الكاسيت بتاع 2008 MP3 لاكن 2007 CD Audio.

**Ramy_Tantawi** · 29-05-2008 02:00 PM

أولاً ربنا يبارك لحضرتك في العربيه ان شاء الله .....
ثانياً مش هاضيف أكتر من الي قاله أخي في الله أحمد جزاه الله خير ان فعلاً عيوب الصناعه شيء بديهي في الصناعات كلها وإلا ماكانش اتعمل ضمان على السيارات لو متأكدين من الحاجه ضد عيوب الصناعه بنسبة 100 % ما الغرض من الضمان إذاً ؟
انا حبيت بس أطمن حضرتك ان ان شاء الله العربيه مشاكلها قليله مش زي ما الناس بتصور وربنا يطمنك ان شاء الله ويكفيك شرها .

وتقبل تحياتي أخي الكريم,,,,