الموضوع: ارجو المساعدة رايح اتفرج علي ميجان 2005 بانوراما ابص علي اية تحديدا واكشف فين وبكام

اولا اسال على موقف الصيانه للعربية لو كانت بتصين في التوكيل بأنتظام هتبقى تمام وممكن ساعتها تسال على الفواتير ولو مش موجوده ممكن تكلم التوكيل وتديهم vin بتاع العربية هيدوك موقف صياناتها اما لو مزارتش التوكيل خالص انصحك تبعد عنها
لو ماسبق تمام ابدا بص على الأتي :-
1- حالة الصالون من حيث النظافة والترتيب وعدم تاكل الأجزاء وعمل كل مفتاح وجهاز موجود (انوار ، تكييف ، مرايات ، كاسيت ، مساحات ، زجاج كهربائي ) وهكذا وكل ماكان الصالون نضيف ومتحافظ عليه تعرف ان صاحب العربية ديه نضيف وبيهتم بيها (وجهة نظري الشخصيه) وكمان شاشه الأعطال متكونش مسجله عطل
2- البودي من الخارج من حيث حالة الرش ويفضل انها متكونش راشه خالص طبعاً
3- حوضو الموتور يكون متنسق ونضيف وكل حاجه في مكانها والفبر كله راكب وتبص على فردتين الشاسيه
4- دور الموتور واسمع صوته المفروض يكون ناعم ومظبوط
5- اركب العربية وامشى في تكسير عشان تسمع اصوات العفشة وكمان تجرب التوجيه والفرامل ونعومة نقلات الفتيس لو كان اوتو وخليك قافل الزجاج عشان تسمع الأصوات البسيطه
6- شوف حالة الجنوط والكاوتش والبطاريه
7- لو كل ما سبق تمام اتفق مع صاحبها انك تحجز كشف في التوكيل او على الأقل في مراكز الخدمة المعتمده واكشف عليها للأطمئنان فقط وإن شاء الله ربنا يوفقك لما فيه الخير