الموضوع: تجربة تغيير الزيوت فى مركز ولف لكن للاسف الحلو كان هيقلب بنكد

الجمعة اللى فاتت روحت الساعة 7 مساءا الى مركز زيوت ولف اللى مدنية نصر امام شركة كوكاكولا
اعايز اغير زيت الموتور -- زيت البور -- زيت الفرامل -- مياة التبريد .. قلتة كلة جاهز قالى كلة موجود اتفضل

الايجابيات :
1- مركز شامل لتغيير كل السوائل و الزيوت و انت قاعد بتفرج على كل حاجة بتحصل و بتشيك عليهم
2- الاسعار معقولة وهى
295 زيت الموتور vitaltech 5w-40
130 -- 5 لتر مياة تبريد long life بتعقد لغاية 5 سنين
80 -- زيت البور و الفتس الاوتو ودة اغلى نوع
80 -- 2 لتر زيت فرامل DOT3,4
30 مصنعية تغيير زيت الفرامل
20 مصنعية تغيير ميات التبريد

3- الزيوت ممتازة و صناعة باجيكا

السلبيات :
تانى يوم ببص اعمل شيك على السوائل لقيت المياة نقصت شوية .. المهم قلت اتابعها بعد كام يوم و اليوم اللى بعه بعد ماعملت مشوار محترم اجى اشوف المياة الاقى العربية بتنقط و القربة مافيهاش مياة الا حاجة بسيطة .. حمدت ربنا انى اكتشفت الموضوع دة قبل ما الموتور يحصلة حاجة و قلت ياريتنى ماغيرت المياة دى بتاعة الفبريكة 5 سنين و نص ومابتنقص و زى الفل فى تبريد العربية .. انا عارف انا ده مش صح لان لازم المياة تتغير كل سنتين لكن اللى كنت خايف منه اهو حصل من قلة معرفة الصنايعى و سوء الصنايعية فى مصر

المهم جبت مياة موبيل و كملت بيها لاغياة ماشوف اية الحكاية .. خدت لتر كامل ناقص
عرفت فين مكان التسريب .. وهو المكان دخول الفايظ الى الرادياتير المفروض الخرطوم عندى فى جزء مشطوف علشان يخش عاشق و معشوق فى الرادياتير زى الصورة دى و انا مشاور بالسهم عاى المنطقة دى


طبعا الباشا ركب الخرطوم من غير ماياخد بالة من الحتة دى و ربط الافيس و خلاص
الحمد لله انى عرفت اركبها صح و تبعتها كام يوم الحمد لله مافيش تسريب

ياريت من مسئول زيوت ولف بالمنتدى يعمل حاجة
انا عربيتى مازدا 3 الزرقاء و جيت الجمعة اللى فاتت 7 مساء