الموضوع: سكودا فورمان عاوز حد يفيدنى بسرعة فى شراء الفورمان

المشاركة الأصلية كتبت بواسطة EngAhmedSayed

اولا السيارة الفورمان
لازم تعرف حاجة
الفورمان هى الفيفوريت هى الفليشيا هى الفليشيا كومبى
كامتور و عفشة
عربية جميلة صاج محمل صالون جميل واسعة من الداخل و شنطة كبيرة
و ثبات لا يختلف عليه اثنين
بخصوص الاعتمادية فى السفر لاتقلق يا صديقى مدام انتا مرعيها صيانتها يبقى كل تمام ان شاء الله
على فكرة الفورمان كانت معايا و اول عربية امتلكها و كنت بسافر بيها من القاهرة الى شرم الشيخ و كنت نازل فى فندق فى جنوب سيناء و كانت كل يوم 100 كيلو رايح و 100 كيلو راجع ما بين شرم و جنوب سيناء على مدار 10 ايام
يعنى احسب المسافة ما بين القاهرة و شرم زهاب و اياب و كل يوم 200 كيلو موضوع قطع الغيار اسعارها كويسة و معمرة
موضوع اعادة البيع هتكون صعبة شوية لانى موديلها 1994 و غير كدة شكلها غير مألوف عند بعض الناس

موضوع السخونة دة بيحتاج لصيانة و متابعة زى اى عربية لو اهملت يبقى متجيش تلوم العربية
هو بخصوص سكودا عامتا مش اى حد بيشتغل فى موتور العربية مع العلم كا ميكانيكا سهلة و كهربة سهلة و عفشة مش معقدة

حاجة اخيرة
فى قسم خاص للفورمان هنا فى قسم سكودا سيتم نقل موضوع حضرتك لقسم المختص

و دة اللينك الخاص بالقسم

قسم خاص بسيارات سكودا فيفوريت وسكودا فليشيا - نايل موتورز - NileMotors.net

بالتوفيق ان شاء الله

شكرا جزيلا اخى الكريم على اهتمامك و شرعة ردك..
انا بفضل الله اشتريت العربية امبارح بليل بس لاقيت فيها شوية حاجات ..
المكنة خفيفة هتعوز شمبر و شوية شغل فى العفشة .
بس العربية فابريكة برة و جوة راشة رفرف واحد على نضافة و بس.
اشتريتها على 23 الف ..كدة كويس ولا غالية..مش عارف؟
و شكرا للأهتمام .
و طبعا هكون عضو جديد معاكوا فى سكودا و تم التحويل من بيجو بعد ما بعت حبيبة قلبى اللى صرفت عليها دم قلبى البيجو 104
و شكرا