الموضوع: أرجو المساعده في فتيس الميجان 2006-2007

أولا السلام عليكم
أنا كان معايا رينو ميجان 2006 ملحق 2007 مانيوال وكانت جميله جدا وسريعه جدا في التجميع ولسه بايعها واشتريت واحده أوتوماتيك برده نفس الموديل 2006 ملحق (2007 الشكل الجديد) مع علمي ان بيحصل مشاكل في الفتيس بس انا حابب الميجان ومش عاوز اسيبها وكمان أنا من المنوفية وبسافر شغلي في السويس كل اسبوع رايح جاي وما أدراك ما الزحمه فتوكلت على الله وجيبت الميجان الأوتوماتيك
المهم عندي المشاكل اللي جايه دي ياريت حد يساعدني فيها :-
1--العربيه صوتها عالي شوية وده لأن مروحة التبريد بتشتغل على طول من أول ما أدور الموتور وحتى لو العربيه بارده وكمان صوت الموتور عالي شوية ولكن العربية كحاله واستخدام وصيانة توكيل تمام
2- وأنا سايق بحس ان فيه نتشه في الفتيس مش من غيار لغيار ولكن على الغيار نفسه يعني العربية بتاخد التاني وبحس ان هيا بتاخد غيار تاني في النص بين الثاني والثالث وبيطلعلي رسالة check gear box ولما أققف وأبطل العربيه وأدورها تاني تروح الرساله والموضوع ده بيتكرر بس مش بإنتظام
3- عايز أعرف هل هناك طريقه أعرف بيها إذا كان software بتاع الفتيس ده معمول له update ولا لا؟ وهل السوفتوير يحل المشكله دي ولا؟
أرجو الإفاده

أيه يا وحوش ماحدش عاوز يساعدني ولا أيه