سخونية في لادا سمارا 1994

**power44man** · 15-04-2014 06:28 PM

بسم الله الرحمن الرحيم
اليومين دول العربية بدأت تسخن مني و علي طول المروحة شغالة معايا , المهم رحت لبتاع الردياتيرات و عملي سرفيس و غيرت الماية بمية خضراء و قلت خلاص المروحة حاتهدأ شوية
و لكن الحالة زي ما هي
يا ريت تفيدونا أعمل أيه مع العلم بلاقي المية ناقصة كل يومين عن المعدل اللي كانت عليه في القربة

**power44man** · 15-04-2014 07:58 PM

عاوز أركب للعربية كفرات يا تري ألاقيها عند مين في اسكندرية و بكام
4 كفرات و شكراً

**hassanin_lada** · 18-04-2014 03:23 AM

المشاركة الأصلية كتبت بواسطة power44man

بسم الله الرحمن الرحيم
اليومين دول العربية بدأت تسخن مني و علي طول المروحة شغالة معايا , المهم رحت لبتاع الردياتيرات و عملي سرفيس و غيرت الماية بمية خضراء و قلت خلاص المروحة حاتهدأ شوية
و لكن الحالة زي ما هي
يا ريت تفيدونا أعمل أيه مع العلم بلاقي المية ناقصة كل يومين عن المعدل اللي كانت عليه في القربة

السخونه عند حضرتك بسبب تسريب لان مش طبيعي ابدا الميه تتبخر في يومين !

زود ميه وقفل الدوره كويس
وزود بنزين وبص علي الدوره كلها وهتعرف مكان التسريب

ملحوظه لو مع التزويد لقيت ميه بتطلع من تحت الغطا يبقي المشكله من الغطا نفسه
وحاول تغيره بنوع نضيف مش تجيب ابو 5 جنيه !!

في فكره تاني وهي انك تجيب صاجه وتلحمها علي فتحت الريداتير
زي العربيات الحديثه الريداتير او السربنتينه زي مابيقولو بتبقي مغلقه كليا وبيزود الميه من القربه

ممكن كل سنه مره وده بسبب ان الريداتير محكوم كويس جدا

معلومة علي الماشي

هات حله مغلقه كليا باحكام واملاها ميه لحد معين وحطها علي النار حتي 20 ساعه(بس الحله تستحمل)

شيل الغطا هتلاقي الميه زي ماهي لان كل بخار الميه بيتعاد تاني في الدورة (تسخين تكثيف وبعدين يرجع نقط ميه تاني) اظن اخدناها في اعدادي

الريداتير كده بردو طالما محكم كويس عمر الميه ماتبخر ولا تنقص

ارجو اني اكون افدك